LEVÍTICO 4:13 - Dios Rimashca Shimicunami

¹³ Tucui tandanacushca israelcuna Mandaj Dios mandashca maijan mandashcacunata mana yuyarishcamanta, tucuicuna mana cazushca cashpapish paicuna mana cazucushcataca pi mana yuyarishca cashpapish juchayujmi canga.

LEVÍTICO 4:13 Iomraidhean Croise

ESDRAS 10:19

Paicunami paicunapaj huarmicunata llujshichishpa cachanata ari ninacushpa maquita curcacuna. Paicuna yallitaj millaita rurashpa juchallishcata anchuchichunpish, canlla ovejacunamanta shuj carnerotami Diosman curcacuna.

SALMOS 19:13

Cambajta rurajtaca jatun tucunamanta huaquichihuailla. Jatun tucuna yuyai ñucata cazuchichunca ama saquihuanguichu. Chashna rurajpica ima mapa illajmi casha. Yallitaj millaipish manataj tucushachu.

EZEQUIEL 45:22

Chai punllallataj mandajca, paipaj juchamantapish, cai llajtapi causaj tucuicunapaj juchamantapish shuj malta c'ari huagrata ñucaman cushpa huañuchichun.

OSEAS 5:15

“Paicuna juchallishcata, ñucaca juchallishcanimari nishpa ñucata mashcangacamami ñucaca ñuca causacunman tigrasha. ¡Paicuna llaquihuan cashpami, ñucataca mashcangacuna!” nircami.

LEVÍTICO 16:5

Aaronca tandanacushca tucui israelcunapajtaca juchamanta cungapajca ishqui c'ari chivota japichun. Tucuita cushpa tucui rupachinapajca shuj carnerota japichun.

LEVÍTICO 4:21

Chai q'uipaca carpa huasimanta malta huagrata canllaman llujshichishpami, ñaupaman rupachishca malta huagrata shinallataj rupachinga. Chaica tucui israelcunapaj juchacunamanta cuna cashcata cushcami canga.

LEVÍTICO 5:17

Mandaj Dios mandashpa caitaca mana ruranachu nishca mandashcacunamanta maijan mandashcata mana yachashcamanta rurashpapish juchayujmi tucunga. Yachashca jahua juchallishca shinallataj juchayujmi tucunga.

LEVÍTICO 6:4

Chashna juchallishpa llaquichishcamantaca shuhuashcatapish, pipajta quichushcatapish, mingashcata mana tigrachishcatapish, jichushcata tarishcatapish,

NÚMEROS 15:22

Mandaj Dios Moisesman huillachishca cai mandashcacunamanta maijanta cashpapish mana alli yuyarishpa, mana tucuita pajtachingachari.

1 Corintios 11:27

Chashna cajpica maijanpish mana alli shunguhuan Mandaj Jesuspaj cai tandata micushpa, cai copamanta ubyashpaca, Mandaj Jesuspaj cuerpomanta, yahuarmantaca juchachishcami canga.

1 Timoteo 1:13

Ñaupaca ñucaca Diosta c'amij, catirashpa llaquichij, maipish cachun rimajmi carcani. Chaicunataca mana yachaj, mana crij cashpa, chashna ruracujpipish Diosmi ñucataca llaquirca.

JOSUÉ 7:11

Israelcunamari juchallin. Paicunaca mandashcacunata pajtachishunllami nishpa ñucahuan ari ninacushca jahuamari, mana cazushpa p'aquin. Chingachinapajmi nishcatamari japishca. Apanaca mana alli cashcata yachashca jahuamari shuhuashpa, paipaj cashcacunahuan huaquichishpa charicun. Chashnamari llullashpa puricun.