Lucas 1:32 - Dios Rimashca Shimicunami

³² Paica jatun nishcami canga. Jahua pachapi caj Jatun Diospaj Churi nishcami canga. Mandaj Diosca, Davidpaj jatun tiyarinatami paimanca cunga.

Mushuj Testamento Diospaj Shimi

³² Paica jatun nishcami canga. Jahua pacha Diospaj Churi shutipishmi canga. Mandaj Taita Diosca paimanca, Paipaj ñaupa yaya David mandashpa tiyanatami cunga.

Lucas 1:32 Iomraidhean Croise

2 SAMUEL 7:16

Cambaj huasi familiapish, cambaj mandanapish ñuca ñaupajpica huiñaitami canga. Can mandashpa tiyanapish mana cuyuchipaj huiñaipajmi canga ninmi ningui” nircami.

SALMOS 132:11

Mandaj Diosca pajtachingapajtajmi Davidmanca cambajca cashnami rurasha nirca. Pai cashna nishcataca manataj p'aquingachu: “Can mandashpa tiyanapica, cambaj huahua huahuacunatami churasha.

SALMOS 132:12

Ñucahuan ari ninacushcata, ima shina causanata ñuca yachachishcata cambaj huahuacuna huaquichishpaca paicunapish can mandashpa tiyanapica huashan huashanmi tiyaringacuna” nishcami carca.

ISAÍAS 16:5

Mandashpa tiyanapica llaquij canatami churanga. Chaipica pi mana cuyuchipaj mandajmi tiyaringa. Chaica David rurashca carpa huasipimi canga. Paica cashcata ruraj canata munaj mandajmi canga. Paica imatapish chaitataj ruranaihuan huañucujmi canga.

JEREMÍAS 17:25

Chashna huaquichijpica, Davidpaj tiyanapi tiyarishpa mandacuj jatun mandajcunapish, caishuj mandajcunapish caballocunapi, carretacunapi cai pueblo pungucunata llujshinga, yaicungacunami. Shinallataj tucui Judá runacunapish, cai Jerusalenpi causajcunapish caipi puringacunami. Cai pueblopica causacungallacunami.

JEREMÍAS 22:2

cashna huillagri: Davidpaj jatun tiyanapi tiyarishpa Judá llajtata mandacuj jatun mandajpish, can churashca mandajcunapish, cai punguta yaicuj tucui Judá runacunapish, Mandaj Dios rimashcata uyaichij.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

Mateo 1:1

Jesucristoca Davidpaj, Abrahampaj huahua huahuapuramantami. Paipaj ñaupa yayacunapaj shuticunaca caicunami:

Mateo 12:42

Imalla rurashcata Taita Dios ricuchi punllapica, ura llajtata jatun mandaj huarmipishmi, cunan cai punllapi causajcunataca mana allitamari rurashcanguichij ningapaj shamunga. Chai huarmica ñaupa mandaj Salomón yachaisapa cajpimi, pai yachachishcata uyangapaj caru llajtamanta shamurca. Riquichij, caipica Salomontapish yallimari yachachicun– nircami.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Mateo 3:11

Mana allita ruracushcata saquishpa cutirijpi, yacupi bautizajllami ñucaca cani. Chaica chashnatajmi. Ashtahuanpish ñucapaj q'uipa shamujmi Espiritupi, ninapi bautizanga. Paica ñucata yalli tucuita rurai tucujmi. Chaimantami paipaj pargatellatapish mana pascaipaj cani.

Marcos 14:61

Jesusca imata mana cutichishpa upalla carcallami. Chaimi curacunata mandajca: –¿Canca tucuicuna alli nishca Taita Diospaj Churi, Cristochu cangui?– nishpa cutin tapujpi,

Marcos 5:7

shinchita caparishpami: –Jahua pachapi caj Taita Diospaj Churi Jesús ¿imatataj nij shamungui? Taita Diospaj shutipimi rogani. ¡Ñucataca ama llaquichipaichu!– nirca.

Lucas 1:15

Paica Dios alli nishcami canga. Vinotapish, sidratapish mana ubyangachu. Mamapaj huijsamanta pachami jucha illaj Espirituhuan junda canga.

Lucas 1:35

Shina nijpi angelca: –Jucha illaj Espiritumi cambaj jahuaman shamunga. Tucuipaj jahuapi caj Diosmi paipaj poderhuan llandunga. Chaimantami Jucha Illaj huacharigrij Huahuaca, Diospaj Churi nishcapish canga.

Lucas 1:76

Shinallataj can huahuituca, jahua pachapi caj Diospaj profeta nishcami cangui. Canmari Quishpichij purina ñanta allichishpa ñaupashpa ringui.

Lucas 3:16

Chaipimi Juanca, tucuicunaman cashna nishpa cutichirca: –Cancunataca ñucaca yacullapimi bautizani. Ashtahuanpish ñucapaj q'uipa shamujmi Espirituhuan ninahuanpish bautizanga. Paica ñucata yalli poderyujmi. Ñucaca paipaj pargatellatapish mana pascaipajmi cani.

Lucas 6:35

Ashtahuanpish cancunata p'iñajcunata c'uyashpa, paicunapaj allita ruraichij. Imata mañachishpaca chaimanta imata japinataca ama yuyaichijchu. Cancuna japinaca tucuimanta alli jatunmi. Jahua pachapi caj Taita Diospaj huahuacunami canguichij. Taita Diosca mana pagui nijcunatapish, mana allicunatapish llaquijmi.

Juan 12:34

Chaimi chaipi caj gentecunaca: –Ñucanchijca Mandashcapica: “Quishpichij Cristoca huiñaitami causanga” nishcatami uyarcanchij. ¿Ima nishpataj canca: “Runa Aichayujtaca jahuaman huarcushcatajmi canga” ningui? ¿Chai Runa Aichayujca pitagari?– nircacunami.

Juan 6:69

Ñucanchijca cantaca causaj Taita Diospaj Churi cashcatami crinchij. Cristo cashcatapish yachanchijmi– nirca.

Hechos 16:17

Chai huambraca Pablotapish, ñucanchijtapish: –¡Cai runacunaca jahua pachapi caj Taita Diospajta rurajcunamari! Paicunaca ima shina quishpirina cashcata cancunaman huillajcunami– nishpami caparishpa caticujlla carca.

Hechos 2:30

Davidca profetami carca. Chaimantami paitaca Taita Diosca cambaj huahua huahuamantami Quishpichij Cristoca shamushpa, can mandashpa tiyarinapi tiyaringa nirca. Taita Diosca pai rurasha nishcataca pajtachinataj cashcataca Davidca yacharcami.

Hechos 2:36

Tucui israelcunami caitaca allitaj yachana canguichij. Chai cancuna chacatashca Jesusllatatajmi Mandaj cachunpish, Quishpichij Cristo cachunpish Taita Diosca churarca” nircami.

Hechos 7:48

Jahua pachapi caj Taita Diosca maquihuan rurashca huasipica mana causanchu. Profeta quillcashpa cashna nishca shinaca:

Romanos 1:4

Huañushcacunapaj chaupimanta pai causarishcamantami, jucha illajta ruraj Espíritu huillashca shinaca, poderyuj Diospaj Churi cashcata ricuchishca.

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin: