LEVÍTICO 5:1 - Dios Rimashca Shimicunami

¹ “Maijanpish imata ricushca cajpi, uyashca cajpi tapujpi mana huillashpaca juchallisha nishpataj juchallishcami tucunga.

LEVÍTICO 5:1 Iomraidhean Croise

1 REYES 22:16

Chaimi jatun mandajca: –¿Mashna cutincamataj imatapish chashnataj cana cajllapi Mandaj Diospaj shutipica huillangui nicushallari?– nirca.

1 REYES 8:31

Maijanpish shujtajta mana allita rurajpi, pai mana allita rurashcataca cai huasipi caj altar ñaupajpi huillachun nijpi huillanaman shamujpica,

2 CRÓNICAS 18:15

Shina nijpi jatun mandajca: –¿Mashna cutincamataj imatapish chashnataj cana cajllapi Mandaj Diospaj shutipica huillangui nicushallari?– nircami.

SALMOS 38:4

Ñucallataj millaita rurashcamari ñuca uma jahuapi llapishpa caticun. Llashaj quipi shinamari ñuca jahuapi llapishca caticun.

ÉXODO 22:11

chaipica chai cuidacuj runaca, mingaj runamanca: “Mandaj Diospaj ñaupajpimi, ñucaca imata manataj rurarcanichu” nishpa huillanga. Chai animalyujca pai nishcata crichun. Cuidacujca ama pagachun.

PROVERBIOS 29:24

Shuhua runahuan shuj yuyailla tucujca, quiquin causaitami p'iñan. Chaimantami llaqui tucushca alli canman nijta uyashpapish, manataj huillan.

PROVERBIOS 30:9

Yalli charijyashpaca canta cungarishpa: “¿Mandaj Diosca pipishchari?” nipajmi cani. Yalli huajcha cashpapish shuhuashpa, can ñuca Diosta c'amichipajmi cani.

ISAÍAS 53:11

Paipaj alma llaquita apashcamanta p'ucushca granota ricushpaca cushicushpami saquiringa. Paicuna mana allita rurashcataca pai aparishpami, cashcata ruraj ñucapajta rurajca pai yachaj cashcahuan achcacunata justificanga.

JEREMÍAS 23:10

Cai llajtaca huainayajcunahuan jundamari. Millaita ruranallatami yachancuna, mandanapipish shujtajcunata llaquichishpallami tiyacuncuna. Chaimanta Dios llaqui tucuchun nijpimi, allpapish shitashca pamba shina chaquishca, michina pambacunapish tucui chaquishcami.

EZEQUIEL 18:20

Juchata rurajcunallami huañunga, churica paipaj yayapaj juchamantaca mana llaquita apangachu. Shinallataj yayapish, paipaj churipaj juchamantaca mana llaquita apangachu. Cashcata ruraj runaca allitami japinga. Ñucata mana manchaj runaca, llaquitami japinga.

EZEQUIEL 18:4

Tucuicunami ñucapaj. Yayapish, churipish ñucapajmari. Maijanpish juchallishpaca, chaillami huañunga.

LEVÍTICO 17:16

Ashtahuanpish paipaj churanacunata mana tajshashpa, paipish mana armashpaca paipaj juchamanta llaquita apangami” nircami.

LEVÍTICO 19:8

Chai micujca jatun mana alli nishcami tucunga. Mandaj Diospajlla ch'icanchishcata yangata rurashcamantaca, chai yanganchijtaca israelcunapuramanta anchuchishcami canga.

LEVÍTICO 20:17

Maijanpish yayamanta cashpa, mamamanta cashpa paipaj panita llatanashpa ricujca, chai panipish paipajta ricujca millananatami ruran. Chaimanta paicunataca tucui israelcuna ricucunpi huañuchichun. Paipaj panita llatanashpa ricushca juchamantaca paillatajmi llaquita apanga.

LEVÍTICO 4:2

Israelcunataca: Mandaj Dios mandashca maijancunata mana rurana cashcata mana yuyarishcamanta rurashpaca, cashna rurachun mandai:

LEVÍTICO 5:15

“Maijanpish Mandaj Diospajlla cajta paiman cuna cashcata mana alli yuyarishcamanta mana tucuita cushpaca juchayujmi tucun. Chai juchamantaca oveja canllamanta ima mana tucushca shuj carnerota apamuchun. Chai carneroca Diospaj carpa huasipi tiyaj siclo cullqui shinallataj cullquipi mashna valishcata ricushpa apamuchun. Chaica juchamanta cuna cashcata Diosman cushcami canga.

LEVÍTICO 5:17

Mandaj Dios mandashpa caitaca mana ruranachu nishca mandashcacunamanta maijan mandashcata mana yachashcamanta rurashpapish juchayujmi tucunga. Yachashca jahua juchallishca shinallataj juchayujmi tucunga.

LEVÍTICO 7:18

Sumaj causaimanta Mandaj Diosman rupachishpa cushca aichata quimsa punllapipish micujpica, cujtaca mana chasquishcachu canga. Pai cushcapish mana cushca shinallatajmi canga. Ashtahuanpish millananami canga. Maijanpish chaita micujca jucha aparishcami canga.

NÚMEROS 9:13

Maijanpish manapish mapayashca cashpa, mana cashpaca maimanpish mana rishca cashpa chaillapitaj cashca jahua Pascua micuita mana rurajtaca, israelcunapuramanta anchuchishca cachun. Mandaj Dios mandashca punllapitaj Mandaj Diosman cuna cashcata mana cushpa juchallishcamantaca, chai juchamantaca llaquita apangatajmi.

Mateo 26:63

Ashtahuanpish Jesusca imata mana nijpimi curacunata mandajca: –Causaj Diospaj shutipimi nini. ¿Canca Diospaj Churi, Cristotajchu cangui? ñucanchijman huillaiyari– nircami.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.

JUECES 17:2

Paimi paipaj mamataca. –Cambaj 1.100 siclo cullquita shuhuajtaca ima llaquipish tucushca alli canman nircanimi nishpami ñucamanca huillarcangui. Chai cullquitaca ñucamari charicuni. Ñucami japircani– nijpimi paipaj mamaca: –¡Ñuca huahualla, Mandaj Dios cantaca alli nishca cachun!– nirca.