Lucas 1:30 - Dios Rimashca Shimicunami

³⁰ Chaimi angelca: –María, ama manchaichu. Taita Diosmari canmanca mana c'uyaipajta c'uyajta cungapaj agllashca.

Mushuj Testamento Diospaj Shimi

³⁰ Chaimantami angelca, cashna nirca: —María, ama manchaichu. Diosmari cantaca jatunta cʼuyashpa allicunata cungapaj agllashca.

Lucas 1:30 Iomraidhean Croise

GÉNESIS 6:8

Shina cajpipish Mandaj Diospaj ñahuipica, Noellami allita ruraj cashca ricurirca.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

ISAÍAS 41:14

Jacobpaj c'uritucuna ama manchaichijchu. Israelcuna ashalla cashpapish cancunaca ama manchaichijchu. Ñucami cancunata ayudaj cani ninmi Mandaj Diosca. Israelcunapaj jucha illaj Diosmi cancunata Quishpichijca.

ISAÍAS 44:2

Mamapaj huijsamantapacha canta callarichij, canta ruraj, Mandaj Diosca cashnami nin: Ñucapajta ruraj Jacob ama manchaichu. Jesurún canpish ñuca agllashcamari cangui. Ñucami cantaca ayudasha.

Mateo 14:27

Ashtahuanpish Jesusca: –Ñucamari cani. ¡Ama mancharichijchu!– nircami.

Mateo 28:5

Ashtahuanpish angelca, chai huarmicunamanca: “Cancunaca ama manchaichijchu. Chacatashca cashca Jesusta mashcacujtaca, ñucaca yachanimi.

Lucas 1:13

Angelca cashnami nirca: –Zacarías, ama manchaichu. Can mañashcataca Diosca uyashcami. Cambaj huarmi Elisabetca, shuj c'ari huahuatami huachanga. Paitaca Juan shutita shutichingui.

Lucas 12:32

Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun.

Hechos 27:24

Chai angelmi ñucataca: “Pablo, ama manchaichu. Canca Cesarpajman chayanatajmi cangui. Canmantaca tucui canhuan rijcunatami Taita Diosca, huañuimanta quishpichisha ninmi” nirca.

Romanos 8:31

Shina cajpica ¿imatataj caimantaca nishun? Dios ñucanchijhuan cajpica ¿pitaj ñucanchijtaca imata ni tucungari?

Hebreos 13:6

Chashna cajpimi, imata mana manchashpa: “Jatun Diosca ñucata ayudajmi. Pipish ñucata imata ruranataca, mana manchanichu” ninchij.