LEVÍTICO 8:23 - Dios Rimashca Shimicunami

²³ Moisesca huañuchirca. Chai yahuarta japishpami Aaronpaj alli lado rinrinta llihuirca. Alli lado maqui mama dedopipish, alli lado chaqui mama dedopipishmi churarca.

LEVÍTICO 8:23 Iomraidhean Croise

ÉXODO 29:20

Chai carnerotapish huañuchishpa, yahuarta japishpaca Aarontapish, paipaj churicunatapish paicunapaj alli lado rinrin ucu lado puntapi churangui. Paicunapaj alli lado maqui mama dedopipish, alli lado chaqui mama dedopipish churangui. Saquirishca yahuartaca altar jahuapipish, altar muyundijpipish tsirapangui.

ÉXODO 29:21

Altar jahuapi caj yahuartapish, ñucapajlla ch'icanchingapaj churana aceitetapish japishpa Aaronpaj jahuapipish, paipaj churicunapaj jahuapipish paicunapaj churanacunapipish tsirapangui. Chashna rurajpimi Aaronpish, paipaj churicunapish, paicunapaj churanacunapish ñucapajlla ch'icanyachishca saquiringa.

LEVÍTICO 14:14

Chai q'uipaca rurangui nishcata mana rurashpa juchallishcamanta cushca animalpaj yahuarta cura japishpami, ima mapa illaj tucucuj runapaj alli lado rinrinpi llihuinga. Alli lado maqui mama dedopipish alli lado chaqui mama dedopipish chai yahuarllahuantajmi churanga.

LEVÍTICO 14:17

Paipaj maquipi charicushca saquirishca aceitehuanca ima mapa illaj tucucuj runapaj alli lado rinrinpimi llihuinga. Alli lado maqui mama dedopipish, alli lado chaqui mama dedopipish rurangui nishcata mana rurashpa juchallishcamanta cushca animalpaj yahuarhuan llihuishca jahuapimi llihuinga.

LEVÍTICO 14:25

Chai q'uipaca rurangui nishcata mana rurashpa juchallishcamanta cushca ovejataca huañuchichun. Chai huañushca animalpaj yahuarta japishpaca, ima mapa illaj tucucuj runapaj alli lado rinrinpi llihuichun. Alli lado maqui mama dedopipish, alli lado chaqui mama dedopipish chai yahuarllahuantaj churachun.

LEVÍTICO 14:28

Shinallataj curami paipaj maquipi caj aceitehuanca ima mapa illaj tucucuj runapaj alli lado rinrinpi llihuinga. Paipaj alli lado maqui mama dedopipish, alli lado chaqui mama dedopipish chai huañuchishca animalpaj yahuarhuan llihuishca jahuallapitajmi llihuinga.

LEVÍTICO 7:37

Mandaj Diosman tucuita cushpa tucui rupachicushpa ima shinalla ruranata, juchamanta Diosman cucushpa ima shinalla ruranata rurangui nishcata mana rurashpa juchallishcamanta Mandaj Diosman cucushpa ima shinalla ruranata, Diospajlla cachun ch'icanyachicushpa ima shinalla ruranata, sumaj causaimanta cucushpa ima shinalla rurana cashcata mandashcacunaca chaicunami.

Romanos 12:1

Chaimanta huauquicuna, Dios llaquishcamantami cashna rogani. Cancunapaj cuerpocunataca, ima jucha illajllata, causaj sacrificiota Diosman cuichij. Chashna cashpami Dios munashca shina paita yuyarijcunataj canguichij.

Romanos 6:13

Shinallataj cancunapaj cuerpopi caj miembrocunataca, millaita rurachichun juchamanca ama cuichijchu. Ashtahuanpish huañushcacunapaj chaupimanta causarishcataj cashcamantaca, cancunaca Diosman curichij. Cambaj cuerpopaj mienbrocunatapish, cashcata rurachichun Diosman cuichij.

Romanos 6:19

Cancuna mana jahualla yachai tucujpimi, cancuna yachanallata rimagrini: Ñaupaca cancunapaj cuerpopi caj miembrocunataca mapallata, millaillata servingapajmi millaiman curcanguichij. Chai shinallataj cunanca, cancunapaj cuerpopi caj miembrocunataca, jucha illajlla tucungapaj cashcata rurajta servingapaj curichij.

1 Corintios 1:2

Corintopi caj Diospaj tandanacushca crijcunaman quillcanchij. Cristo Jesuspi shujlla tucujpi jucha illajta rurashca, jucha illaj cachun cayashcacunami canguichij. Ñucanchijta Mandaj Jesucristopaj shutipi, maipipish tucui mañajcunandijmi chashna canguichij. Paicunapajpish, ñucanchijpajpish Mandaj Jesusmi.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

1 Corintios 6:20

Achca valijhuan randishcacunami canguichij. Chashna cashcamanta cancunapaj cuerpopi, cancunapaj espiritupi Diosta sumajyachichij, chaicunaca Diospajmari.

Filipenses 1:20

Ñuca munashca, ñuca yuyacushca shinallataj imapi mana pingachishca cashachu. Chaitaca chashnataj cana cashcatami yuyani. Ñucapi ricuchij cashca shinallatajmi causajpipish huañujpipish Cristo jatun cashcataca, ñuca cuerpopi ricuchishca canga.

Filipenses 2:17

Cancuna crishcamantaca, ñuca sacrificacushca jahuapi, ñucata huañuchina cajpipish, tucui cancunahuanmi cushicuna shinataj cushicuni.

1 Tesalonicenses 5:22

Tucui millaimantaca anchurichij.

Hebreos 2:10

Tucui imalla tiyajcunapish Dios rurashcami. Paillamantatajmi tucui imapish tiyan. Diosca tucui paipaj huahuacunata paipaj sumaj llajtaman pushanatami munan. Chaipajca Cristotami llaquita apashpa, cashcata ruraj paicunapaj quishpichij cachun churarca.

Hebreos 5:8

Chashnami Churi cashpapish, llaquicunata apashpa Diosta ima shina cazuna cashcata yacharca.