LEVÍTICO 4:12 - Dios Rimashca Shimicunami

¹² chai tucuita tandachishpa carpa huasicunamanta canllaman llujshichishpa, ushpata shitana mana mapayashcaman llujshichichun. Chaitaca yanta jahuapi ninapi rupachichun. Chaicunataca ushpata shitanapi chashna rupachichun.

LEVÍTICO 4:12 Iomraidhean Croise

ÉXODO 29:14

Malta huagraca juchamanta ñucaman cushca cashcamanta aichatapish, caratapish, majadatapish carpa huasicunamanta canllaman rupachingui.

EZEQUIEL 43:21

Chashna rurashca q'uipaca, juchamanta cushca malta c'ari huagra aichataca, ñuca huasipi tiyacuj mandashcapi nishca shinallataj canllaman rupachingui.

LEVÍTICO 13:46

Caracha ungüihuan cajca caracha ungüihuan cai punllacunapica tucui chai punllacunapimi mapa canga. Mapami canga, sapallami causanga. Carpa huasicunamanta canllamanmi causanga.

LEVÍTICO 16:27

Shinallataj juchamanta cushpa huañuchishca huagrapaj, chivopaj yahuartaca Diospajlla ch'icanchishca ucupi juchata perdonachun tsirapanapaj apachun. Chai aichacunataca carandij, majadandij carpa huasicunamanta canllaman llujshichishpa rupachichun.

LEVÍTICO 4:21

Chai q'uipaca carpa huasimanta malta huagrata canllaman llujshichishpami, ñaupaman rupachishca malta huagrata shinallataj rupachinga. Chaica tucui israelcunapaj juchacunamanta cuna cashcata cushcami canga.

LEVÍTICO 6:23

Curamanta Mandaj Diosman cushcataca tucuita rupachina cashcamanta ama micuchun” nircami.

LEVÍTICO 6:30

Juchamanta cushca animalpaj aichataca Diospaj huasipi caj Diospajlla ch'icanchishca ucuman yahuarta apashca cajpica, ima animal aicha cajpipish chai aichataca ama micuchun. Chaitaca tucuita ninapi rupachichunlla.

LEVÍTICO 6:4

Chashna juchallishpa llaquichishcamantaca shuhuashcatapish, pipajta quichushcatapish, mingashcata mana tigrachishcatapish, jichushcata tarishcatapish,

LEVÍTICO 8:17

Ashtahuanpish chai huagrapaj caratapish, aichatapish, majadatapish carpa huasicunamanta canllamanmi Mandaj Dios Moisesta mandashca shinallataj tucuita rupachirca.

LEVÍTICO 9:11

Aichataca carandijmi carpa huasicunamanta caruman apashpa rupachirca.

NÚMEROS 15:35

Chaipimi Mandaj Diosca, Moisestaca: “Chai runaca huañunatajmi can. Chaimanta carpa huasicunamanta caruman llujshichishpa tucui israelcuna rumicunahuan shitashpa huañuchichij” nirca.

NÚMEROS 19:3

Chaitaca Eleazar curaman cungui. Paimi carpa huasicunamanta canllaman llujshichishpa, paipaj ñaupajpi huañuchichinga.

NÚMEROS 19:5

Vacapaj aichataca carandij, yahuarndij, majadandij tucuita paipaj ñaupajpi rupachichichun.

NÚMEROS 5:3

Chashnacunataca c'aricunatapish, huarmicunatapish llujshichishpa cachaichij. Cancunapaj chaupipi ñuca causacunta ama mapayachichunmi cancuna causacun carpa huasimanta caruman churana canguichij” nircami.

Hebreos 13:11

Juchacunamanta cushca animalcunapaj yahuartaca curacunata jatun pushajllami Diospajlla ashtahuan ch'icanchishca ucuman apan. Ashtahuanpish aichataca, pueblomanta llujshichishpa canllamanmi rupachincuna.