LEVÍTICO 6:12 - Dios Rimashca Shimicunami

¹² Chai altar jahuapi rupacun ninaca amataj huañushca cachun. Ashtahuanpish cada tutamanta cura yantata churachun. Chaipica Diosman tucuita cushpa tucui rupachina animaltaca chai jahuapi churachun. Mandaj Dioshuan alli cangapaj cushca huiratapish chaillapitaj rupachichun.

LEVÍTICO 6:12 Iomraidhean Croise

NEHEMÍAS 13:31

Diosman cuna yantata maijanlla ima horalla apamunatapish, punta p'ucushca granota apamuna cashcatapishmi mandarcani. Ñuca Dioslla, ñucapaj allita ruranatapish ama cungaripangui.

EZEQUIEL 40:46

Janaj ladoman punguyuj huasica, altarpi Diosman cushpa rupachij curacunapajmi canga. Chai curacunaca, Sadocpaj churi curacunami canga. Chai levita curacunallami Mandaj Diosta servingacuna” nircami.

LEVÍTICO 6:11

Chai q'uipaca chai churanata llujshichishpa shujtaj churanata churarishpa chai ushpataca carpa huasicunamanta canllaman apashpa, mana mapa allpapi shitachun.

LEVÍTICO 6:13

Chai altarpica ninaca rupacungallami manataj huañushca canachu can.

LEVÍTICO 6:9

“Aarontapish, paipaj churicunatapish cashna mandai: Diosman tucuita cushpa tucui rupachinacuna ima shinalla ruranata yachachinaca cashnami: Diosman tucuita cushpa tucui rupachinataca, altar jahuapi nina rupacunpi chishimantaca pacaringacama tucui tuta rupashpa tucui rupachun churachun.

LEVÍTICO 9:24

Chaipimi Mandaj Diospaj ñaupajmanta nina llujshishpaca, Mandaj Diosman tucuita cushpa tucui rupachinapaj cushca huiratapish altar jahuapi cajtaca tucuita rupachirca. Chaita tucui israelcuna ricushpaca, Mandaj Diostaca allimari cangui nishpami pambacama cumurircacuna.

Hebreos 10:27

Ashtahuanpish chaicunataca paita p'iñaj cashcamantaca Diosmi ima shina cashcata ricuchishpa rupacuj ninapi shitajpi chai ninaca millpunga. Chaica jatunta mancharishpa ricunami canga.