LEVÍTICO 8:14 - Dios Rimashca Shimicunami

¹⁴ Chai q'uipaca juchamanta cuna malta huagratami apamuchirca. Aaronpish, paipaj churicunapish juchamanta cuna chai malta huagrapaj uma jahuapi paicunapaj maquicunata churajpimi,

LEVÍTICO 8:14 Iomraidhean Croise

SALMOS 66:15

Tucuita cushpa rupachina animalcunata, huirayashca animalcunata cushami. Mishquijllata ashnacuj quiquinpajman chayachunca carnerocunata cushami. Quiquinman cushpa rupachinacunataca torocunatapish, c'ari chivocunatapish cushami. Selah

ISAÍAS 53:10

Mandaj Diosmari ñucanchijmanta paillataj curishpa llaquita apachun munarca. Ñucanchij juchamanta paipaj causaita cushcamantaca paita catijcuna tiyajta ricungami, huiñai huiñaita causangapishmi. Mandaj Diosca pai imalla rurasha nishcataca paipaj maquipi churashpami ruranga.

EZEQUIEL 43:19

Sadocpaj huahua huahua levita curacunami ñucata servinamanca c'uchuyangacuna. Paicunamanca, juchamanta malta c'ari huagratami cungui. Mandaj Dios ñucatajmi chashna nini.

EZEQUIEL 43:20

Chai huagra yahuarta japishpaca, altarpi tiyaj chuscundij gachucunapi, altar chaqui chuscundij esquinacunapi, altar jahua muyundijpipishmi tsirapana canguichij. Chashna rurashpami ima mapa illaj, chuyata rurangui.

EZEQUIEL 44:27

Ñucata servingapaj ñucapajlla huasiman yaicuna huasi canllaman yaicushpaca, juchamanta animalta ñucaman cuchun. Mandaj Jatun Diostajmi chashna nini.

LEVÍTICO 1:4

Chai cucujca Mandaj Diosman cushpa tucui rupachina animalpaj uma jahuapi paipaj maquita churachun. Chaimi, juchamanta cushca cashcamanta chasquinga.

LEVÍTICO 16:21

Chai causaj chivopaj uma jahuapica Aarón paipaj ishqui maquita churashpa tucui israelcuna millaita rurashcacunata, paicuna c'ariyashcacunata, paicuna juchallishcacunata chai chivopaj jahuapi huillachun. Chai chivopaj uma jahuapi paipaj maquita churashpaca shitashca pambapi chivota cacharigringapaj caj runaman cacharishpa cachanaman cachachun.

LEVÍTICO 16:6

Aaronca, paipaj juchamanta cuna c'ari huagrata apamuchishpami, paipaj juchamantapish, paipaj huasi ucupuracunapaj juchamantapish ñucahuan alli tucunga.

LEVÍTICO 4:15

israelcunata cunaj yuyajcuna Mandaj Diospaj ñaupajpi chai malta huagrapaj uma jahuapi paicunapaj maquicunata churashpa, chai malta huagrataca Mandaj Diospaj ñaupajllapitaj huañuchichun.

LEVÍTICO 8:2

“Aarontapish, paipaj churicunatapish pushashpa, curacuna churarina churanacunatapish, ch'icanchina aceitetapish, juchamanta cuna malta huagratapish, ishqui carnerotapish, levadura illajllata rurashca tanda canastatapish apashpa,

NÚMEROS 8:12

Levitacunaca huagracunapaj uma jahuapi paicunapaj maquicunata churachun. Shuj huagrataca juchamanta Diosman cungui. Caishujtaca levitacunata mapa illajllata rurangapaj Mandaj Diosman cushpa tucui rupachingui.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.