LEVÍTICO 9:22 - Dios Rimashca Shimicunami

²² Israelcunapaj juchamanta cunatapish, tucuita cushpa tucui rupachinatapish, sumaj causaimanta Mandaj Diosman cushca q'uipaca Aaronca paipaj maquita huichi chutashpami, israelcunataca tucuipi alli cashca canguichij nirca. Chai q'uipaca chaimanta uriyarcallami.

LEVÍTICO 9:22 Iomraidhean Croise

1 REYES 8:55

shayarishpaca tucui chaipi tandanacushca israelcunaman Mandaj Dios allicunata cushca cachun nishpaca sinchita caparishpami:

1 CRÓNICAS 23:13

Amrampaj churicunaca: Aarón, Moisés shuticunami carca. Aarontaca, ashtahuan Diospajlla cajcunapi Mandaj Diospajllata rurachunmi ch'icanchirca. Mandaj Diospaj ñaupajpi inciensota rupachichun, paipaj shutipi bendiciachunmi ch'icanchirca. Aaronpish paipaj huahuacunapish huiñaita chaillatataj rurajcuna cachunmi ch'icanchirca.

2 CRÓNICAS 6:3

Shina nishpa jatun mandajca, chaipi tandanacushca israelcunapajman muyurishpami Taita Dios allicunata cuchun nirca. Tucui tandanacushca israelcunami chaipi shayacurcacuna.

SALMOS 72:17

Paipaj shutica huiñaipajmi canga. Inti tiyashcacama paipaj shutica ama chingarichun. Tucui llajtacunami paimanta alli nishca cangacuna. Paica alli nishcami canga.

ÉXODO 39:43

Moisesca tucui chaicunataca, Mandaj Dios mandashca shinallataj sumajta rurashcatami ricurca. Chaimantami paicunataca allitami rurashcanguichij nirca.

NÚMEROS 6:22

Mandaj Dios Moisesta mandashpaca cashnami nirca:

Marcos 10:16

huahuacunata marcashpami, paicunapaj jahuapi maquita churashpa Taita Dios allicunata cuchun nirca.

Lucas 24:50

Chai q'uipami Jesusca, Betania ch'imbanijman paipaj yachacujcunata pushashpa rishpaca, paicunapaj jahuaman maquicunata chutashpa Taita Dios cancunahuan cachun nirca.

Hechos 3:26

Taita Diosca paipaj Churita causachishpaca, cancunaman allicunata cuchunmi cancunapajmanraj cacharca. Cancunataca cada quiquinta millaita ruracushcata saquichingapajmi chashna cacharca” nircami.

2 Corintios 13:14

Mandaj Jesucristopaj mana c'uyaipajta c'uyaj canapish, Taita Diospaj c'uyaipish, jucha illaj Espiritumanta shujlla canapish tucui cancunahuan cashca cachun. Chashna cachun.

DEUTERONOMIO 10:8

Chai punllacunapimi Mandaj Diosca, Leví aillutaca Mandaj Dioshuan ari ninacushca quillcata huaquichina arcata apaj cachun ch'icanchirca. Paipaj ñaupajpi pai mandashcata rurachun, paipaj shutipi israelcunata alli cashca canguichijman nichunmi ch'icanchirca. Cunan punllacunacamami paicunapaj ruranaca tucui chaicuna.

DEUTERONOMIO 21:5

Tucui imalla rurana cashcata rurachun, paipaj shutipi tucuicunata alli cashca cachun nichun, ima p'iñanacui tiyajpipish, ima llaquichinacui tiyajpipish allichichunca Levipaj huahua huahua curacunatami churarca. Chaimanta chaicunata ruranamanca Levipaj huahua huahua curacuna c'uchuyachun.

1 Pedro 3:9

Cancunaca Dios allicunata cushcata japijcuna cachun cayashcata yachashcamantaca, cancunata llaquichijpipish ama chashnallataj ruraichijchu. Ima tucushca canman nijpipish, ama chashnallataj nichijchu. Chaipaj randica, Dios allicunata cushca cachun nichij.