LEVÍTICO 6:11 - Dios Rimashca Shimicunami

¹¹ Chai q'uipaca chai churanata llujshichishpa shujtaj churanata churarishpa chai ushpataca carpa huasicunamanta canllaman apashpa, mana mapa allpapi shitachun.

LEVÍTICO 6:11 Iomraidhean Croise

ÉXODO 29:37

Chai altar chuyayachunca canchis punllata animalta cushpa rupachishpa ñucapajllata rurangui. Chaipimi chai altarca ñucapajlla ch'icanyachishca canga. Chai altarpi ima tuparijpish ñucapajlla ch'icanchishcami tucunga.

EZEQUIEL 44:19

Diospaj huasipi imatapish rurashca q'uipaca churanacunataca llujshichishpa, Diospajlla huasipi tiyaj uchilla ucucunapi huaquichichuncuna. Jatun huasi canllaman llujshishpa, chaipi cajcunahuan tupangapajca shujtaj churanata churarichuncuna. Chai churanallahuantaj llujshishpaca, huasi canllapi cajcunataca ñucapajllatami rurangacuna.

LEVÍTICO 16:27

Shinallataj juchamanta cushpa huañuchishca huagrapaj, chivopaj yahuartaca Diospajlla ch'icanchishca ucupi juchata perdonachun tsirapanapaj apachun. Chai aichacunataca carandij, majadandij carpa huasicunamanta canllaman llujshichishpa rupachichun.

LEVÍTICO 24:9

Chaicunaca Aaronpajpish, paipaj churicunapajpish huahua huahua japicunapajllami. Chaicunataca Diospajlla ch'icanchishcapi micuchun. Mandaj Diosman cushpa rupachishcaca tucuimanta yalli Diospajlla ch'icanchishca cashcamantami chaipi micuna” nircami.

LEVÍTICO 4:12

chai tucuita tandachishpa carpa huasicunamanta canllaman llujshichishpa, ushpata shitana mana mapayashcaman llujshichichun. Chaitaca yanta jahuapi ninapi rupachichun. Chaicunataca ushpata shitanapi chashna rupachichun.

LEVÍTICO 4:21

Chai q'uipaca carpa huasimanta malta huagrata canllaman llujshichishpami, ñaupaman rupachishca malta huagrata shinallataj rupachinga. Chaica tucui israelcunapaj juchacunamanta cuna cashcata cushcami canga.

LEVÍTICO 6:10

Chai Aarón curaca linomanta rurashca churanata, lino calzoncillota churarishpa, Diosman cushca animalpaj aicha tucui rupashca ushpataca, chai altar jahuamanta pallashpa altar c'uchullapitaj churachun.

LEVÍTICO 6:12

Chai altar jahuapi rupacun ninaca amataj huañushca cachun. Ashtahuanpish cada tutamanta cura yantata churachun. Chaipica Diosman tucuita cushpa tucui rupachina animaltaca chai jahuapi churachun. Mandaj Dioshuan alli cangapaj cushca huiratapish chaillapitaj rupachichun.

LEVÍTICO 6:20

“Aarontapish, paipaj churicunatapish cura cachun aceitehuan churai punllapi Diosman cunaca caimi: Shuj efamanta chungapi chaupishca shuj mirga cutamanta Mandaj Diosman cuchun. Chaitaca chaupitaca tutamantaman, chaupitaca chishi cuchun. Punllanta chashna cucuchunlla.

LEVÍTICO 6:22

Aaronpaj randi maijan paipaj churi cunata cura cachun aceitehuan churacushpapish, Diosman cuna cashcataca chashnallatataj cuchun. Chaica huiñaipaj chashna ruracuchunlla Mandaj Dios mandashca cashcamanta tucui chaicunaca rupachishca cachun.

LEVÍTICO 7:6

Aichataca curacunalla micuchun. Diospajlla ch'icanchishca cashcamantaca, Diospajlla ch'icanchishcapi micuchun.