LEVÍTICO 6:18 - Dios Rimashca Shimicunami

¹⁸ Aaronpish paipaj churicunapish chai saquirishcacunatami micungacuna. Mandaj Diosman cushpa rupachishcacunamanta curacuna japina cashcaca huahua huahuapaj huiñaipaj chashna cachun mandashcami. Imapish Mandaj Diosman cushcapi tuparijca Diospajllami tucunga” nircami.

LEVÍTICO 6:18 Iomraidhean Croise

ÉXODO 29:37

Chai altar chuyayachunca canchis punllata animalta cushpa rupachishpa ñucapajllata rurangui. Chaipimi chai altarca ñucapajlla ch'icanyachishca canga. Chai altarpi ima tuparijpish ñucapajlla ch'icanchishcami tucunga.

LEVÍTICO 3:17

Tucui cai mandashcaca cancunapish, cancunapaj huahua huahuacunapish maipi causashpapish huiratapish, yahuartapish amataj micuchun huiñaipaj mandashcami nircami.

LEVÍTICO 4:24

Chai chivopaj uma jahuapi paipaj maquita churachun. Chai q'uipaca chai chivotaca Diosman tucuita cushpa tucui rupachingapaj huañuchinallapitaj Mandaj Diospaj ñaupajpi huañuchichun. Chaica juchamanta cuna cashcata cushcami canga.

LEVÍTICO 4:3

Curacunata punta pushaj cachun aceitehuan churashca cura juchallijpica, tucui israelcuna juchallishca shinallatajmi canga. Chai juchallishcamanta cuna cashcataca ima mana tucushca malta huagrata Mandaj Diosman cuchun.

LEVÍTICO 4:33

Juchamanta cucujca chai ovejapaj uma jahuapi paipaj maquita churashpa, Diosman tucuita cushpa tucui rupachinallapitaj, juchamanta cushca animaltaca huañuchichun.

LEVÍTICO 6:10

Chai Aarón curaca linomanta rurashca churanata, lino calzoncillota churarishpa, Diosman cushca animalpaj aicha tucui rupashca ushpataca, chai altar jahuamanta pallashpa altar c'uchullapitaj churachun.

LEVÍTICO 6:19

Mandaj Diosca Moisestaca cashnami nirca:

LEVÍTICO 6:27

Diosman cushca animalpaj aichapi tucui imapish tuparijca, Diospajllami tucunga. Chai animalpaj yahuarhuan yahuaryashca churanataca, Diospajlla ch'icanchishcapi tajshachun.

LEVÍTICO 6:29

Diosman cushcacunaca, Diospajlla ch'icanchishcami. Chaitaca curacunalla micuchuncuna”.

LEVÍTICO 7:6

Aichataca curacunalla micuchun. Diospajlla ch'icanchishca cashcamantaca, Diospajlla ch'icanchishcapi micuchun.

NÚMEROS 18:10

Diospajlla ch'icanchishca cashcamanta chaicunataca Diospajlla huasipi micungui. Tucui chaipi cajcunapish micuchuncuna.

NÚMEROS 18:8

Mandaj Diosca Aarontaca cashnami nirca: “Ñucaman cushca ofrendacunata cuidachunca canmanmi cuni. Diospajlla cachun ch'icanchishpa israelcuna tucui imata cushcacunataca canman, cambaj churicunamanmi Diospajta rurashcamanta japina cashcata japichun cuni. Chaicunataca cambaj huahua huahuacunapish chai shinallataj japicuchunlla mandashcami.

1 Corintios 9:13

Diospaj huasipi paipajllata trabajajcunaca chaimantami micuncuna, shinallataj altarpi servijcunapish chai altarmantami japincuna. Chaitaca ¿manachu yachanguichij?

1 Pedro 1:16

Quillcachishcapica: “Ñucaca ima jucha illajmi cani, cancunapish ima jucha illajlla caichij” ninmi.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.