LEVÍTICO 6:2 - Dios Rimashca Shimicunami

² Maijanpish shujtajta umashpa Mandaj Diosta p'iñachingachari. Maijanpish paipaj maquipi mingashcata paipaj maquipi saquishcata shujtajpajta mana tigrachingachari, mana cashpaca shujtajpajta imata shuhuangachari, imata quichungachari,

LEVÍTICO 6:2 Iomraidhean Croise

GÉNESIS 26:7

Chaipi cajpimi, chaipi causaj gentecunaca Rebecaca cambaj huarmichu nishpa tapujpi, paica: “Ñuca panimi” nirca. Paica: “Ñuca huarmimi” nijpica chaipi causaj gentecuna Rebecamanta paita huañuchinata manchashcamantami chashna nirca. Rebecaca sumaj ñahui huarmimi carca.

SALMOS 51:4

Quiquintaca p'iñachishcanimari. Juchallishpaca p'iñachishcanimari. Quiquinpaj ñaupajpica millaitamari rurashcani. Chaimanta rimashpaca rimana cajllapitajmi rimashcangui. Manapish rimana cajpica mana rimashcanguichu.

PROVERBIOS 24:28

Mandajcunapaj ñaupajpi ama pitapish yanga llullashpa llaquipi churanguichu. Cambaj shimihuanca ama pita umanguichu.

ISAÍAS 21:2

Mandaj Diosca sinchi mancharinatami muscuipi shina ricuchirca: Huashalla llaquichijca huashalla llaquichinllami. Ñutujca ñutunllami. “Elam llajtapi causajcuna huichiyaichigari. Media llajtapi causajcuna muyundijta shayarichigari. Paicuna aij nicujtaca upallachircanimi” nircami.

ISAÍAS 24:16

Tucui cai pachamantami: “Cashcata rurajca jatun nishca cachun” nishpa cantacujta uyarcanchij. Chaimi ñucaca: ¡Aij ñucalla llaquihuanmari huañucuni, llaquihuanmari huañucuni! Mana cazujcunaca ña manataj cazuncunachu. Yallitaj mana cazuj millaicunami tucuncuna.

ISAÍAS 33:1

¡Aij, pitapish quichuj runalla, cantaca nunca pi manaraj quichunchu! Aij, huashalla llaquichij runalla cantaca pi manaraj huashalla llaquichinchu. Shujtajcunata quichunata can ña tucui tucuchijpica, cantapish tucui quichushcami cangui. Huashalla llaquichishpa tucuchijpica canpish huashalla llaquichishcami cangui.

JEREMÍAS 9:5

Mana llullaca, shujllapish mana tiyanchu. Tucuicuna caishuj chaishuj umanacunllami. Paicunapaj c'alluca llullangapajca, mana huatarinchu. Millaita ruranallapimi yuyaita churancuna.

EZEQUIEL 40:46

Janaj ladoman punguyuj huasica, altarpi Diosman cushpa rupachij curacunapajmi canga. Chai curacunaca, Sadocpaj churi curacunami canga. Chai levita curacunallami Mandaj Diosta servingacuna” nircami.

LEVÍTICO 1:3

Maijanpish Mandaj Diosman cushpa tucui rupachingapaj malta huagrata cushpaca, ima mana tucushca c'ari huagrata cuchun. Chaita Mandaj Dios chasquichunca, Mandaj Dioshuan tupana carpa huasi pungupi cuchun.

LEVÍTICO 19:11

Ama shuhuanguichijchu, ama llullanguichijchu, caishuj chaishuj ama umanacunguichijchu.

LEVÍTICO 5:15

“Maijanpish Mandaj Diospajlla cajta paiman cuna cashcata mana alli yuyarishcamanta mana tucuita cushpaca juchayujmi tucun. Chai juchamantaca oveja canllamanta ima mana tucushca shuj carnerota apamuchun. Chai carneroca Diospaj carpa huasipi tiyaj siclo cullqui shinallataj cullquipi mashna valishcata ricushpa apamuchun. Chaica juchamanta cuna cashcata Diosman cushcami canga.

LEVÍTICO 5:19

Mana yuyarishcamanta chashna rurashca cashpapish Mandaj Diospaj ñaupajpica paita p'iñachishpa juchallishcallatajmi tucun”.

LEVÍTICO 6:1

Mandaj Diosca Moisestaca cashnami nirca:

AMÓS 8:5

Cancunaca cashnami ninguichij: “Trigota ña c'atushun ninchijca. Quillapish ña tucurijpichari, samana punllapish ña pasajpichari granocunata huaquichishca ucumanta pascashpa c'atungapaj. Medidacunatapish uchillayachishpa c'atungapaj, manapish cashcata balanzapi pizashpami achca cullquipi c'atushun.

HABACUC 1:13

Canca ima jucha illaj cashpami, millaitaca manataj ricunachingui. Ima millaita manataj ricui tucunguichu. ¿Ima nishpataj llaquichicujtaca ricucunguillari? Canta mana manchaj runaca, paita yalli cashcata ruraj runata juchachishpa llaquichicunmari. ¿Ima nishpataj chaitaca ricucunguillari?

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Hechos 5:4

Allpaca ¿manachu cambaj carca? C'atujpipish cullquica ¿manachu cambaj maquipi carca? ¿Ima nishpataj cambaj shungupi chashna millaita ruranata yuyarircangui? Mana runacunamanchu llullarcangui, Taita Diosmanmi llullarcangui– nircami.

Efesios 4:25

Chaimanta llullanata saquishpa, tucuicuna caishujta chaishujta ama llullanacushpa parlanacuichijchu. Tucuicunami chai cuerpopajlla miembrocuna canchij.

Colosenses 3:9

Caishuj, chaishuj ama llullanacuichijchu. Cancunapaj mauca causaitaca, rurashcacunandij anchuchishpa,

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.