LEVÍTICO 6:5 - Dios Rimashca Shimicunami

⁵ tucui chaicunata manataj japishcanichu nishpa llullashcacunataca pipajllata chashna rurashcataca pipaj cashca cajpica chaillamantaj tucuita tigrachichun. Chaicunataca juchamanta cuna cashcata cucui punllapi cada chungamanta pichcahuan mirachishpa tigrachichun.

LEVÍTICO 6:5 Iomraidhean Croise

2 SAMUEL 12:6

Chai huajcha runata mana llaquishpa, paipaj ovejata huañuchishcamantaca, chai charij runaca chuscu cutinhuanmi cutichina can– nirca.

NEHEMÍAS 10:35

Ñucanchij allpacunapi punta p'ucushca granocunatapish, yuracunapi punta p'ucushcacunatapish, huatanta Mandaj Diospaj huasiman apashun nircanchijmi.

ÉXODO 22:1

Maijanpish shuj huagrata cashpa, shuj ovejata cashpa, shuhuashpa huañuchishca cajpi, mana cashpaca c'atushca cajpica, huagramantaca pichca huagrata pagachun. Ovejamantaca chuscu ovejata pagachun.

ÉXODO 22:4

Chai shuhuashcaca huagra cajpi, burro cajpi, oveja cajpi paipaj maquipi causajta japijpica chai shuhuajca tucui chaicunamantaca shujtaj chai valillahuantaj cuchun.

ÉXODO 22:7

Maijanpish shujtaj runaman cullquita cashpa, ima shujtaj achca valijcunata cashpapish huaquichichun mingajpica, chai runapaj huasimanta shuhuajpica, chai shuhuajta japijpica, chai shuhuajca shujtaj chai valillahuantaj tigrachichun.

ÉXODO 22:9

Tucui laya umasha nijcunataca: Huagrata cashpa, burrota cashpa, ovejata cashpa, churanata cashpa, ima shujtaj chingarishcacunata cashpapish maijanca caica ñucapajmi ningachari. Caishujpish caica ñucapajmi ningachari. Chashna cajpica ishquindijtataj juezcunapajman apajpi, ima shina cashcata juezcuna alli ricushpa, maijan umacushcata ricuchijpica, chai umacujca dueñomanca shujtaj chai valillahuantaj pagachun.

ÉXODO 30:7

Aaronca lamparacunata cada tutamanta allichinaman shamushpaca, mishquiman ashnacuj inciensota chai altar jahuapi rupachichun.

ISAÍAS 58:6

Ñucaca ashtahuanpish cashna ayunachunmi mandarcani. Diosta mana rijsij canapi huatashca canamanta cachariringapaj. Llaquichicushcata cacharingapaj. Llaquichicushcacuna richun cacharishpa saquingapaj. Yugoshcacunata yugota p'aquingapaj.

ISAÍAS 58:9

Chaipica Mandaj Diosta mañanguimi, paica can mañashcata uyangami. Can caparishpa mañajpica paica: Caipimi cani ningami. Yugoshca shina llaquichicushcata saquijpi, dedohuan manchachinata saquijpi, yangata rimanata saquishpa,

EZEQUIEL 33:15

Prendata quichushcatapish tigrachingachari, imallata shuhuashcatapish cutichingachari. Causanata yachachun quillcachishcapi nishca shina causashpa, millaita mana rurashpaca causangatajmi, manataj huañungachu.

LEVÍTICO 5:16

Mandaj Diospaj ch'icanchishpa cuna cashcata mana tucuita cujca, mashnata mana cushcatapish tucuita cuchun. Cada chungamanta pichcahuan mirachishpapish cuchun. Chaitaca curaman cuchun. Tucui chaicunata ña apamujpica cura chai juchamanta, cushca carnerota Diosman cushpa rupachijpimi, Mandaj Diosca chai juchataca perdonanga.

Lucas 19:8

Zaqueo shayarishpaca Mandaj Jesustaca: –Mandaj Jesús, ñuca charishcacunamanta chaupita imata mana charijcunaman cusha. Maijancunapajta umashpa shuhuashcataca chuscu cutinhuanmi tigrachisha– nirca.

1 SAMUEL 12:3

Caipimi cani. Cancuna imamanta ñucata rimana cashpaca, Mandaj Diospaj ñaupajpi pai churashca jatun mandajpaj ñaupajpi huillahuaichijlla. Maijanpaj huagrata, maijanpaj burrota japishca cajpipish huillahuaichijlla. Maijanta yanga juchachij caj cashca cajpipish, maijanta llaquichij caj cashca cajpipish, mana cashpaca maijanpajta camarita japishcamanta ñahuita huichcashpa shujllaman tucuj caj cashca cajpipish huillahuaichijlla. Chaitaca cunan ñuca allichingapaj– nirca.