LEVÍTICO 8:8 - Dios Rimashca Shimicunami

⁸ Chai q'uipaca, pectoralta churachishpami, chai ucupica Urim nishca Tumim nishca rumicunata churarca.

LEVÍTICO 8:8 Iomraidhean Croise

ESDRAS 2:63

Chashna anchuchishpapish Judá llajtata mandajca: “Diosman cushca micunataca Urim nishcahuan, Tumim nishcahuan Diosta shuj cura tapushpa imatapish ningacama, ama micunguichijchu” nircami.

NEHEMÍAS 7:65

Chashna anchuchishpapish Judá llajtata mandajca: “Diosman cushca micunataca Urim nishcahuan, Tumin nishcahuan Diosta shuj cura tapushpa imatapish ningacama, ama micunguichijchu” nircami.

ÉXODO 29:1

Ñucapajlla curacuna cachun ch'icanchingapajca cashnami rurana cangui: Huagracunamanta ima mana tucushca shuj malta huagrata, ishqui carnerocunata,

CANTARES 8:6

Cambaj shungupica, sellota shina churahuayari. Cambaj rigrapica, mana chingaripaj señalta shina churahuayari. C'uyaica, huañui shinallataj pi mana jarcai tucuipajmi. C'uyashpa llaquinacunaca, Seol shina mana cacharijmi. C'uyaica, carbonpi nina rupacuj shinamari.

ISAÍAS 59:17

Chaimi paica pechopi fierro churanata churarishca shina cashcata ruranata churarirca. Cascota umapi churarij shinaca quishpichijtaj cashcatami churarirca. Paita mana cazushcamanta llaquichina cashcata ricuchij churanatami churarirca. Jatunta p'iñarishpa llaquichina yuyaihuan huañucuj cashcata ricuchij jahua churanahuanmi pillurirca.

NÚMEROS 27:21

Josueca Eleazar curapajman richun. Eleazarca Urimhuan Mandaj Diosta tapushpa, chai ricuchishca shina huillachun. Eleazar cura ima nishcallata rurashpa Josuepish, tucui israelcunapish maiman llujshina cajpipish llujshichun, maiman yaicuna cajpipish yaicuchun– nircami.

Efesios 6:14

Chaimanta mana llullahuan alli chumbillirishca sinchi caichij. Pechopi fierro churanata churarishca shinaca cashcata ruranata churarichij.

DEUTERONOMIO 33:8

Levita alli cashca canguichijman nishpaca cashnami nirca: “Mandaj Dioslla Tumimpish quiquinpajmi, Urimpish quiquinpajmi. Chaitaca can yuyailla causaj Levipaj maquipimi churarcangui. Pai ima shina cajtaca Masahpimi ricurcangui. Meriba yacupimi achcata rimanacurcangui.

1 Tesalonicenses 5:8

Ashtahuanpish ñucanchijca punllapaj cashcamanta, alli yuyaihuan cashunchij. Crishcata, c'uyanatapish fierro churanata churashca shinami canchij. Quishpichishcata shuyanatapish fierro cascota churashca shinami canchij.

1 SAMUEL 2:28

Ñucaca tucui Israel aillucunapurapica cambaj aillupi cajcuna ñucapajllata ruraj cura cachunmi agllarcani. Ñuca altar jahuapi ñucaman cushcata rupachichun, inciensota rupachichun, ñuca ñaupajpi efodta churashca cachunpishmi agllarcani. Tucui israelcuna cushcacunataca cambaj aillupaj cachunmi curcani.

1 SAMUEL 28:6

Saulca Mandaj Diostami tapurca. Ashtahuanpish Mandaj Diosca muscuipipish, Urimpi tapujpipish, Dios ima nishcata huillajcunata tapuchijpipish imata mana cutichircachu.