LEVÍTICO 4:34 - Dios Rimashca Shimicunami

³⁴ Juchamanta cushca animalpaj yahuartaca curallataj paipaj maqui dedohuan ashata japishpa, Diosman tucuita cushpa tucui rupachina altarpi caj gachucuna puntapi churachun. Puchushca yahuartaca, altar chaquipi tallichun.

LEVÍTICO 4:34 Iomraidhean Croise

ISAÍAS 42:21

Mandaj Diosca cashcata ruraj canata c'uyashcamantami pai mandashcataca sumajyachichun jatunyachichun curca.

LEVÍTICO 4:18

Chai yahuartaca Mandaj Dioshuan tupana carpa huasi ucupi Mandaj Diospaj ñaupajpi tiyacuj altar gachucuna puntapi churachun. Puchushca tucui yahuartaca Mandaj Dioshuan tupana carpa huasi pungupi caj Diosman tucuita cushpa tucui rupachina altar chaquipi tallichun.

LEVÍTICO 4:25

Chai juchamanta cushca chai animalpaj asha yahuartaca, cura paipaj dedohuan asha yahuarta japishpa, Diosman tucuita cushpa tucui rupachina altar jahuapi caj gachucuna puntapi churachun. Puchushca yahuartaca, Diosman tucuita cushpa tucui rupachina altar chaquipi tallichun.

LEVÍTICO 4:30

Chai q'uipaca cura paipaj dedohuan asha yahuarta japishpa, Diosman tucuita cushpa tucui rupachina altar jahuapi caj gachucuna puntapi churachun. Puchushca yahuartaca altar chaquipi tallichun.

LEVÍTICO 4:7

Chai asha yahuartaca mishquijllata ashnacuj inciensota rupachina altar Mandaj Dioshuan tupana carpa huasi ucupi, Mandaj Diospaj ñaupajpi tiyacuj altar gachucuna puntapi cura churachun. Chai malta huagrapaj puchushca yahuartaca, Mandaj Dioshuan tupana carpa huasi pungupi Diosman tucuita cushpa tucui rupachina altar chaquipi tallichun.

Juan 17:19

Paicunapish cambaj manataj llullapi shujlla tucuchunmi, ñucallataj canman curini.

Romanos 10:4

Mandashcata pajtachijca Cristomi. Tucui paita crijcunataca Dios justificachunmi chashna rurarca.

Romanos 8:1

Cunanca Cristo Jesushuan shujlla cajcunapajca jatun llaquiman cachanaca manataj tiyanchu. Paicunaca aicha munaita mana rurashpa, Espiritupaj munaita rurashpa causajcunami.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Hebreos 10:29

Maijanpish cunan Diospaj Churita sarujcunaca Dios cusha nishpa ari nishca yahuarhuanmi jucha illajta rurashcacuna carca. Chai yahuartapish paicunaca yanganchinmi. Mana c'uyaipajta c'uyaj Espiritutapish c'amincunami. Chashnacunaca ¿mashna jatun llaquita apana cashcatataj yuyangui?

Hebreos 2:10

Tucui imalla tiyajcunapish Dios rurashcami. Paillamantatajmi tucui imapish tiyan. Diosca tucui paipaj huahuacunata paipaj sumaj llajtaman pushanatami munan. Chaipajca Cristotami llaquita apashpa, cashcata ruraj paicunapaj quishpichij cachun churarca.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.