LEVÍTICO 3:9 - Dios Rimashca Shimicunami

⁹ Mandaj Dioshuan alli cangapaj Mandaj Diosman cushpa rupachicushpaca, Mandaj Diosman cushpa rupachishca shinallataj cachun. Ovejapaj chupataca c'uchupi p'itichun, chunllullipi tiyaj tucui huiratapish, huijsapi tiyaj tucui huiratapish,

LEVÍTICO 3:9 Iomraidhean Croise

2 SAMUEL 6:17

Davidca ñaupamanmi Mandaj Diospaj arcata churanapajca shuj carpa huasita shayachishca carca. Mandaj Diospaj arcata ña chayachishpaca, chaupi huasi ucupi maipi chai arcata churanata rurachishcallapitajmi churarca. Chaipimi Davidca Mandaj Diosman cushpa tucui rupachinatapish cushpa rupachirca, sumaj causaimantapish Mandaj Diosman curca.

1 REYES 3:15

Salomón rijcharishpaca muscucushcatami entendirca. Chaimi Jerusalenman rishpa Mandaj Dioshuan ari ninacushca quillcata huaquichina arca ñaupajpi Mandaj Diosman cushpa tucui rupachirca. Paihuan alli cangapajpish sacrificiocunatami curca. Paipajta ruraj tucuicunahuanpish jatun micuitami rurarca.

1 REYES 8:63

Salomonca Mandaj Dioshuan alli cangapajmi sacrificiocunata curca. Chai sacrificiocunaca: 22.000 huagracuna, 120.000 ovejacunami carca. Chashnami jatun mandajpish, tucui israelcunapish Mandaj Diospaj huasitaca cambajlla cachun nircacuna.

1 REYES 8:64

Chai punllallatajmi jatun mandajca Mandaj Diospaj huasi ñaupajpi caj patiotapish Diospajlla cachun nirca. Chai patiopimi Mandaj Diosman cushpa tucui rupachinatapish, chaquishca granocunatapish, Dioshuan alli cangapaj cushca huiratapish paiman cushpa rupachirca. Mandaj Diospaj huasi ñaupajpi caj bronce altarca uchilla cashcamanta Diosman cushpa tucui rupachinapajpish, chaquishca granocunata cungapajpish, Dioshuan alli cangapaj cushca huirata rupachingapajpish mana pajtajpimi chaipi rupachirca.

1 CRÓNICAS 16:1

Diospaj arcata chashna apamushpaca, David ñaupaman shayachishca carpa huasi chaupi pambapimi churarcacuna. Chaipimi Davidca Taita Diosman cushpa tucui rupachinatapish cushpa rupachirca, Dioshuan alli cangapajpish paipaj ñaupajpi curca.

ÉXODO 29:22

Chai carneroca ñucapajlla ch'icanchingapaj cushca cashcamanta chupata, chunllullipi, yana shungupi, ishqui riñoncunapi tiyaj huirata riñoncunandij llujshichingui. Alli lado changatapish japingui.

PROVERBIOS 23:26

Ñuca huahualla, cambaj shungutaca ñucaman cuhuayari. Cambaj ñahuihuanca ñuca ima shina causajta chaparaiyari.

ISAÍAS 53:10

Mandaj Diosmari ñucanchijmanta paillataj curishpa llaquita apachun munarca. Ñucanchij juchamanta paipaj causaita cushcamantaca paita catijcuna tiyajta ricungami, huiñai huiñaita causangapishmi. Mandaj Diosca pai imalla rurasha nishcataca paipaj maquipi churashpami ruranga.

LEVÍTICO 17:5

Chaitaca maipipish Mandaj Diosman cushpa rupachicuj israelcuna, ama chashna rurashpa, ashtahuanpish Mandaj Dioshuan tupana carpa huasi punguman curapajman apamunata yachachun chashna mandashcami. Chaiman apamujpimi, sumaj causaimanta cuna cashcataca Mandaj Diosman cura cunga.

LEVÍTICO 7:3

Chai animaltaca chupatapish, chunllullicunapi tiyaj huiratapish,

LEVÍTICO 8:25

Chai q'uipaca, carneropaj huirataca, chupandij, chunllulli jahuapi tiyaj huirandij, yana shungupi tiyaj huirandij, ishqui riñoncunata chaipi tiyaj huirandij, alli lado changa aichandijmi llujshichirca.

LEVÍTICO 9:19

Chai huagrapaj huiratapish chai carneropaj chupatapish, chunllullicunapi tiyaj huiratapish, riñoncunatapish, yana shungupi tiyaj huiratapish apashpami,

NÚMEROS 7:88

Sumaj causaimanta paiman cungapaj apamushca animalcunaca caicunami carca: Ishqui chunga chuscu huagracuna, sujta chunga carnerocuna, sujta chunga chivocuna, shuj huatayuj sujta chunga c'ari ovejacunami carca. Chaicunataca altarta aceitehuan churashpa Diospajlla cachun ch'icanchishca q'uipa, altarta Diosman mingangapajmi apamurcacuna.

1 SAMUEL 10:8

Chai q'uipaca, Gilgalman ñucapaj ñaupa ringuilla. Ñucaca Diosman cushpa tucuita rupachingapaj, sumaj causaimanta cuna cashcata cungapajpishmi cambajman chai puebloman shamusha. Ñuca chai puebloman shamushpa can imalla rurana cashcata huillangacama canchis punllata chaipi shuyangui– nircami.