LEVÍTICO 6:25 - Dios Rimashca Shimicunami

²⁵ “Aarontapish, paipaj churicunatapish, juchamanta animalta cushpa ima shinalla rupachichun mandashcaca cashnami: Juchamanta cuna cashca animaltaca, Mandaj Diosman cushpa rupachina animaltaca, tucui cushpa rupachina animalta huañuchinallapitaj Mandaj Diospaj ñaupajpi huañuchichun. Chaica Diospajlla ch'icanchishcami.

LEVÍTICO 6:25 Iomraidhean Croise

EZEQUIEL 42:13

Ñucataca cashnami nirca: “Diospaj huasi c'uchupi tiyaj corredor ñaupajpi caj janaj ladomanpish, ura ladomanpish rurashca huasicunaca curacunapajllami canga. Chai huasicunapimi, Mandaj Diosman imalla cuna cashcata cushcacunataca curacuna micungacuna. Chai huasi ucupimi, Diosman imalla cuna cashcata cushcacunatapish, juchamanta imallata cushcatapish, Diosman animalta cushpa huañuchishcatapish huaquichinga. Chai ucucunami Diospajlla canga.

LEVÍTICO 1:11

Chai animaltaca altar janaj ladoman Mandaj Diospaj ñaupajpi cungata p'itichun. Yahuartaca Aaronpaj churi curacuna altar muyundijta tsirapachun.

LEVÍTICO 1:3

Maijanpish Mandaj Diosman cushpa tucui rupachingapaj malta huagrata cushpaca, ima mana tucushca c'ari huagrata cuchun. Chaita Mandaj Dios chasquichunca, Mandaj Dioshuan tupana carpa huasi pungupi cuchun.

LEVÍTICO 1:5

Chai huagrataca Mandaj Diospaj ñaupajpi cungata p'itichun. Yahuartaca Aaronpaj churi curacuna, Mandaj Dioshuan tupana carpa huasi pungupi caj altar ladocunapi Diosman cushpa tsirapachun.

LEVÍTICO 21:22

Chashna cashpapish Diospajlla ch'icanchishpa Diosman cushca tandata, ima shujtajcunatapish Diosman cushcacunataca micuchunlla.

LEVÍTICO 4:24

Chai chivopaj uma jahuapi paipaj maquita churachun. Chai q'uipaca chai chivotaca Diosman tucuita cushpa tucui rupachingapaj huañuchinallapitaj Mandaj Diospaj ñaupajpi huañuchichun. Chaica juchamanta cuna cashcata cushcami canga.

LEVÍTICO 4:29

Juchamanta cushca animalpaj uma jahuapi paipaj maquita churachun. Chai q'uipaca, Diosman tucuita cushpa tucui rupachinallapitaj huañuchichun.

LEVÍTICO 6:17

Chaitaca levadurahuanca ama cusachun. Ñucaman rupachishpa cushcacunataca curacuna japina cashcamanta curacunaman cushcami. Chaicunaca ñucapajlla ch'icanchishcami. Juchamanta cushpa rupachishcapish pandarishpalla juchallishcamanta cushpa rupachishcapish chai shinallatajmi.

LEVÍTICO 6:24

Mandaj Diosca Moisesta mandashpaca:

LEVÍTICO 6:29

Diosman cushcacunaca, Diospajlla ch'icanchishcami. Chaitaca curacunalla micuchuncuna”.

LEVÍTICO 7:7

Ama rurangui nishcata rurashpa juchallishcamanta cushcapish, rurangui nishcata mana rurashpa juchallishcamanta cushcapish chai shinallatajmi. Chaimanta ima shina cunapajca ishquindijpajtaj chai shinallataj mandashcami. Chai aichaca juchamanta Diosman cushpa rupachij cura japinapajmi canga.