LEVÍTICO 7:9 - Dios Rimashca Shimicunami

⁹ Chashnallataj sartenpi mana cashpaca cazuelapi allichishpa hornopi cusashpa Mandaj Diosman cushcacunaca chaita cuj cura japinapaj cachun.

LEVÍTICO 7:9 Iomraidhean Croise

2 REYES 12:17

Chai punllacunallatajmi, Siria llajtata jatun mandaj Hazaelca Gatpi causajcunahuan macanacungapaj huichiyashpa macanacushpa chai pueblota japirca. Hazaelca Jerusalenpi causajcunahuan macanacungapaj huichiyanatapishmi yuyarca.

EZEQUIEL 44:29

Chai curacunami ñucamanca imalla cuna cashcata cushcacunatapish, juchamanta animalta cushcatapish, ñucaman animalta cushpa huañuchishcatapish micungacuna. Tucui israelcuna imatapish ñucapajlla cachun cushcacunapish chai curacunapajmi canga.

LEVÍTICO 2:10

Mandaj Diosman cushcacunaca Diospajlla ch'icanchishcami. Chaimanta Mandaj Diosman cushpa rupachicujpi puchushcacunaca Aronpaj, paipaj churicunapajmi canga.

LEVÍTICO 5:13

Maijan chai shina juchacunata rurashcamantaca chai juchacunamantaca cura Mandaj Diosman cuchun. Chashna rurajpimi paica perdonashca canga. Tucui saquirishca cutaca Diosman cushca grano shinallataj curapajmi” nircami.

LEVÍTICO 7:10

Cutata aceitehuan chapushca cashpapish, mana chapushca cashpapish Diosman cushcacunaca Aaronpaj churicunapajmi tucuicunapaj chai shinallataj canga.

LEVÍTICO 7:8

Maijanmanta Diosman tucuita cushpa tucui rupachij curaca, tucuita cushpa tucui rupachishca animalpaj carahuan saquirichun.

NÚMEROS 18:9

Diospajlla ch'icanchishpa cushcacunata Diosman cushpa rupachijpi saquirishcacunataca: Diosman cushca granocunapish, juchamanta cushcacunapish, rurangui nishcata mana rurashpa juchallishcamanta cushcacunapish ñucapajlla ch'icanchishcami. Chaicunataca canmanpish, cambaj churicunamanpishmi cuni.

1 Corintios 9:13

Diospaj huasipi paipajllata trabajajcunaca chaimantami micuncuna, shinallataj altarpi servijcunapish chai altarmantami japincuna. Chaitaca ¿manachu yachanguichij?

1 Corintios 9:7

¿Maijantaj quiquin charishcallahuantaj soldado tucushca? ¿Maijantaj uva chagrata tarpushpaca, p'ucujpi mana micun? ¿Maijan michijtaj paipaj canllamanta lecheta capishpa mana ubyan?

Gálatas 6:6

Diospaj Shimita maijanpish yachacujca, paita yachachijman tucui imalla charishcamanta cuchun.