Lucas 1:13 - Dios Rimashca Shimicunami

¹³ Angelca cashnami nirca: –Zacarías, ama manchaichu. Can mañashcataca Diosca uyashcami. Cambaj huarmi Elisabetca, shuj c'ari huahuatami huachanga. Paitaca Juan shutita shutichingui.

Mushuj Testamento Diospaj Shimi

¹³ Ashtahuanpish angelca, cashnami nirca: —Zacarías, ama manchaichu. Can mañacushcataca, Diosca uyashcami. Cambaj huarmi Elisabetca, cʼari huahuatami huachanga. Paitaca Juanta shutichingui.

Lucas 1:13 Iomraidhean Croise

GÉNESIS 17:10

Ñucahuan canhuan, cambaj huahua huahuacunahuan, paicunapaj huahua huahuacunahuan ari ninacushcata ruranaca caimi: Cancunapurapi caj c'aricunaca tucuicunami circuncisionta rurana canguichij.

GÉNESIS 17:19

Chaimi Taita Diosca: Cambaj huarmi Saramari shuj c'ari huahuata huachanga. Paitaca Isaacta shutichingui. Ñuca ari nishcataca paipi sinchita callarichishpami, paipaj huahua huahuacunahuanpish, paicunapaj huahua huahuacunahuanpish huiñaipaj pajtachicushalla.

GÉNESIS 18:14

Taita Diospajca imapish mana sinchichu. Ña nishca shinallataj shamuj huatami cambajman tigramusha. Chaipajca Saraca ñami shuj c'ari huahuayuj canga– nirca.

GÉNESIS 25:21

Isaacca paipaj huarmi Rebeca mana huachaj cajpimi, Mandaj Diosta mañarca. Pai mañashcata Mandaj Dios uyajpimi, Rebecaca chichurca.

SALMOS 113:9

Paimi mana huachaj huarmitaca familiayujta ruran. Huahuacunayujta rurashpami cushichin. ¡Mandaj Diosta alabaichigari!

SALMOS 118:21

Quiquin ñucata uyashcamantaca, alabashami. Quiquinmi ñucata quishpichij cangui.

ISAÍAS 8:3

Chai q'uipaca profeta caj ñuca huarmipi ñuca chayarijpica, paica chichushpami shuj c'ari huahuata huacharca. Chaimi Mandaj Diosca ñucataca: “Cai huahuataca Maher-salal-hasbazta shutichi.

DANIEL 10:12

Paica ñucataca cashnami nirca: “Daniel, ama manchaichu. Pi mana yachai tucuipajcunata yachasha nishpa, cambaj Taita Diospaj ñaupajpi cumurij shungu tucushca punllamantami paica can mañashcata uyarca. Can mañashcamantami cambajman shamurcani.

OSEAS 1:4

Mandaj Diosca, cashnami nirca: “Cai huahuataca, Jezreelta shutichi. Jehupaj huahua huahuacunataca ñallami llaquichigrini. Jezreelpi causajcunata huañuchishcamantami llaquichigrini. Chashna rurashpami israelcunata mandanataca tucuchisha.

OSEAS 1:6

Gomerca cutinllataj chichushpaca, shuj huarmi huahuatami huacharca. Mandaj Diosca, Oseastaca cashnami nirca: “Israelcunaca ña mana ashtahuan c'uyashcachu nishca cachun, cai huahuataca Lo-ruhamata shutichi. Paicuna millaita rurashcataca mana perdonashachu.

Mateo 1:21

Paica shuj churitami huachanga. Paitaca Jesús shutita shutichingui. Paica paipaj cajcunatami juchacunamanta quishpichinga” nircami.

Mateo 14:27

Ashtahuanpish Jesusca: –Ñucamari cani. ¡Ama mancharichijchu!– nircami.

Mateo 28:5

Ashtahuanpish angelca, chai huarmicunamanca: “Cancunaca ama manchaichijchu. Chacatashca cashca Jesusta mashcacujtaca, ñucaca yachanimi.

Marcos 16:6

Ashtahuanpish chai mosoca: –Ama mancharichijchu. Nazaretmanta chacatashca cashca Jesustami mashcacunguichij. Paica causarishcamari, mana caipichu. Paita maipi churashca cashcapi ricuichij.

Lucas 1:14

Pai huacharijpica yallitajmi cushicungui. Shujtajcunapish cushicungacunami.

Lucas 1:30

Chaimi angelca: –María, ama manchaichu. Taita Diosmari canmanca mana c'uyaipajta c'uyajta cungapaj agllashca.

Lucas 2:21

Ña pusaj punlla tucujpica huahuata circuncisionta rurachinamanmi aparcacuna. Chai punllallatajmi María manaraj chichu cajpi ángel huillashca shinallataj JESÚS shutita shutichircacuna.

Hechos 10:31

cashna nirca: “Cornelio, can mañashcataca Taita Diosca uyashcami. Huajchacunaman can cushcacunatapish Taita Diosca ricushcami.

JUECES 6:23

Ashtahuanpish Mandaj Diosca: –Ama manchaichu, mana huañunguichu, sumaj causaita cungapajmari shamurcani– nircami.

1 SAMUEL 2:21

Mandaj Dios Anata ricuj shamujpimi, Anaca huahuacunayuj tucurca. Quimsa churicunata, ishqui ushushicunatami charirca. Huahua Samuelca, Mandaj Diospaj ñaupajpimi huiñarca.