Lucas 1:33 - Dios Rimashca Shimicunami

³³ Paica Jacobpaj huahua huahuacunatami huiñaita mandanga. Paipaj mandanaca, manataj tucuringachu– nircami.

Mushuj Testamento Diospaj Shimi

³³ Jacobomanta mirarishca israelcunataca, Paimi huiñaita mandanga. Pai mandanaca manataj tucuringachu— nircami.

Lucas 1:33 Iomraidhean Croise

2 SAMUEL 7:13

Paimi ñuca huasitaca shayachinga. Pai mandashpa tiyanataca ñucami huiñaipaj churasha.

2 SAMUEL 7:16

Cambaj huasi familiapish, cambaj mandanapish ñuca ñaupajpica huiñaitami canga. Can mandashpa tiyanapish mana cuyuchipaj huiñaipajmi canga ninmi ningui” nircami.

SALMOS 45:6

Taita Dios, quiquin mandashpa tiyanaca mana tucurij huiñaipajmi. Quiquin mandana varaca cashcata rurashpa mandana varami.

SALMOS 89:4

“Huiñaitami cambaj huahua huahuataca mandaj cachun churasha. Can mandanapica cambaj huahua huahuacunami mandacungalla” nircanimi. Selah

ISAÍAS 16:5

Mandashpa tiyanapica llaquij canatami churanga. Chaipica pi mana cuyuchipaj mandajmi tiyaringa. Chaica David rurashca carpa huasipimi canga. Paica cashcata ruraj canata munaj mandajmi canga. Paica imatapish chaitataj ruranaihuan huañucujmi canga.

ISAÍAS 9:7

Pai mandanaca ashtahuanmi mirashpa catinga. Pai mandacujpica sumaj causaimi tiyanga. Chai mandanaca mana tucuringachu. David mandashpa tiyanapimi tiyaringa. Pai mandanatami mandanga. Ima pandata mana rurashpa, cashcata rurashpami mandanga. Imatapish alli cachun churashpami mandanga. Pi mana cuyuchipajmi canga. Pai mandai callari punllamanta huiñaitami chashna canga. Tucuita Mandaj Diosca chaita rurana munailla cashcamanta pajtachingatajmi.

JEREMÍAS 23:5

Mandaj Diosca cashnapishmi nin: “Shamuj punllacunapica, Davidpaj huahuapuramantami cashcata ruraj mandajta churasha. Paimi cai llajtata Jatun Mandaj canga. Paica cushicushpami cai llajtapica alli mandanga, tucuicunapajmi cashcata ruranga.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

DANIEL 4:34

Shina cashpapish, ñucata llaquichishca huatacuna ña tucuricuipimi, Nabucodonosor ñucaca jahua pachata huichilla ricurcani. Chaimi ñucamanca gente yuyaillatataj tigrachirca. Jahua pacha Taita Diostaca allimari cangui nircanimi. Huiñai causaiyujtaca alabashpa jatunyachishpami cashna nircani: Quiquin mandanaca mana tucurij huiñaita mandanami. Quiquinca huahua huahuata mandacunguillami.

DANIEL 6:26

Ñucatajmi cancunataca caita mandani: Ñuca mandacun tucui llajtacunapica tucuicuna Danielpaj Taita Diosta alli nishpa manchachuncuna, nishpami cashna nirca: Paica causaj Taita Diosmi. Huiñai huiñaita causajmi. Pai mandanaca manataj chingachishca cangachu. Pai mandanaca huiñaitami canga.

DANIEL 7:18

Chaicunapaj q'uipaca, jahua pacha Taita Diospaj jucha illajcunami mandanata chasquingacuna. Mandanata paicuna japishpaca, huiñai huiñaitami mandangacuna nircami.

DANIEL 7:27

Chashna rurashpaca mandanatapish, mandaj canatapish, achca llajtacuna tandanacushca mandanacunatapish, cai pachapi tucui cajcunataca jahua pacha Taita Diospaj jucha illajcunamanmi cunga. Chai mandanaca huiñaita mandanami canga. Chaipica tucui mandacujcunami pai mandashcallata ruracungacuna” nircami.

ABDÍAS 1:21

Esaupaj urcupi causajcuna imalla rurashcata ricungapajmi, quishpichijcunaca Sión urcuman huichiyangacuna. Chai punlla mandanaca, Mandaj Diospajllami canga.

MIQUEAS 4:7

Chashnami patojoca, ñucapajlla saquiringa. Chingarishcacunata tandachishpami, jatun llajtata rurasha. Chai punllamantapacha Mandaj Diosmi paicunataca, Sión urcupi huiñaita mandacungalla.

Mateo 1:1

Jesucristoca Davidpaj, Abrahampaj huahua huahuapuramantami. Paipaj ñaupa yayacunapaj shuticunaca caicunami:

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Lucas 1:34

Chaimi Mariaca angeltaca: –¿Ima shinataj chashnaca tucungari? Manaraj cusayuj canica– nirca.

Romanos 9:6

¿Israelcunaman Dios cusha nishcachu mana pajtashca? Manataj chashnachu, ashtahuanpish israelcunapaj huahua huahuacunamari mana tucuicuna israelcunataj cashca.

Gálatas 3:29

Cancuna Cristopaj cashpaca, Abrahampaj huahua huahuacunatajmi canguichij. Dios cusha nishcatapish japijcunami canguichij.

Gálatas 6:16

Maijanpish cai mandashcapi nishca shina purijcunahuan, Diospaj israelcunahuanca sumaj causaipish, llaquij canapish cashca cachun.

Filipenses 3:3

Ñucanchijmi circuncisionta rurashcacuna, Espiritupi Diospajta rurajcuna canchij. Aichata p'itichishcapica mana shunguta churashpami, Cristo Jesuspi jatunyarinchij.

Hebreos 1:8

Ashtahuanpish paipaj Churitaca, cashnami nirca: “Dioslla, can mandashpa tiyanaca, huiñai huiñaipajmi. Cambaj varaca cashcata rurashpa mandanami.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.