Lucas 1:46 - Dios Rimashca Shimicunami

⁴⁶ Chaimi Mariaca: “Ñuca almaca Jatun Diostami jatunyachin.

Mushuj Testamento Diospaj Shimi

⁴⁶ Chashna nijpica Mariaca, cashnami nirca: “Mandaj Diostaca, ñuca almahuanmi alli nicuni.

Lucas 1:46 Iomraidhean Croise

SALMOS 35:9

Chashna tucujpica ñuca almaca Mandaj Diospimi cushicunga. Quishpichij Mandaj Diospimi cushicunga.

ISAÍAS 45:25

Israelpaj huahua huahuacunataca, Mandaj Dios ña mana juchayujchu canguichij nijpica, tucuicunami paita jatunyachingacuna.

ISAÍAS 61:10

Mandaj Diospimi ñucaca yallitaj cushicusha. Ñuca Taita Diospimi ñuca almaca cushicunga. Paimi ñucamanca churanata shinaca quishpirinata churachirca. Cashcata ruranahuanmi pilluchirca. Noviota shinami sumajta allichirca. Noviata shinami achca valijcunahuan sumajta allichirca.

Romanos 5:11

Mana chaillachu, Dioshuan alli tucunataca ñucanchij Mandaj Jesucristomanta chasquishcamantami Taita Diospica cushicunchij.

1 Corintios 1:31

Chashna cana cashcamantaca, cashnami quillcashca tiyacun: “Maijanpish allimi cani nirijca, Jatun Diospi allimi cani nirichun” ninmi.

2 Corintios 2:14

Paipaj mishquiman ashnajlla yachaitaca tucuipi huillachunmi, ñucanchijtaca tucui imapipish mishachishpa pushacunlla. Chaimantami Diostaca pagui nicunchij.

Filipenses 3:3

Ñucanchijmi circuncisionta rurashcacuna, Espiritupi Diospajta rurajcuna canchij. Aichata p'itichishcapica mana shunguta churashpami, Cristo Jesuspi jatunyarinchij.

Filipenses 4:4

Mandaj Jesuspi shujlla cashcamanta yallitaj cushicucuichijlla. Cutinmi nini: ¡Yallitaj cushicucuichijlla!

1 Tesalonicenses 5:23

Sumaj causaita cuj Taita Diosllataj cancunapaj espiritutapish, almatapish, cuerpotapish tucui mapa illajlla tucungacama chuyayachishpa ñucanchijta Mandaj Jesucristo shamunapajca, pi mana juchachipajta huaquichishca cachun.

1 Pedro 1:8

Cancunaca mana ricushpapish, Jesucristotaca c'uyanguichijmi. Cunan mana ricushpapish paipi crishcamantami, mana huillai tucuipaj jatun sumaj cushicuihuan cancunaca cushicucunguichij.