LEVÍTICO 4:6 - Dios Rimashca Shimicunami

⁶ Chai curallataj paipaj dedota chai yahuarpi shutujyachishpa, Mandaj Diospajlla ch'icanchishca ucuta jarcachishca linso ñaupajpi canchis cutin tsirapachun.

LEVÍTICO 4:6 Iomraidhean Croise

ÉXODO 40:21

Chai arcataca Diospaj carpa huasi ucuman yaicuchishpami, chai huasi ucutaca shuj ladomanta caishuj ladocama linsota huarcushpa churarca. Chashna rurajpimi Mandaj Dios Moisesta mandashca shinallataj Dioshuan ari ninacushca quillcata huaquichina arcaca pacashca saquirirca.

ÉXODO 40:26

Curi altartaca Dioshuan tupanacuna carpa huasi ucupi, Diospajlla ch'icanyachishca ucuta jarcachishca linso ñaupajpimi churarca.

LEVÍTICO 14:16

Paipaj lluqui maquipi charicuj aceitepi paipaj alli lado dedota shutujyachishpa, Mandaj Diospaj ñaupajpi paipaj dedohuan canchis cutin tsirapachun.

LEVÍTICO 14:18

Paipaj maquipi charicun aceite saquirishcahuanca ima mapa illaj tucucuj runapaj umapi churachun. Chai runapaj juchamantaca Mandaj Diospaj ñaupajpi cura chashna rurachun.

LEVÍTICO 14:27

paipaj lluqui maqui shungupi caj aceiteta paipaj alli lado maqui dedohuan japishpami, Mandaj Diospaj ñaupajpi canchis cutin tsirapanga.

LEVÍTICO 14:7

Lepra ungüimanta alliyashca cajpaj jahuataca chai yahuarhuan canchis cutin tsirapachun. Chai q'uipaca, ña mapa illajlla cashcata huillashpa, causaj pajarotaca cacharishpa cachachunlla.

LEVÍTICO 16:14

Chai q'uipaca Aaronca, huagrapaj yahuarta paipaj dedohuan japishpa propiciatorio jahuataca inti llujshin ladollata tsirapachun. Propiciatorio ñaupaj ladotapish chai yahuarllahuantaj paipaj dedohuan canchis cutin tsirapachun.

LEVÍTICO 16:19

Chai altar jahuata chai yahuarhuan paipaj dedohuan canchis cutin tsirapashpami, israelcuna paicunapaj mapahuan mapayachishcataca ima mapa illajllata rurashpa paipajlla ch'icanchinga.

LEVÍTICO 25:8

Cada canchis huatapi samarishca huatacunataca, canchis huatacama yupashcaca semana huata nishcami tucunga. Semana huatacuna canchista tandachishpa yupajpica, chuscu chunga iscun huatacunami canga.

LEVÍTICO 26:18

Chashna llaquichijpipish mana uyajpica, ñucaca canchis cutinhuanmi cancunapaj juchamantaca llaquichisha.

LEVÍTICO 26:24

ñucapish cancunahuan ashtahuan p'iñarishpami, cancunapaj juchamantaca shujtaj canchis cutihuan llaquichisha.

LEVÍTICO 26:28

ñucapish cancunahuan yallitaj p'iñarishpami, cancunapaj juchamantaca canchis cutinhuan llaquichisha.

LEVÍTICO 4:17

Chai curaca paipaj dedota chai yahuarpi shutujyachishpa, Mandaj Diospajlla ch'icanchishca ucuta jarcachishca linso ñaupajpi canchis cutin tsirapachun.

LEVÍTICO 4:25

Chai juchamanta cushca chai animalpaj asha yahuartaca, cura paipaj dedohuan asha yahuarta japishpa, Diosman tucuita cushpa tucui rupachina altar jahuapi caj gachucuna puntapi churachun. Puchushca yahuartaca, Diosman tucuita cushpa tucui rupachina altar chaquipi tallichun.

LEVÍTICO 4:30

Chai q'uipaca cura paipaj dedohuan asha yahuarta japishpa, Diosman tucuita cushpa tucui rupachina altar jahuapi caj gachucuna puntapi churachun. Puchushca yahuartaca altar chaquipi tallichun.

LEVÍTICO 4:34

Juchamanta cushca animalpaj yahuartaca curallataj paipaj maqui dedohuan ashata japishpa, Diosman tucuita cushpa tucui rupachina altarpi caj gachucuna puntapi churachun. Puchushca yahuartaca, altar chaquipi tallichun.

LEVÍTICO 8:11

Chai aceitehuanca altar jahuatapish canchis cutinmi tsiraparca. Chashnami altartapish chaipi tucui imallata ruranacunandij Diospajlla cachun ch'icanchirca. Tanquetapish, tanqueta tiyachina basatapish chashnallatajmi Diospajlla cachun ch'icanchirca.

LEVÍTICO 8:15

Moisesca chai huagrataca huañuchirca. Chai yahuartaca paipaj dedohuan japishpami, chai altarta Mandaj Diospajlla ch'icanyachingapaj altar gachucunatapish, altar muyundij quinritapish llihuirca. Puchushca yahuartaca altar chaquipimi tallirca. Chashnami Mandaj Dioshuan alli tucungapaj rupachina altar cachun, Diospajlla cachun ch'icanchirca.

LEVÍTICO 9:9

Chai huagrapaj yahuartaca, Aaronpaj churicuna apamujpimi, paica yahuarpi paipaj maqui dedota shutujyachishpa altar jahuapi tiyaj gachucuna puntapi llihuirca. Puchushca yahuartaca altar chaquipimi tallirca.

NÚMEROS 19:4

Yahuartaca Eleazar cura, paipaj dedota satishpa Dioshuan tupanacuna carpa huasi ladoman tigrarishpa canchis cutin tsirapachun.

JOSUÉ 6:4

Canchis curacunaca carneropaj canchis gachu bocinacunahuan ñuca arcata apajcunata ñaupachuncuna. Canchis punllapica, canchis cutin chai pueblota muyunguichij. Curacunaca chai gachucunapi tocashpa ñaupachuncuna.

JOSUÉ 6:8

Josué chashna nincami, canchis curacunaca carnerocunapaj canchis gachu bocinacunata apashca, Diospaj arcata apacujcunapaj ñaupajman tucushpa, chai bocinacunapi tocashpa rircacuna. Dioshuan ari ninacushca quillcata huaquichina arcata apacujcunaca catishpami rircacuna.