LEVÍTICO 4:2 - Dios Rimashca Shimicunami

² Israelcunataca: Mandaj Dios mandashca maijancunata mana rurana cashcata mana yuyarishcamanta rurashpaca, cashna rurachun mandai:

LEVÍTICO 4:2 Iomraidhean Croise

GÉNESIS 20:9

Chai q'uipami Abimelecca, Abrahamta cayashpaca: –Canca ¿imatataj rurashcanguichu imamí? Ñucapajmanpish, ñuca mandacun llajtamanpish jatun jucha shamuchunca ñucaca cambajca ¿ima millaitataj rurashcaniyari? Canca ñucahuanca manapish ruraipajtamari rurashcangui.

SALMOS 19:12

Mana allita rurashcataca ¿pitaj quiquinllatajca ricuri tucungari? Mana ricuri tucushca juchacunataca perdonapailla.

SALMOS 19:13

Cambajta rurajtaca jatun tucunamanta huaquichihuailla. Jatun tucuna yuyai ñucata cazuchichunca ama saquihuanguichu. Chashna rurajpica ima mapa illajmi casha. Yallitaj millaipish manataj tucushachu.

ECLESIASTÉS 5:6

Ama cambaj shimillahuantaj juchayuj tucunguichu. Q'uipataca, Diospajta huillajpaj ñaupajpica: “Pandarishpamari chashna rurashcani” ninguimi. Chashna rurashpaca Diostamari p'iñachingui. Pai p'iñarishpaca can rimashcallamantami, can rurashcacunataca tucui chingachinga.

LEVÍTICO 22:14

Diospajlla ch'icanchishcacunataca pipish mana micunalla cashcata mana yachashcamanta micushpaca, pichcapi chaupishca shuj partehuan Diospajlla ch'icanchishcandij curaman tigrachichun.

LEVÍTICO 4:1

Mandaj Diosca Moisestaca cashna nishpami mandarca:

LEVÍTICO 4:13

Tucui tandanacushca israelcuna Mandaj Dios mandashca maijan mandashcacunata mana yuyarishcamanta, tucuicuna mana cazushca cashpapish paicuna mana cazucushcataca pi mana yuyarishca cashpapish juchayujmi canga.

LEVÍTICO 4:22

Israelcunata maijan pushajpish paita Mandaj Dios tucui mandashcacunamanta shuj mandashcata mana yuyarishcamanta mana cazushpapish juchayujmi tucun.

LEVÍTICO 4:27

Maijanpish israelcunapuramanta Mandaj Dios tucui mandashcacunamanta maijan shuj mandashcata mana yuyarishcamanta mana cazushpa rurashpaca juchayujmi tucun.

NÚMEROS 35:11

mana huañuchina yuyaihuan cashpapish, huañuchijcuna miticuchun pueblocunata agllanguichij.

DEUTERONOMIO 19:4

Huañuchijcunaca cashna cashca cashpallami chaipica miticushpa causai tucungacuna: Ñaupamanca imamanta mana p'iñanacushca cashca cashpa, manapish huañuchina yuyaihuan huañuchijcunallami chaipica miticugringa.

1 Timoteo 1:13

Ñaupaca ñucaca Diosta c'amij, catirashpa llaquichij, maipish cachun rimajmi carcani. Chaicunataca mana yachaj, mana crij cashpa, chashna ruracujpipish Diosmi ñucataca llaquirca.

Hebreos 5:2

Paipish imata mana rurai tucuj runallataj cashpami mana yachajcunamanpish, chingarishcacunamanpish mana p'iñarij cashcata ricuchi tucun.

Hebreos 9:7

Chaiman punllanta yaicucushpapish Diospajlla ashtahuan ch'icanchishca ucumanca curacunata mandaj curallami, huatapi shuj cutinlla yaicun. Chaipica paipaj juchacunamanta, mana yachashcamanta shujtajcuna rurashca juchacunamantapish animalcunapaj yahuarta Diosman cungapajmi yaicun.

Santiago 3:10

Chai shimillamantatajmi alli nishcapish, mana alli nishcapish llujshin. Ñuca huauquicunalla, chashna canaca mana allichu.

1 SAMUEL 14:27

Jonatanca, israelcunata paipaj yaya manataj micushunchu nishpa ari nichishcata mana uyashcamantami, pai charicushca varahuan chai mishquita japishpa chai varamantaca maquihuan japishpa micujpi paipaj ñahuicunaca achijllata ricurca.