LEVÍTICO 3:2 - Dios Rimashca Shimicunami

² Chai cucujca Mandaj Diosman cushca animalpaj uma jahuapi paipaj maquita churashpa, Mandaj Dioshuan tupana carpa huasi pungupi huañuchichun. Yahuartaca, Aronpaj churi curacuna altar muyundijta tsirapachun.

LEVÍTICO 3:2 Iomraidhean Croise

ÉXODO 29:10

Chai q'uipaca, Dioshuan tupanacuna carpa huasiman malta huagrata apangui. Chaipi Aaronpish, paipaj churicunapish paicunapaj maquicunata chai huagrapaj uma jahuapi churachuncuna.

ÉXODO 29:11

Chai huagrataca, Dioshuan tupanacuna carpa huasi pungupi Mandaj Diospaj ñaupajpi huañuchingui.

ÉXODO 29:15

Chai carnerocunamanta shuj carnerota japingui. Aaronpish, paipaj churicunatapish chai carneropaj uma jahuapi paicunapaj maquicunata churachun.

ÉXODO 29:16

Chai carnerota huañuchishpa, yahuartaca altar jahuapipish, altar muyundijpipish tsirapangui.

ÉXODO 29:19

Caishuj carnerotapish japingui. Aaronpish, paipaj churicunatapish carneropaj uma jahuapi paicunapaj maquicunata churachun.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

LEVÍTICO 1:11

Chai animaltaca altar janaj ladoman Mandaj Diospaj ñaupajpi cungata p'itichun. Yahuartaca Aaronpaj churi curacuna altar muyundijta tsirapachun.

LEVÍTICO 17:3

Maijan israelcuna shuj huagrata cashpa, shuj malta ovejata cashpa, shuj chivata cashpapish, paicuna causacun huasillapi cashpa mana cashpaca paicuna causacun carpa huasicunamanta canllaman huañuchingachari.

LEVÍTICO 17:4

Mandaj Dioshuan tupana carpa huasiman Mandaj Diospaj ñaupajman mana apashpa chaipi mana cungaraicu paicuna causacunpi huañuchishpaca chai yahuarmantaca mandashcata mana pajtachishcamanta juchayujmi canga. Chai yahuarmantaca chai runaca israelcunapuramanta anchuchishcami canga.

LEVÍTICO 3:3

Mandaj Dioshuan alli cangapaj animalta cushpa rupachicushpaca, Mandaj Diosman cushpa rupachishca shinallataj cachun. Chunllullicunapi tiyaj huiratapish, huijsapi tiyaj tucui huiratapish,

LEVÍTICO 3:8

cucujca chai ovejapaj uma jahuapi paipaj maquita churachun. Chai q'uipaca Mandaj Dioshuan tupana carpa huasi ñaupajpi chai ovejataca huañuchichun. Yahuartaca Aaronpaj churicuna altar muyundijta tsirapachun.

LEVÍTICO 8:22

Chai q'uipaca Mandaj Diospajlla ch'icanchishcamanta cuna cashca carnerotami apamuchirca. Aaronpish, paipaj churicunapish chai carneropaj uma jahuapi paicunapaj maquicunata churajpimi,

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

NÚMEROS 18:17

Punta huacharishca animalcuna, huagracuna, ovejacuna, chivocuna cajpica ama cullquita japingui. Chaicunaca ñucapajlla ch'icanchishca cashcamanta paicunapaj yahuartaca altar jahuapi tsirapangui. Huirataca Diosman cushpa rupachingui. Rupachishpa cujpimi, Mandaj Diospajca mishquijlla ashnacuj canga.

Hechos 3:15

Ashtahuanpish cancunaca Causaita Cujtarajmi huañuchircanguichij. Paitami Taita Diosca, huañushcacunapaj chaupimanta causachirca. Ñucanchijca chaita ricushcata huillajcunami canchij.

Hechos 3:26

Taita Diosca paipaj Churita causachishpaca, cancunaman allicunata cuchunmi cancunapajmanraj cacharca. Cancunataca cada quiquinta millaita ruracushcata saquichingapajmi chashna cacharca” nircami.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.