LEVÍTICO 7:34 - Dios Rimashca Shimicunami

³⁴ Sumaj causaimanta israelcuna cushca animalta huañuchishca pecho aichata huichi ricuchishpa cushcatapish, cuna cashcamanta cushca changa aichatapish cushcacunataca ñucami japircani. Chaicunataca ñuca japishpami Aarón curaman paipaj churicunaman curcani. Cai mandashcacunaca israelcunapaj huahua huahuacuna chaitataj pajtachicuchunlla mandashcani”.

LEVÍTICO 7:34 Iomraidhean Croise

ÉXODO 29:26

Ñucapajlla cachun Aaronta ch'icanchingapaj cushca carneropaj pecho aichata japishpa caiman chaiman cuyuchishpa Mandaj Diosman cushca cachun, Mandaj Diospaj ñaupajpi caiman chaiman cuyuchingui. Chaitaca can japingui.

ÉXODO 29:9

Aarontapish, paipaj churicunatapish chumbillinahuan chumbillichingui. Tiaracunatapish huatangui. Aarontapish, paipaj churicunatapish ñucapajlla cachun chashna ch'icanchingui. Curacuna canaca huiñai huiñaita paicunapajllami saquiringa.

LEVÍTICO 3:17

Tucui cai mandashcaca cancunapish, cancunapaj huahua huahuacunapish maipi causashpapish huiratapish, yahuartapish amataj micuchun huiñaipaj mandashcami nircami.

LEVÍTICO 7:33

Sumaj causaimanta cushca yahuartapish, huiratapish Aaronpaj churicunamanta maijanmi Mandaj Diosman cun chaipajmi, pai japina cashcamanta chai animalpaj alli lado changa aichaca paipajmi canga.

NÚMEROS 5:9

Israelcuna paicuna imalla charishcacunamanta, Mandaj Diospajlla ch'icanchishpa apamushpa curaman cushcacunaca curapajmi canga.

NÚMEROS 6:20

Chaicunataca Mandaj Diospaj ñaupajpi huichi ricuchishpa cuyuchishpa Diosman cura cuchun. Tucui chaicunaca Diospajlla ch'icanchishca cashcamanta curapaj saquirichun. Mandaj Diospaj ñaupajpi huichi ricuchishpa cushca pecho aichapish, changa aichapish curapajllataj saquirichun. Chai q'uipaca nazareoca vinota ubyachunlla.

NÚMEROS 8:11

Israelcuna ofrendata Diosman cushcaca levitacunami. Chaicunataca Aaronmi Mandaj Diosman cunga. Chai levitacunaca Mandaj Diospajta rurashpami causangacuna.

DEUTERONOMIO 18:3

Shuj huagrata cashpa, ovejata cashpa israelcuna Mandaj Diosman cushcata curacuna japinaca caicunami: Changa aicha, jashlin, puzunmi canga.