LEVÍTICO 7:13 - Dios Rimashca Shimicunami

¹³ Sumaj causaimanta animalta cucushcandij Mandaj Diosta pagui nishpa cucushpaca, levadurahuan p'unguichishca tandahuan cuchun.

LEVÍTICO 7:13 Iomraidhean Croise

JEREMÍAS 33:11

Shina cashpapish chai tucui pueblocunapimi jatun cushicuihuan cantashca uyaringa, cazarajcuna cantashcapishmi uyaringa. Tucuita Mandaj Diosta alabaichij, Mandaj Diosca allimari. Paica huiñai huiñaita c'uyacunllamari nishpami cantangacuna. Prezu apashcamanta ñuca tigrachimushcacunami tucuicuna ñucaman cuna cashcata apashca ñuca huasiman shamushpa, diosolopagui nishpa cantangacuna. Cai llajtataca callaripi cashcata shinami, sumajta allichisha” ninmi Mandaj Diosca.

LEVÍTICO 2:12

Punta p'ucushca granocunata cucushpaca chaicunata churashpa ñucapajman apamui tucunguichijmi. Ashtahuanpish ñucapaj mishquijllata ashnacuj cachun altar jahuapica ama rupachinguichijchu.

LEVÍTICO 23:17

Mandaj Diosman huichi ricuchishpa cuyuchishpa cungapajca, cancunapaj huasicunamanta ishqui tandacunata apanguichij. Chaicunaca ashtahuan alli cutata shuj efamanta chungapi chaupishca shuj parteta levadurahuan rurashpa cusashca cachun. Chaica cozicha callarinapaj Mandaj Diosman cushcami canga.

LEVÍTICO 23:18

Chai tandacunahuanca shuj huatayuj, ima mana tucushca canchis c'ari ovejacunata, shuj bizita, ishqui carnerotapish cunguichij. Chaicunaca Mandaj Diosman tucuita cushpa tucui rupachishca cachun. Chaicunataca chaquishca granohuanpish, tallina vinohuanpish cuchun. Chashna cushpa rupachijpimi Mandaj Diospajca mishquijllata ashnacuj canga.

AMÓS 4:5

Animaltapish huañuchishpa, levadurahuan rurashca tandatapish cushpa diosolopagui nigrichijlla. Cancunapaj imalla cushcacunatapish tucuicunaman huillagrichijlla. Israelcunalla, cancunaca chashna ruranatami munanguichij” ninmi Mandaj Jatun Diosca.

Mateo 13:33

Shujtaj yuyachij parlohuanca: “Jahua pachamanta mandacujpica, shuj huarmi quimsa taza cutapi levadurahuan chapujpi, tucuita p'unguillichij shinami canga” nircami.

1 Timoteo 4:4

Taita Dios rurashcaca tucuimi alli. Imapish mana shitanallachu. Taita Diosta pagui nishpaca micunallami.