LEVÍTICO 7:26 - Dios Rimashca Shimicunami

²⁶ Cancunaca maipi causacushpapish, yahuartaca mana micunachu canguichij. Alasyuj animalcunapajta cashpa, shujtaj animalcunapajta cashpapish mana micunachu canguichij.

LEVÍTICO 7:26 Iomraidhean Croise

GÉNESIS 9:4

Ashtahuanpish causaita cuj yahuarndij aichataca ama micunguichij.

ÉXODO 22:30

Cancunapaj huagracuna, cancunapaj ovejacuna punta huachashca c'ari animalcunataca chashnallataj ruranguichij. Paicunaca canchis punllacunallata mamahuan cachun. Pusaj punllapica ñucaman cunguichijlla.

EZEQUIEL 33:25

Chashna nijcunamanca cashna niyari: Mandaj Jatun Diosca cashnami nin: Cancunaca aichatapish yahuarndijmi micunguichij, rurashcalla dioscunata adorajcunapishmi canguichij, huañuchijcunami canguichij. Chashna mana allita rurajcunaca ¿maitataj cai llajtataca japinguichigari?

LEVÍTICO 19:26

Imatapish yahuarhuan chagrutaca ama micunguichijchu. Shinallataj brujocunapish, adivinocunapish ama canguichijchu.

LEVÍTICO 3:17

Tucui cai mandashcaca cancunapish, cancunapaj huahua huahuacunapish maipi causashpapish huiratapish, yahuartapish amataj micuchun huiñaipaj mandashcami nircami.

LEVÍTICO 7:25

Mandaj Diosman cushpa rupachinapaj cushca animalcunapaj huirata maijanpish micujtaca, israelcunapuramanta anchuchishcami canga.

LEVÍTICO 7:27

Maijanpish ima animalcunapaj yahuarta cashpapish micujtaca, israelcunapuramanta anchuchishcatajmi canga” nircami.

Juan 6:53

Chaimi Jesusca: –Runa Aichayujpaj aichata mana micushpa, paipaj yahuarta mana ubyashpaca, cancunaca huiñai causaitaca mana charinguichijchu. Chaica chashnatajmi.

Hechos 15:20

Chashna ninapaj randica paicunamanca: “Rurashcalla dioscunaman ima cushcatapish ama micunguichij, ama huainayanguichij, sipishpalla huañuchishca aichatapish, ima yahuartapish ama micunguichij” nishpa quillcashpa cachashunchij ninimi.

Hechos 15:29

Rurashcalla dioscunaman cushcata ama micunguichij, yahuartapish, sipishpalla huañuchishca aichatapish ama micunguichij, ama huainayanguichij. Caicunata cazushpaca, allitamari ruranguichij. Allilla cashca canguichij” nishpami quillcarcacuna.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

DEUTERONOMIO 12:16

Ashtahuanca yahuartatajca ama micunguichijchu. Chaitaca yacuta shina allpapi tallinguichijlla.

DEUTERONOMIO 12:23

Ashtahuanca yahuarta micunatatajca amataj yuyanguichijchu. Yahuarpimi causai tiyan. Causaindij aichandijca ama micunguichijchu.

DEUTERONOMIO 15:23

Ashtahuanca yahuartatajca ama micunguichijchu, yacuta shina pambapi tallinguichijlla.

1 Timoteo 4:4

Taita Dios rurashcaca tucuimi alli. Imapish mana shitanallachu. Taita Diosta pagui nishpaca micunallami.