LEVÍTICO 9:6 - Dios Rimashca Shimicunami

⁶ Chaipimi Moisesca: “Tucui caicunaca Mandaj Dios mandashcami. Chaitataj ruraichij. Chaipimi Mandaj Diospaj sumaj achij nicuj cashcaca cancunapaj ñaupajpi ricuringa” nircami.

LEVÍTICO 9:6 Iomraidhean Croise

ÉXODO 16:10

Tandanacushca tucui israelcunaman Aarón chaita huillacujpica israelcunaca shitashca pamba ladoman tigrarishpa ricushpaca, Mandaj Diosca p'uyupi jatun achij nicuj ricurijtami ricurcacuna.

ÉXODO 24:16

Mandaj Dios sumaj jatun cashca Sinaí urcu jahuapi cajpimi, sujta punllacunata chai urcuta p'uyu tapashca carca. Canchis punllapica Mandaj Diosca p'uyu chaupimantami Moisesta cayarca.

ÉXODO 29:43

Chaipimi israelcunahuanca ñucaca tandanacusha. Ñuca tucuita rurai tucuj cashcahuan chaipi cajpimi, chaica ñucapajlla ch'icanchishca saquiringa.

EZEQUIEL 43:2

Chaipica inti llujshin ladomanta Diospaj achij nicuj shamucujtami ricurcani. Chai achij nicujca, achca yacucuna huajiashpa shamuj shinami shamurca. Mandaj Diospaj achij nicujmi, cai llajtataca achij nicujta rurarca.

LEVÍTICO 9:23

Chai q'uipaca Moiseshuan, Aaronhuanca Mandaj Dioshuan tupana carpa huasimanmi yaicurcacuna. Chaimanta llujshishpaca, israelcunataca alli cashca canguichijman nircami. Chaipimi Mandaj Diosca israelcunamanca, sumaj achij nicuj ricurirca.

LEVÍTICO 9:5

Israelcunaca Moisés mandashca shinallatajmi, imallata apamuchun nishcataca Mandaj Dioshuan tupana carpa huasi ñaupajman aparcacuna. Tandanacushca tucui israelcuna shamushpaca, Mandaj Diospaj ñaupajpimi shayarircacuna.