LEVÍTICO 5:4 - Dios Rimashca Shimicunami

⁴ Maijanpish ima allita cashpa, mana allita cashpapish, mana alli yuyarishpa quiquin shimihuantaj rurashatajmi ningachari. Ima cajpipish manapish alli yuyarishpa chashna rurashatajmi nishpa quiquin shimihuantaj nij runaca imata nicushcata mana alli yuyarishpa chashna nishca cashpapish q'uipata yachaj chayashpaca chashna nishcacunamantaca juchallishataj nishpa juchallishcallatajmi tucunga.

LEVÍTICO 5:4 Iomraidhean Croise

2 SAMUEL 21:7

Davidca Saulpaj churi Jonatanhuanmi, cambaj familiataca imata mana rurashachu nishpa Mandaj Diospaj ñaupajpi ari ninacushca carca. Chaimi Jonatanpaj churi Saulpaj nieto Mefi-bosettaca perdonashpa gabaonitacunamanca mana curca.

2 REYES 6:31

Jatun mandajca: “Safatpaj churi Eliseota cunan punllataj cungata mana p'itijpica, Mandaj Dios ñucata jatunta llaquichichun” nishpami sinchita caparirca.

SALMOS 106:33

Paicuna paipaj shunguta yallitaj llaquichijpimi, Moisesca imata rimacushcata mana yachashpa rimarirca.

LEVÍTICO 5:13

Maijan chai shina juchacunata rurashcamantaca chai juchacunamantaca cura Mandaj Diosman cuchun. Chashna rurajpimi paica perdonashca canga. Tucui saquirishca cutaca Diosman cushca grano shinallataj curapajmi” nircami.

LEVÍTICO 5:3

Maijanpish imamanta mapayashcapi tuparijca mapayangami. Mapayashca runapi tuparijpish mapami tucun. Tuparishcata mana yachashca cashpapish, q'uipata yachaj chayashpaca juchayujmi canga.

NÚMEROS 30:6

Shinallataj maijan solterapish Mandaj Diospajta ruranataj tucushpa tucui almahuan rurashatajmi nishpa pajtachina tucushcata manaraj pajtachishpa cazarangachari.

NÚMEROS 30:8

Ashtahuanpish paipaj cusa yachaj chayashpa jarcajpica, Mandaj Diospajta ruranataj tucushpa paipaj shimihuan pajtachishatajmi nishcataca ama rurashpa saquichunlla. Mandaj Diosca chai huarmitaca perdonangami.

Mateo 14:7

Herodesca can tucui ima mañashcata cushatajmi nirca.

Mateo 14:9

Jatun mandajca llaquirishpami, chai mizapi paihuan cajcunapaj ñaupajpi imata mañashcata cushatajmi nishcamanta,

Marcos 6:23

Ñuca mandacun chaupi llajtata cui nijpipish cushallami. Chaitaca pajtachishatajmi– nircami.

Hechos 23:12

Chai cayandij tutamantami maijan judiocunaca, Pablota huañuchishun nishpa: –Pablota huañuchingacama manataj micushunchu, manataj ubyashunchu. Ñucanchij mana chaita pajtachijpica, Taita Dios ñucanchijta llaquichichun– nishpami shuj yuyailla tucurcacuna.

JOSUÉ 2:14

Chaimi paicunaca: –Can ñucanchijta cunan mana huillashpa mana japichijpica, ñucanchijpish cancunataca mana huañuchishunchu. Mandaj Dios ña cai llajtata ñucanchijman cujpi japishpaca cancunataca mana imata rurashunchu. Ñucanchij nishcataca pajtachishuntajmi– nircacuna.

JOSUÉ 9:15

Chashnami Josueca, heveocunahuanca sumajta causanata ari ninacurca. Israelcunata pushajcunapish, Josué nishca shinallatajmi ari nircacuna.

JUECES 11:31

mishashpa chaimanta tigrajpi ñucata tupanaman ñuca huasimanta punta llujshijca can Mandaj Diospajmi canga. Chaitaca canman cushpa tucuimi rupachisha” nircami.

JUECES 21:18

Maijanpish Benjaminpaj ailluhuan paipaj ushushita cazarachijtaca: “Dios jatunta llaquichishca cachun” nishpami Diospaj shutipi nircanchij. Chaimanta ñucanchij ushushicunataca paicunapaj huarmi cachun manataj cui tucunchijchu.

JUECES 21:7

Ñucanchijca Mandaj Diospaj shutipimari Benjaminpaj aillumanca: “Ñucanchij ushushicunataca paicunapaj huarmi cachunca manataj cushunchu” nishca jahuaca ¿ima shinataj ñucanchij ushushicunataca paicunaman cushunri?

JUECES 9:19

Cancuna chashna rurashcaca Jerobaalpajpish, paipaj huasi familiapajpish alli cajpica, Abimelecca cancunahuan cushicuchun, cancunapish paihuan cushicunguichij ninimi).

1 SAMUEL 1:11

Ana huarmica: “Tucuita Mandaj Dios, cambajta ruraj ñuca llaquihuan cajta ricuhuayari. Cambajta ruraj ñucataca amataj cungarichu. Ashtahuanpish cambajta rurajmanca shuj c'ari huahuata cuhuai. Ñucaca paitaca paipaj tucui causaipi can Mandaj Diospaj cachunmi canman cusha. Paipaj ajchatapish manataj p'itichishcami canga” nishpami mañarca.

1 SAMUEL 25:22

Ñucata p'iñajcunata cayapaj shuj c'arillatapish mana saquishpa tucuita mana huañuchijpica, Taita Dios ñucataca jatunta llaquichichun” nircami.