LEVÍTICO 6:16 - Dios Rimashca Shimicunami

¹⁶ Saquirishca cutataca Aaronmi, paipaj churicunandij micunga. Chaitaca Mandaj Dioshuan tupana carpa huasi ñaupajpi, Diospajlla ch'icanchishcapi levadura illajllata micuchuncuna.

LEVÍTICO 6:16 Iomraidhean Croise

2 CRÓNICAS 31:14

Diospaj huasipica, inti llujshin lado pungupica, Imna shuti levitapaj churi Coremi cuidaj carca. Paimi quiquin munaihuan Diosman cushcacunata huaquichij carca. Shinallataj Mandaj Diospajlla ch'icanchishpa imata rurangapajpish, paimi chai huaquichishcacunata llujshichishpa raquij carca.

ÉXODO 12:8

Chai tutaca cusashca aichata, levadura illajlla tandahuan, jayaj q'uihuacunahuan micunguichij.

EZEQUIEL 44:29

Chai curacunami ñucamanca imalla cuna cashcata cushcacunatapish, juchamanta animalta cushcatapish, ñucaman animalta cushpa huañuchishcatapish micungacuna. Tucui israelcuna imatapish ñucapajlla cachun cushcacunapish chai curacunapajmi canga.

LEVÍTICO 2:3

Mandaj Diosman cushpa rupachishcacunaca Mandaj Diospajlla ch'icanchishcami. Chaimanta puchushcacunaca Aronpaj, paipaj churicunapajmi canga.

LEVÍTICO 5:13

Maijan chai shina juchacunata rurashcamantaca chai juchacunamantaca cura Mandaj Diosman cuchun. Chashna rurajpimi paica perdonashca canga. Tucui saquirishca cutaca Diosman cushca grano shinallataj curapajmi” nircami.

LEVÍTICO 6:23

Curamanta Mandaj Diosman cushcataca tucuita rupachina cashcamanta ama micuchun” nircami.

LEVÍTICO 6:26

Juchamanta Diosman cushpa rupachicuj cura chai aichataca micuchun. Chaitaca, Dioshuan tupana carpa huasi canlla Diospajlla ch'icanchishcapi micuchun.

NÚMEROS 18:8

Mandaj Diosca Aarontaca cashnami nirca: “Ñucaman cushca ofrendacunata cuidachunca canmanmi cuni. Diospajlla cachun ch'icanchishpa israelcuna tucui imata cushcacunataca canman, cambaj churicunamanmi Diospajta rurashcamanta japina cashcata japichun cuni. Chaicunataca cambaj huahua huahuacunapish chai shinallataj japicuchunlla mandashcami.

1 Corintios 5:8

Chashna cashcamanta fiestataca, ama ismushca levadurahuan, ama millai yuyaihuan, ama ima mapa levadurahuan rurashunchij. Ashtahuanpish levadura illajlla tandahuan, mana nij tucushpalla, chuya shunguhuan rurashunchij.