LEVÍTICO 5:2 - Dios Rimashca Shimicunami

² Imapish mapacunapi tuparijca charina animal huañushcapi cashpa, mana charina animal huañushcapi cashpa, huijsahuan llucashpa purij animal huañushcapi cashpa tuparijca, tuparishcata mana yachashca cashpapish mapa tucushcamanta juchallishcami tucunga.

LEVÍTICO 5:2 Iomraidhean Croise

SALMOS 19:12

Mana allita rurashcataca ¿pitaj quiquinllatajca ricuri tucungari? Mana ricuri tucushca juchacunataca perdonapailla.

ISAÍAS 52:11

¡Anchurichij, anchurichij, chaimanta llujshichij. Imapish mapapica ama tuparichijchu. Paicunapaj chaupimanta llujshichij! ¡Mandaj Diospaj ch'icanchishca charinacunata apajcunapish ima mapa illajlla tucuichij!

LEVÍTICO 11:11

Chai animalcunaca cancunapajca millananami canga. Chai animalpaj aichataca ama micunguichijchu. Chai animalcuna huañushca aichataca millanguichij.

LEVÍTICO 11:8

Chashna animalcunapaj aichataca amataj micunguichijchu. Huañushcapipish amataj tuparinguichijchu. Chaicunataca mapa cashcata yuyanguichij.

LEVÍTICO 4:13

Tucui tandanacushca israelcuna Mandaj Dios mandashca maijan mandashcacunata mana yuyarishcamanta, tucuicuna mana cazushca cashpapish paicuna mana cazucushcataca pi mana yuyarishca cashpapish juchayujmi canga.

LEVÍTICO 5:17

Mandaj Dios mandashpa caitaca mana ruranachu nishca mandashcacunamanta maijan mandashcata mana yachashcamanta rurashpapish juchayujmi tucunga. Yachashca jahua juchallishca shinallataj juchayujmi tucunga.

LEVÍTICO 5:3

Maijanpish imamanta mapayashcapi tuparijca mapayangami. Mapayashca runapi tuparijpish mapami tucun. Tuparishcata mana yachashca cashpapish, q'uipata yachaj chayashpaca juchayujmi canga.

LEVÍTICO 5:4

Maijanpish ima allita cashpa, mana allita cashpapish, mana alli yuyarishpa quiquin shimihuantaj rurashatajmi ningachari. Ima cajpipish manapish alli yuyarishpa chashna rurashatajmi nishpa quiquin shimihuantaj nij runaca imata nicushcata mana alli yuyarishpa chashna nishca cashpapish q'uipata yachaj chayashpaca chashna nishcacunamantaca juchallishataj nishpa juchallishcallatajmi tucunga.

LEVÍTICO 7:21

“Sumaj causaimanta Mandaj Diosman rupachishpa cushca aichaca Mandaj Diospajlla ch'icanchishcami. Mapayashca runapi cashpa, mapa animalpi cashpa, imapish millanana mapapi tuparishca cashpa, chai aichata micujpish israelcunapuramanta anchuchishcatajmi canga” nircami.

HAGEO 2:13

Shina nijpipish Hageoca cashna tapurcarajmi: “Maijanpish huañushca aichapi tuparishpaca mapami tucun. Chashna tucushca jahua, Diospajlla caj chai micunacunapi tuparingachari. Pai tuparishca micunaca ¿mapachu saquirinman?” nishpa tapujpica, chai curacunaca: “Ari, mapatajmari saquirinman” nircacunami.

NÚMEROS 19:22

Mapayashca runa ima charinacunapi tuparijpica, tucui chaicunami mapa canga. Mapayashca runapi tuparijpish tutayangacama mapami canga” nircami.

Lucas 11:44

Mandashcacunata quillcajcuna, fariseocuna, mishqui shimi jayaj shungucuna ¡aij, cancunalla! Cancunaca huañushcata pambashca jutcu shinami canguichij. Chai jahuata purijcunaca, ucupi ima tiyashcataca mana yachancunachu– nirca.

2 Corintios 6:17

Chaimanta: “Paicunapaj chaupimanta llujshimuichij, ch'icanyarichij” ninmi Jatun Diosca. Shinallataj: “Ima mapata ama japirichijchu. Chashna rurajpica, cancunataca chasquishami.

DEUTERONOMIO 14:8

C'uchipish pallca sillucunayuj cashpapish mana tigrachishpa cashtuj cashcamanta mapa animalmi. Chaicunapaj aichataca amataj micunguichijchu. Chai animalcunapica huañushcapipish amataj tuparinguichijchu.