Lucas 1:15 - Dios Rimashca Shimicunami

¹⁵ Paica Dios alli nishcami canga. Vinotapish, sidratapish mana ubyangachu. Mamapaj huijsamanta pachami jucha illaj Espirituhuan junda canga.

Mushuj Testamento Diospaj Shimi

¹⁵ Taita Diospaj ñaupajpica paica, jatunmi canga. Vinotapish, sidratapish mana ubyangachu. Mamapaj huijsamantapachami, jucha illaj Espirituhuan junda canga.

Lucas 1:15 Iomraidhean Croise

GÉNESIS 12:2

Canmantaca shuj jatun llajtatami rurasha. Cambaj shutitaca alli nishca cachun, jatun nishca cachunmi churasha. Canmantami tucui shujtajcunapish alli nishca cangacuna.

GÉNESIS 48:19

Ashtahuanpish paipaj yayaca mana chashna rurasha nishpami Josetaca: –Ari, huahua chaitaca yachanillatajmi, Manasespaj huahua huahuacunapish achcallataj miraringacunaca. Shina cajpipish paipaj q'uipa huauqui Efrainmi tucui imapipish yalli canga. Paipaj huahua huahuacunami ashtahuan mirarishpa jatun llajtacuna tucunga– nircami.

1 CRÓNICAS 17:8

chaimantami can maita puricujpipish canhuan carcani. Canta p'iñajcunatapish cambaj ñaupajmantaca, tucuicunatami anchuchircani. Canmanca jatun shutitami curcani. Cai pachapi jatun mandajcuna shinallataj jatun mandaj cachunmi churarcani.

1 CRÓNICAS 29:12

Charij canapish, sumaj canapish canmantami shamun. Canmi tucuicunata cazuchingui. Fuerzapish, tucuita rurai tucuj canapish cambaj maquipimi. Tucuicunaman jatun canata, imatapish rurai tucuj canata cunaca cambaj maquipimi.

SALMOS 22:9

Ashtahuanpish ñuca mamapaj huijsamantaca quiquinmari llujshichircangui. Ñuca mama marcashca huiñachicujpirajmi canpi shunguta churanata yachachircangui.

JEREMÍAS 1:5

“Manaraj cambaj mamapaj huijsapi huiñachishpami, cantaca ña ricushcata charicurcani. Manaraj huacharijpimi, cantaca ñucallata servichun agllarcani. Cantaca tucui llajtacunapi causajcunaman ñuca ima nishcata huillajtami rurarcani” nircami.

JEREMÍAS 35:6

Shina nijpica, paicunaca cashnami nircacuna: “Ñucanchijca vinotaca mana ubyai tucunchijchu. Recabpaj churi Jonadab shuti ñucanchij ñaupa yayamari ñucanchijtaca cashna mandashca: Cancunapish, cancunapaj huahua huahuacunapish tucui causaipi amataj vinota ubyanguichijchu.

LEVÍTICO 10:9

“Mandaj Dioshuan tupana carpa huasiman yaicushpaca canpish, cambaj churicunapish, vinotapish, sidratapish ama ubyanguichijchu. Chashna rurashpallami mana huañunguichij. Tucui cai mandashcacunaca cancunapaj huahua huahuacunapaj huiñaipaj mandashcami.

ZACARÍAS 9:15

Paicunataca, tucuita Mandaj Diosmi huaquichinga. Paicunata p'iñajcunataca huañuchingacunami. Huaracahuan shitana rumicunatapish sarungacunami. Yahuartapish vinota shinami ubyangacuna. Chaimantaca machashcacuna shinami caparirishpa puringacuna. Jatun tazapi, altarpi tiyaj gachucunapi shinami jundachingacuna.

Lucas 1:14

Pai huacharijpica yallitajmi cushicungui. Shujtajcunapish cushicungacunami.

Lucas 7:28

Cancunaman huillanimi: Cai pachapi huacharishcacunapurapica, bautizaj Juanta yalli allica pi mana tiyashcachu. Shina cajpipish cai pachapi imapish mana cajcunami Taita Dios mandacujpica, bautizaj Juanta yalli cangacuna– nircami.

Lucas 7:33

Bautizaj Juan shamushpaca, mana micuj, vinota mana ubyajmi carca. Paitaca: “Supaitami charin” ninguichijmi.

Juan 5:35

Juanca nina sindi shinami achijyachirca. Cancunaca paipaj luzpimi ashacama cushicurcanguichij.

Hechos 2:4

Chaimantaca tucuicunami jucha illaj Espirituhuan junda tucurcacuna. Espíritu rimachishca shinallatajmi, shujtaj rimaicunapi rimai callarircacuna.

Gálatas 1:15

Ashtahuanpish mamapaj huijsapi cajpirajmi, Diosca pai munashcamanta ch'icanchirca. Paipaj mana c'uyaipajta c'uyaihuanmi ñucataca cayarca.

Efesios 5:18

Ama machaichijchu. Chaihuanca llaquimi tucun. Chaipaj randica Espirituhuan junda caichij.

JOSUÉ 3:7

Chaipimi Mandaj Diosca Josuetaca: “Cunan punllamantami cantaca, tucui israelcunapaj ñaupajpi jatun cashcata ricuchigrini. Moiseshuan shinallataj ñucaca canhuanpish cashcata paicuna yachachunmi chashna rurasha.

JOSUÉ 4:14

Chai punllapimi Mandaj Diosca, Josuetaca tucui israelcunapaj ñaupajpi jatun cashcata ricuchirca. Chaita ricushpaca, chaimantapachami tucui israelcuna Josuetaca Moisesta cazushca shinallataj, tucui paipaj causaipi cazurcacuna.