Lucas 1:35 - Dios Rimashca Shimicunami

³⁵ Shina nijpi angelca: –Jucha illaj Espiritumi cambaj jahuaman shamunga. Tucuipaj jahuapi caj Diosmi paipaj poderhuan llandunga. Chaimantami Jucha Illaj huacharigrij Huahuaca, Diospaj Churi nishcapish canga.

Mushuj Testamento Diospaj Shimi

³⁵ Angelca cashnami nirca: —Jucha illaj Espiritumi cambajman shamunga. Jahua pachapi Causaj, Tucuita Rurai Tucuj Diosmi cantaca llandunga. Chaimantami huahuaca jucha illaj huacharishpa, Diospaj Churi nishca canga.

Lucas 1:35 Iomraidhean Croise

JOB 14:4

¿Juchata rurashcataca pi pichari tucuipajchu? Pitaj chaitaca pichari tucungari.

JOB 15:16

Millaita ruraj, mana cazuj runacarin yacuta ubyaj shinami millaita ruran.

JOB 25:4

¿Runaca Taita Diospaj ñaupajpica, ima shinataj juchachina illajca cai tucungari? Huarmimanta huacharishca runaca ¿ima shinataj mapa illajca cangari?

SALMOS 2:7

Mandaj Dios ñucaman ima nishcatami huillagrini: “Paica ñuca huahuami cangui, cunanmi canmanca causaita cuni.

SALMOS 51:5

Ñucaca mamapaj huijsapi tiyarishca pachamantami millai cashcani. Ñuca mamaca juchayujtami chichushca.

Mateo 1:18

Jesucristo huacharishcaca cashnami: Paipaj mama Mariaca, Josehuanmi cazaranapaj ari ninacushca carca. Manaraj tandalla causashpami, Mariaca jucha illaj Espiritumanta chichu ricurirca.

Mateo 1:20

Pai chashna yuyacujpimi, Jatun Diospaj ángel muscuipi ricurishpaca: “Davidpaj huahua huahua José, cambaj huarmi Mariata chasquinataca ama manchaichu. Pai chichushca huahuaca, jucha illaj Espiritumantami.

Mateo 14:33

Chaimantami barcopi cajcuna Jesuspajman c'uchuyashpaca: –Diospaj Churitajmi cangui– nishpa adorarcacuna.

Mateo 27:54

Patsaj soldadocunata mandaj, paihuan Jesusta cuidacuj soldadocunapish jatunta allpa chujchujta, tucui imalla tucujtapish ricushpaca, achcata mancharinacushpami: “Caica Diospaj Churitajmari cashca” nircacuna.

Mateo 4:3

Pandachij diablo paipajman c'uchuyashpaca: –Taita Diospaj Churitaj cashpaca, cai rumicunata tanda tucuchun niyari– nijpimi,

Marcos 1:1

Taita Diospaj Churi Jesucristomanta alli huillai ima shina callarishcami.

Marcos 1:24

–Nazaretmanta Jesús, ¿imatataj ñucanchijtaca nij shamungui? ¿Chingachingapajchu shamungui? Cantaca pi cashcata yachanimi. Jucha Illaj Taita Diospajmanta shamushcami cangui– nirca.

Lucas 1:27

Chaipica c'arihuan manaraj chayarinacushca Mariamanmi huillanaman rirca. Mariaca Davidpaj huahua huahuamanta caj Josehuanmi cazaranapaj ari ninacushca carca.

Lucas 1:34

Chaimi Mariaca angeltaca: –¿Ima shinataj chashnaca tucungari? Manaraj cusayuj canica– nirca.

Lucas 1:36

Riqui, cambaj familia Elisabetpish mana huachaj nishca cashpapish, yuyaj cashpapish ñamari sujta quillata c'ari huahuata chichu.

Juan 1:34

Chashna tucujtaca ñucataj ricushca cashpami, caimari Taita Diospaj Churi nishpa huillacuni– nircami.

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

Juan 20:31

Jesustaca Quishpichij Cristo cashcata, Taita Diospaj Churi cashcatapish crishpa paimanta huiñai causaita charichunmi cai tucui quillcataca quillcashca.

Hechos 8:36

Parlanacuihuan ñanta ricushpaca yacu tiyan c'uchuta pasagrishpami eunuco runaca: –Caipica yacu tiyanmari. ¿Manachu ñucaca cunanllataj bautizari tucuni?– nijpi,

Romanos 1:4

Huañushcacunapaj chaupimanta pai causarishcamantami, jucha illajta ruraj Espíritu huillashca shinaca, poderyuj Diospaj Churi cashcata ricuchishca.

Gálatas 2:20

Ñucaca, Cristohuan shuj shinalla chacatashcami cani. Ña mana ñucachu causani, ashtahuanpish Cristomi ñucapica causan. Cunan aichahuan causacushpapish Diospaj Churita crishpami causani. Paimi ñucata c'uyashpa, paillataj curishpa ñucamanta huañurca.

Efesios 2:3

Ñaupa punllacunaca tucui ñucanchijpish aicha munaicunapi purishpami, aichapaj munaita rurashpa, yuyashcata rurashpa, millaita rurajcunapurapi causarcanchij. Shujtajcuna shinallatajmi ñucanchijpish huachari pachamanta, Dios p'iñarishpa llaquichina huahuacuna carcanchij.

Hebreos 4:15

Ñucanchijca imata mana rurai tucuj irqui cashpapish, curacunata jatun pushaj llaquij curatami charinchij. Paitapish ñucanchijta shinallatajmi mana alli yuyaicuna pandachisha nirca. Chashna cajpipish paica manataj juchallircachu.