Lucas 1:47 - Dios Rimashca Shimicunami

⁴⁷ Ñuca espirituhuanca ñucata Quishpichij Taita Diospimi yallitaj cushicuni.

Mushuj Testamento Diospaj Shimi

⁴⁷ Ñucata Quishpichij Diosmantaca, ñuca espiritupimi cushicuni.

Lucas 1:47 Iomraidhean Croise

SALMOS 35:9

Chashna tucujpica ñuca almaca Mandaj Diospimi cushicunga. Quishpichij Mandaj Diospimi cushicunga.

HABACUC 3:18

ñucaca Mandaj Dioshuanmi cushicusha. Ñucaca, ñucata quishpichij Taita Diospimi cushicuita charini.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Lucas 2:11

Cunanmari Davidpaj pueblopica, shuj Quishpichij huacharishca. Paica Mandaj Cristomi.

1 Timoteo 1:1

Ñucanchijta Quishpichij Dios, ñucanchij shunguta churashpa caticushca Mandaj Jesucristopish mandashcamanta, Jesucristopaj apóstol Pablomi cani.

1 Timoteo 2:3

Ñucanchijta quishpichij Diosca, chashna rurajtami munan.

Tito 1:3

Chai cusha nishcataca pai rurasha nishca punllapimi, ñucanchijta Quishpichij Diosca ñucaman mingashpa huillachirca.

Tito 2:10

ama shuhuacuna cachun, ashtahuanpish tucui imapipish alli nishcacuna cachun yuyachishpa rimai. Chaimi ñucanchijta Quishpichij Diospaj yachanaca, sumaj cashcata yachangacuna.

Tito 2:13

Chaimi ñucanchij jatun Dios Quishpichij Jesucristo sumaj cashcahuan shamunataca, ñucanchijca chai yuyailla cushijlla shuyacunchij.

Judas 1:25

Ñucanchijta Quishpichij, pailla tucuita yachaj Diostaca Jesucristomanta cunanpish huiñai huiñaitapish jatunmari cangui, mandajmari cangui, tucuita rurai tucujmari cangui nishca cachun. Chashna cachun.