LEVÍTICO 7:18 - Dios Rimashca Shimicunami

¹⁸ Sumaj causaimanta Mandaj Diosman rupachishpa cushca aichata quimsa punllapipish micujpica, cujtaca mana chasquishcachu canga. Pai cushcapish mana cushca shinallatajmi canga. Ashtahuanpish millananami canga. Maijanpish chaita micujca jucha aparishcami canga.

LEVÍTICO 7:18 Iomraidhean Croise

PROVERBIOS 15:8

Mandaj Diosca, paita mana manchajcuna cushpa rupachishcataca manataj ricunachinchu. Ashtahuanpish alli runacuna mañashcataca, cushicushpami uyan.

ISAÍAS 65:4

Huañushcacunata pambashcacunapi tiyarijcunami. Pacallacunapi pacarijcunami. C'uchi aichata micujcunami. Paicunapaj mangacunapi mapa animalcunapaj caldota charijcunami.

ISAÍAS 66:3

Huagrata huañuchishpa cujca, shuj runata huañuchishpa cuj shinami. Ovejata huañuchishpa cujca, allcuta huañuchishpa cuj shinami. Vinota ñucaman cushpa tallijca, cuchi yahuarta cushpa tallij shinami. Inciensota cushpa rupachijca, rurashcalla diosta alli nicujmi tucunga. Paicunapaj quiquin ñanta agllashcamantami chashna tucurcacuna. Paicunallataj millanana ruranacunata c'uyashcamantami chashna tucungacuna.

JEREMÍAS 14:10

Mandaj Diosca Judá runacunamantaca cashnami nirca: “Cai runacunaca caiman, chaiman yanga puricunallatami munan. Chaimantami ñucaca p'iñani. Cunanca paicunapaj tucui juchacunata yuyarishpami, tucuimanta llaquichigrini” nircami.

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

EZEQUIEL 18:20

Juchata rurajcunallami huañunga, churica paipaj yayapaj juchamantaca mana llaquita apangachu. Shinallataj yayapish, paipaj churipaj juchamantaca mana llaquita apangachu. Cashcata ruraj runaca allitami japinga. Ñucata mana manchaj runaca, llaquitami japinga.

OSEAS 8:13

Ñucaman cushpa rupachinacunatapish, aichata cushpami rupachincuna. Aichataca micuncunami. Mandaj Diosca chaitaca mana munarcachu. Cunanca paicuna millaita rurashcataca callarishpa yuyarishpami, paicuna juchallishcamantaca llaquichisha. Egiptomanmi tigrachishpa cachasha.

LEVÍTICO 10:17

–Juchamanta cushca chivotaca ¿ima nishpataj Diospajlla ch'icanchishcapi mana micurcanguichij? Chaica tucuimanta yalli Diospajlla ch'icanchishcami. Tucui israelcunapaj juchata anchuchingapajmi, chai cushcacunataca cancunapaj cachun curca. Paicunaca Mandaj Diospaj ñaupajpi paihuan alli tucushca cachunmi chaipi micuna carcanguichij.

LEVÍTICO 10:19

Chaimi Aaronca Moisestaca: –Riqui, paicunapaj juchamanta cunatapish, tucuita cushpa tucui rupachinatapish cunanmari Mandaj Diosman cushcacuna. Ashtahuanpish ñucaca chai llaquicunamantamari chashna tucuni. Chashna cashca jahua juchamanta cushpa rupachishcata cunan ñuca micushca cajpica ¿Mandaj Dios munashcachu caiman carcami imashi?– nirca.

LEVÍTICO 11:41

Huijsahuan llucashpa purij tucui animalcunaca millananacunami. Chaicunataca mana micunachu canguichij.

LEVÍTICO 17:16

Ashtahuanpish paipaj churanacunata mana tajshashpa, paipish mana armashpaca paipaj juchamanta llaquita apangami” nircami.

LEVÍTICO 19:5

Sumaj causaimanta animalta huañuchishpa Mandaj Diosman cushpaca, pai munashca shina chasquinallata cunguichij.

LEVÍTICO 20:17

Maijanpish yayamanta cashpa, mamamanta cashpa paipaj panita llatanashpa ricujca, chai panipish paipajta ricujca millananatami ruran. Chaimanta paicunataca tucui israelcuna ricucunpi huañuchichun. Paipaj panita llatanashpa ricushca juchamantaca paillatajmi llaquita apanga.

LEVÍTICO 20:19

Cambaj mamapaj ñañata cashpa, cambaj yayapaj panita cashpa, ama llatanashpa ricungui. Maijanpish quiquin huasi ucupuracunata llatanashpa ricushca juchamantaca paillatajmi llaquita apanga.

LEVÍTICO 22:16

Diospajlla ch'icanchishcacunata pipish micuchun saquishpaca, paicunataca juchayujtami ruranguichij. Mandaj Dios ñucami cancunata ima jucha illajllata ruraj cani ni” nircami.

LEVÍTICO 22:23

Huagrata cashpa, carnerota cashpa cusha nishcallamanta cucushpaca ima shina cajpipish, uchilla cajpipish cunguilla. Ashtahuanpish cushami nishcata pajtachingapaj cucushpa chashna cunata cujpica mana chasquingachu.

LEVÍTICO 22:25

Mana israelcunapajtaca chai shina animalcunata cancunapaj Taita Diosman cungapaj apamujpica ama japinguichijchu. Imapish tucushca animalcunataca imapish tucushca cashcamanta mana chasquingachu ninmi ni” nircami.

LEVÍTICO 5:17

Mandaj Dios mandashpa caitaca mana ruranachu nishca mandashcacunamanta maijan mandashcata mana yachashcamanta rurashpapish juchayujmi tucunga. Yachashca jahua juchallishca shinallataj juchayujmi tucunga.

LEVÍTICO 7:19

Chai aicha ima mapapi tuparishca cajpica ama micuchun. Ashtahuanpish ninapi rupachichun. Chai aichataca, imapi mana mapayashcacunalla micuchun.

AMÓS 5:22

Ñucaman tucuita cushpa rupachijpipish, mana chasquinichu. Ñucaman imata cuna cashcata cujpipish, manataj chasquinichu. Ñucahuan alli cangapaj cancunapaj huira animalcunata ñucaman cushpa rupachijpipish, manataj ricushallapishchu.

MALAQUÍAS 1:10

Ñuca altar jahuapi imata cushpa rupachinaman ama yanga shamuchunca, cancunapuramanta maijan ¿manachu ñuca huasi punguta huichcanguichijman? Ñucaca cancunapica manataj cushicuitaca charinichu. Cancuna ñucaman imalla cuna cashcata cujpipish, manataj chasquishachu. Tucuita Mandaj Diostajmi chashna nini.

MALAQUÍAS 1:13

Cashnapishmi nircanguichij: Mandaj Diosman imatapish cucushpallaca, ñami shaicunchij nishpami, ñucata p'iñachishcanguichij. Tucuita Mandaj Diostajmi chashna nini. Cancunaca shuhuashcata, patojota, ungushca animaltami apamushpa ñucamanca curcanguichij. Chashna mana alli animalcunata cujpica ¿maitataj chasquishari? Mandaj Diostajmi chashna nini.

NÚMEROS 18:27

Chaicunata cancuna cushcaca quiquin allpamanta trigota trillashpa cushca shinallataj, quiquin uvata capishpa vinota cushca shinallatajmi canga.

Lucas 16:15

Chaimi Jesusca: “Cancunaca runacunapaj ñaupajllapimi, cancunallataj alli ricurishun nijcuna canguichij. Ashtahuanpish Taita Diosca, cancunapaj shungutaca yachanmi. Runacunalla alli nishcacunataca, Taita Diosca mana ricunachinchu” nircami.

Romanos 4:11

Abrahamtaca circuncisionta manaraj rurashca cajpimi, Diosca justificashpa chasquirca. Chai q'uipami crijpi justificashcata ricuchij sello shina cachun, Diosca circuncisionta rurachun nijpi Abrahamca chasquirca. Chashnami Abrahamca, circuncisionta mana rurashca crijcunapajpish yaya tucurca. Paicunapish crijllapi justificashpa chasquina cashcata ricuchingapajmi, Diosca chashna rurarca.

Hebreos 9:28

Cristoca achcacunapaj juchacunata anchuchingapajmi, shuj cutinlla huañurca. Q'uipata cutin shamushpaca, mana juchata anchuchingapajchu shamunga. Ashtahuanpish paita shuyajcunata quishpichingapajmi shamunga.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.