LEVÍTICO 7:19 - Dios Rimashca Shimicunami

¹⁹ Chai aicha ima mapapi tuparishca cajpica ama micuchun. Ashtahuanpish ninapi rupachichun. Chai aichataca, imapi mana mapayashcacunalla micuchun.

LEVÍTICO 7:19 Iomraidhean Croise

LEVÍTICO 6:27

Diosman cushca animalpaj aichapi tucui imapish tuparijca, Diospajllami tucunga. Chai animalpaj yahuarhuan yahuaryashca churanataca, Diospajlla ch'icanchishcapi tajshachun.

LEVÍTICO 7:18

Sumaj causaimanta Mandaj Diosman rupachishpa cushca aichata quimsa punllapipish micujpica, cujtaca mana chasquishcachu canga. Pai cushcapish mana cushca shinallatajmi canga. Ashtahuanpish millananami canga. Maijanpish chaita micujca jucha aparishcami canga.

LEVÍTICO 7:20

Sumaj causaimanta Diosman cushca aichaca, Mandaj Diospajlla ch'icanchishcami. Maijanpish mapayashca cashpapish chai aichata micujpica, israelcunapuramanta anchuchishcami canga.

Lucas 11:41

Tucui imalla charishcamanta huajchacunaman cuna cashcata cujcunaca, chuyacunami canguichij.

Hechos 10:28

Chaimi Pedroca paicunataca: –Judiocunaca, mana judiocunahuanca mapayanamanta mana tandanacuna, mana c'uchuyanallapish cashcataca cancunallataj yachanguichijmi. Ñucanchijca cancunataca yanga runacunalla cashcata yuyashpa causacujpimi Taita Diosca: “Canca pitapish millananmi, mapami nishpaca ama ningui” nishpa ricuchishpa huillarca.

Romanos 14:14

Ñucaca Mandaj Jesuspi shunguta churashcamantaca, imapish paillatajca mana mapa cashcatami yachani. Ashtahuanpish maijan mapa cashcata yuyajpajca mapami.

Romanos 14:20

Dios allichishpa churashcataca, can imatapish micushcahuan ama chingachinguichu. Tucui ima micunapish chuyatajmi. Ashtahuanpish shujtajcunata ñitcachij micuita micunami mana alli.

2 Corintios 6:17

Chaimanta: “Paicunapaj chaupimanta llujshimuichij, ch'icanyarichij” ninmi Jatun Diosca. Shinallataj: “Ima mapata ama japirichijchu. Chashna rurajpica, cancunataca chasquishami.

Tito 1:15

Chuyacunapajca tucui imapish chuyami. Ashtahuanpish ismushca shinacunapaj, mana crijcunapajca tucui imapish mapami. Paicunapajca yuyaipish, shungupish ismushcami.