LEVÍTICO 4:3 - Dios Rimashca Shimicunami

³ Curacunata punta pushaj cachun aceitehuan churashca cura juchallijpica, tucui israelcuna juchallishca shinallatajmi canga. Chai juchallishcamanta cuna cashcataca ima mana tucushca malta huagrata Mandaj Diosman cuchun.

LEVÍTICO 4:3 Iomraidhean Croise

2 CRÓNICAS 29:21

Chaiman rishpaca jatun mandajpaj juchacunatapish, paipaj tucui familiapaj juchacunatapish anchuchichun, shinallataj Diospaj huasimanta juchata anchuchichunpish, tucui Judá llajtapi causajcunapaj juchata anchuchichunpishmi canchis huagracunata, canchis carnerocunata, canchis malta ovejacunata, canchis c'ari chivocunata Diosman cungapaj aparcacuna. Jatun mandajca Aaronpaj huahua huahua curacunatami: “Mandaj Diosman cai animalcunata, cushpa paipaj altarpi rupachichij” nirca.

ESDRAS 8:35

Prezu apashcacunapaj huahua huahuacuna prezumanta tigramushcacunaca israelcunapaj Diosman cushpa tucui rupachina cashcataca: Tucui israelcunapaj juchacunamantaca chunga ishqui malta huagracunata, iscun chunga sujta carnerocunata, canchis chunga canchis malta ovejacunata, chunga ishqui c'ari chivocunatami curcacuna.

ÉXODO 29:14

Malta huagraca juchamanta ñucaman cushca cashcamanta aichatapish, caratapish, majadatapish carpa huasicunamanta canllaman rupachingui.

ÉXODO 29:21

Altar jahuapi caj yahuartapish, ñucapajlla ch'icanchingapaj churana aceitetapish japishpa Aaronpaj jahuapipish, paipaj churicunapaj jahuapipish paicunapaj churanacunapipish tsirapangui. Chashna rurajpimi Aaronpish, paipaj churicunapish, paicunapaj churanacunapish ñucapajlla ch'icanyachishca saquiringa.

ÉXODO 29:7

Chai q'uipaca ñucapajlla ch'icanchina aceiteta japishpa, paipaj umapi tallishpa ñucapajlla cachun ch'icanchingui.

ÉXODO 30:10

Juchacunamanta cushca animalpaj yahuarta Aaronca huatapi shuj cutin chai altarpaj gachucunata llihuichun. Cancunapaj huahua huahuacunapish juchamanta cushca yahuartaca chai altarpaj gachucunapi huatapi shuj cutin cada huata llihuicuchunlla. Chai altarca Mandaj Diospajlla ch'icanchishcami” nircami.

EZEQUIEL 40:39

Chai ucuman yaicuna pungullapimi, cada ladoman ishqui mezacuna tiyarca. Chai mezacuna jahuapimi, Diosman cushpa tucuita rupachina animaltapish, juchamanta cushca animaltapish, Diosman cushca animaltapish, juchata rurashcamanta huañuchina carca.

EZEQUIEL 43:19

Sadocpaj huahua huahua levita curacunami ñucata servinamanca c'uchuyangacuna. Paicunamanca, juchamanta malta c'ari huagratami cungui. Mandaj Dios ñucatajmi chashna nini.

EZEQUIEL 44:27

Ñucata servingapaj ñucapajlla huasiman yaicuna huasi canllaman yaicushpaca, juchamanta animalta ñucaman cuchun. Mandaj Jatun Diostajmi chashna nini.

LEVÍTICO 1:10

Oveja canllamanta cashpa, chivo canllamanta cashpa Diosman tucuita cushpa tucui rupachingapaj apamucushpaca, ima mana tucushca shuj c'ari animalta apamuchun.

LEVÍTICO 1:3

Maijanpish Mandaj Diosman cushpa tucui rupachingapaj malta huagrata cushpaca, ima mana tucushca c'ari huagrata cuchun. Chaita Mandaj Dios chasquichunca, Mandaj Dioshuan tupana carpa huasi pungupi cuchun.

LEVÍTICO 16:11

Aaronca paipaj juchamanta cuna c'ari huagrata apamuchishpa, paipaj juchamantapish, paipaj huasi ucupuracunapaj juchamantapish cushpa ñucahuan alli tucuchun. Juchamanta cushca huagrataca huañuchichun.

LEVÍTICO 16:3

Aaronca ñucapajlla ch'icanchishca ucumanca caicunahuan yaicuchun: Juchamanta cungapaj shuj malta huagrahuan, tucuita cushpa tucui rupachinapaj shuj carnerohuan yaicuchun.

LEVÍTICO 16:5

Aaronca tandanacushca tucui israelcunapajtaca juchamanta cungapajca ishqui c'ari chivota japichun. Tucuita cushpa tucui rupachinapajca shuj carnerota japichun.

LEVÍTICO 16:6

Aaronca, paipaj juchamanta cuna c'ari huagrata apamuchishpami, paipaj juchamantapish, paipaj huasi ucupuracunapaj juchamantapish ñucahuan alli tucunga.

LEVÍTICO 4:14

Paicuna mana cazucushcata q'uipata yachaj chayashpaca, Diosmanca chai juchamanta cuna cashcataca tucuicuna tandanacushpa shuj malta huagrata cuchuncuna. Chai malta huagrataca Mandaj Dioshuan tupana carpa huasi ñaupajman apashpa,

LEVÍTICO 4:23

Mana yuyarishcamanta chashna mana cazushpa juchallishcata q'uipata yachaj chayashpaca, chai juchamanta Diosman cungapajca ima mana tucushca shuj c'ari chivota apamuchun.

LEVÍTICO 4:28

Chashna juchallishcata q'uipata yachaj chayashpaca, chai juchamanta Diosman cungapajca ima mana tucushca shuj chivata apamuchun.

LEVÍTICO 4:5

Chai q'uipaca curacunata punta pushaj cachun aceitehuan churashca curallataj, chai malta huagrapaj asha yahuarta japishpa Mandaj Dioshuan tupana carpa huasiman apachun.

LEVÍTICO 5:6

Chai juchallishcamanta cuna cashcata Diosman cungapajca, paipaj canlla animalcunamanta shuj huarmi ovejata cashpa, shuj malta chivata cashpa apamuchun. Chai juchamantaca cura Mandaj Diosman cuchun.

LEVÍTICO 6:18

Aaronpish paipaj churicunapish chai saquirishcacunatami micungacuna. Mandaj Diosman cushpa rupachishcacunamanta curacuna japina cashcaca huahua huahuapaj huiñaipaj chashna cachun mandashcami. Imapish Mandaj Diosman cushcapi tuparijca Diospajllami tucunga” nircami.

LEVÍTICO 8:12

Diospajlla cachun ch'icanchina aceiteta Aaronpaj umapi churashpami, paitaca, Mandaj Diospajlla cachun ch'icanchirca.

LEVÍTICO 9:2

Aarontaca cashna nirca: “Juchamanta cungapajca vacacunamanta shuj malta huagrata, Mandaj Diosman tucuita cushpa tucui rupachingapajca shuj carnerota ishquindijtaj ima mana tucushcata apamushpa Mandaj Diospaj ñaupajpi cunguichij.

LEVÍTICO 9:3

Chai q'uipaca israelcunata cashna ningui: Juchamanta cungapajca shuj chivota apamuichij. Mandaj Diosman tucuita cushpa tucui rupachingapajca, ima mana tucushca shuj huatayuj huagrata, shuj huatayuj carnerota apamuichij.

NÚMEROS 16:22

Chaimi paicunaca pambaman tupajta cumurishpa: –Taita Dios, tucuicunaman causaita cuj Dios. ¿Manachu shuj runalla juchallishca canga? ¿Ima nishpataj tucui israelcunahuan p'iñaringuiyari?– nircacuna.

NÚMEROS 8:8

Chai q'uipaca shuj huagrata apamuchun. Chaihuan cunapajpish, tucuimanta yalli alli cutata aceitehuan chapushcata apamuchun. Juchamanta cungapajca canpish shuj huagrata japishpa cungui.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Hebreos 5:3

Chashna cashpami, animalcunata Diosman cushpa rupachinataca paipaj juchacunamanta, shujtajcunapaj juchacunamantapish cunata charin.

Hebreos 9:12

Cristoca Diospajlla ashtahuan ch'icanchishca ucumanca mana c'ari chivocunapaj, c'ari bizicunapaj yahuarhuanchu yaicurca. Ashtahuanpish paipaj quiquin yahuarta cushpa huiñaipaj quishpichingapajmi, shuj cutinlla chai ucumanca yaicurca.