LEVÍTICO 3:17 - Dios Rimashca Shimicunami

¹⁷ Tucui cai mandashcaca cancunapish, cancunapaj huahua huahuacunapish maipi causashpapish huiratapish, yahuartapish amataj micuchun huiñaipaj mandashcami nircami.

LEVÍTICO 3:17 Iomraidhean Croise

GÉNESIS 9:4

Ashtahuanpish causaita cuj yahuarndij aichataca ama micunguichij.

2 CRÓNICAS 29:35

Chashnami Mandaj Diosmanca achca animalcunata cushpa tucui rupachircacuna. Shinallataj Dioshuan alli cangapaj cushca animalcunapaj huiratapishmi rupachircacuna. Chai animalcunapaj aichataca, ima shina rurana cashca shinallatajmi, Diosman cushpa rupachircacuna. Tallina vinotapish, cada ovejahuanmi curcacuna. Chashnami Mandaj Diospaj huasipica, cutintaj Diospajta rurai callarircacuna.

NEHEMÍAS 8:10

Chai q'uipaca: “Cunan punllaca Mandaj Diospajlla ch'icanchishcamari. Chaimanta richij sumajta allichishca micunacunata micugrichij. Mishquijlla vinotapish ubyagrichij. Micunata allichinapaj imata mana charijcunamanpish caraj cachaichij. Ama llaquilla caichijchu. Mandaj Dios cushichishcaca, cancuna fuerzayuj tucunapajmi” nircami Esdraspish.

ÉXODO 27:21

Mandaj Dioshuan cancunahuan shujlla yuyai tucushcata ricuchij quillcata huaquichishca arcata jarcachishca cortina ñaupajpi caj lamparacunaca Mandaj Diospaj ñaupajpi chishimantaca pacaringacama japichishca cachun. Chaicunataca Aarón paipaj churicunandijmi cuidangacuna. Chaicunataca tucui israelcuna huahua huahua ruracuchunmi chashna mandani.

ÉXODO 28:43

Aarón cashpa, paipaj churicuna cashpa Dioshuan tupangapaj tandanacuna carpa huasiman yaicunapaj, mana cashpaca altarpi ñucapajta rurangapaj c'uchuyashpapish chaita churashca c'uchuyashpallami mana juchallishpa mana huañungacuna. Cai mandashcacunaca Aaronpajpish paipaj q'uipa huahua huahuacunapajpish huiñaipaj mandashcami.

EZEQUIEL 33:25

Chashna nijcunamanca cashna niyari: Mandaj Jatun Diosca cashnami nin: Cancunaca aichatapish yahuarndijmi micunguichij, rurashcalla dioscunata adorajcunapishmi canguichij, huañuchijcunami canguichij. Chashna mana allita rurajcunaca ¿maitataj cai llajtataca japinguichigari?

EZEQUIEL 44:15

Ashtahuanpish Sadocpaj huahua huahua levita curacunaca, israelcuna ñucamanta anchurijpipish, ñucapajlla huasipi imallata rurachun mandashcacunataca rurashpa catircacunallami. Chaimantami ñucapaj imatapish ruranaman c'uchuyangacuna. Paicunami ñucaman cushca huiratapish, yahuartapish cungapaj c'uchuyangacuna. Mandaj Jatun Dios ñucatajmi chashna nini.

EZEQUIEL 44:7

Cancunaca shungumanta millai yuyaita mana anchuchishcacunata, c'aricuna charishca aicha mirga caratapish mana p'itishca shujtaj runacunata ñuca huasiman yaicuchishpamari, ñuca huasitaca mapayachishcanguichij. Cancunaca ñucamanca huiratapish, yahuartapishmi curcanguichij. Ñucahuan ari ninacushcata yangata rurashpamari, cancunaca yallitaj millaita rurashcanguichij.

LEVÍTICO 10:15

Cushpa rupachina huiracunatapish Diosman ch'icanyachishpa cuna changa aichatapish, huichi ricuchishpa cuyuchishpa cuna pecho aichatapish apamuchuncuna. Chaicunaca Mandaj Dios mandashca shinallataj cambajpish, cambaj huahua huahuacunapish japicuchunlla mandashcami– nircami.

LEVÍTICO 10:9

“Mandaj Dioshuan tupana carpa huasiman yaicushpaca canpish, cambaj churicunapish, vinotapish, sidratapish ama ubyanguichijchu. Chashna rurashpallami mana huañunguichij. Tucui cai mandashcacunaca cancunapaj huahua huahuacunapaj huiñaipaj mandashcami.

LEVÍTICO 16:29

Tucui cai mandashcacunaca chashna ruracuchunlla mandashcami. Canchis quillapaj chunga punllapica cancunapaj alma llaquilla tucushpa, imata mana rurashpami samarina canguichij. Cancunapish, cancunahuan causacuj mana israelcunapish chai shinallataj rurachun.

LEVÍTICO 16:34

Tucui israelcunapaj juchacunamanta huatapi shuj cutin chashna ruracuchunlla mandashca cashcamanta chashna ruracuchunlla mandashcami” nircami. Moisesca Mandaj Dios mandashca shinallatajmi rurarca.

LEVÍTICO 17:7

Cancuna huainayacushca supaicunamanca nunca ña mana ashtahuan animalcunata huañuchishpa cunachu canguichij. Chaitaca cancunapaj huahua huahuacuna chaitataj pajtachicuchunlla mandashcami.

LEVÍTICO 19:26

Imatapish yahuarhuan chagrutaca ama micunguichijchu. Shinallataj brujocunapish, adivinocunapish ama canguichijchu.

LEVÍTICO 23:14

Cancunapaj Taita Diosmanraj punta cuna cashcamanta chaita manaraj cushpaca, chai cuna punllacama tandatapish, canchashca granotapish, llulluraj espigatapish amaraj micunguichij. Cai mandashcacunaca, cancuna maipi causashpapish, huahua huahuacuna chaitataj pajtachicuchunlla mandashcami.

LEVÍTICO 23:21

Chai punllallataj Diospajlla tandanacuiman cayanguichij. Chai punllapica sinchi trabajocunataca imata ama ruranguichijchu. Tucui cai mandashcacunaca cancuna maipi causashpapish cancunapaj huahua huahua chaitataj pajtachicuchunlla mandashcami.

LEVÍTICO 24:3

Mandaj Dioshuan tupana carpa huasi ucupi cancunahuan shujlla yuyai tucushcata ricuchij quillcata huaquichishca arcata jarcachishca linso ñaupajpi chai lamparacuna nina japichishca tutai punlla Mandaj Diospaj ñaupajpi rupacujta allichij cachunca Aaronta mandai. Chaicunataca cancunapaj huahua huahuacuna chaitataj pajtachicuchunlla mandashcami.

LEVÍTICO 24:9

Chaicunaca Aaronpajpish, paipaj churicunapajpish huahua huahua japicunapajllami. Chaicunataca Diospajlla ch'icanchishcapi micuchun. Mandaj Diosman cushpa rupachishcaca tucuimanta yalli Diospajlla ch'icanchishca cashcamantami chaipi micuna” nircami.

LEVÍTICO 3:16

Chai q'uipaca tucui chaicunataca altar jahuapi cura rupachichun. Chaimi Mandaj Diospajca sumaj micuita rupachishpa cushca mishquijllata ashnacuj canga. Tucui chai huiraca Mandaj Diospajllami.

LEVÍTICO 4:1

Mandaj Diosca Moisestaca cashna nishpami mandarca:

LEVÍTICO 6:15

Chai curacunamanta shujmi Diosman cushca cutamanta, aceitendij inciensondij paipaj maqui jundata Diosman cushca jahuamanta japishpa altar jahuapi rupachinga. Chashna rurajpimi chai cujta yuyarinapaj Mandaj Diospajca mishquijllata ashnacuj canga.

LEVÍTICO 6:18

Aaronpish paipaj churicunapish chai saquirishcacunatami micungacuna. Mandaj Diosman cushpa rupachishcacunamanta curacuna japina cashcaca huahua huahuapaj huiñaipaj chashna cachun mandashcami. Imapish Mandaj Diosman cushcapi tuparijca Diospajllami tucunga” nircami.

LEVÍTICO 6:22

Aaronpaj randi maijan paipaj churi cunata cura cachun aceitehuan churacushpapish, Diosman cuna cashcataca chashnallatataj cuchun. Chaica huiñaipaj chashna ruracuchunlla Mandaj Dios mandashca cashcamanta tucui chaicunaca rupachishca cachun.

LEVÍTICO 7:23

“Israelcunataca cashna mandai: Huiracunataca huagrapajta cashpa, malta c'ari ovejapajta cashpa, chivapajta cashpapish mana micunachu canguichij.

LEVÍTICO 7:34

Sumaj causaimanta israelcuna cushca animalta huañuchishca pecho aichata huichi ricuchishpa cushcatapish, cuna cashcamanta cushca changa aichatapish cushcacunataca ñucami japircani. Chaicunataca ñuca japishpami Aarón curaman paipaj churicunaman curcani. Cai mandashcacunaca israelcunapaj huahua huahuacuna chaitataj pajtachicuchunlla mandashcani”.

LEVÍTICO 7:36

Mandaj Diosca curamanca cura cachun aceitehuan churashpa ch'icanyachi punllamantapachami Mandaj Diosman cushcacunamanta paicunaman cuchun israelcunataca mandarca. Caitaca paicunapaj tucui huahua huahuacunapish, chaitataj pajtachishpa cucuchunllami mandarca.

NÚMEROS 19:21

Chai mandashcaca huahua huahua ruracuchunlla mandashcami. Mapa illajllata rurana yacuhuan tsirapaj runapish paipaj churanacunata tajshachun. Mapa illajllata rurana yacupi maijanpish tuparijca, tutayangacama mapami canga.

Mateo 16:24

Chaipimi Jesusca, paipaj yachacujcunataca cashna nirca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Mateo 26:28

caica achcacunapaj juchacunata perdonangapaj mushuj ruranata callarichishcata ricuchij ñuca jichana yahuarmi.

Hechos 15:29

Rurashcalla dioscunaman cushcata ama micunguichij, yahuartapish, sipishpalla huañuchishca aichatapish ama micunguichij, ama huainayanguichij. Caicunata cazushpaca, allitamari ruranguichij. Allilla cashca canguichij” nishpami quillcarcacuna.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

Efesios 5:26

Huillashca shimihuan yacupi maillashpa jucha illajta rurangapajmi, Cristoca chashna tucurca.

DEUTERONOMIO 12:16

Ashtahuanca yahuartatajca ama micunguichijchu. Chaitaca yacuta shina allpapi tallinguichijlla.

DEUTERONOMIO 12:23

Ashtahuanca yahuarta micunatatajca amataj yuyanguichijchu. Yahuarpimi causai tiyan. Causaindij aichandijca ama micunguichijchu.

DEUTERONOMIO 12:24

Amataj micunguichijchu yacuta shina allpapi tallinguichijlla.

DEUTERONOMIO 15:23

Ashtahuanca yahuartatajca ama micunguichijchu, yacuta shina pambapi tallinguichijlla.

DEUTERONOMIO 32:14

Vacapaj mantequillata, ovejacunapaj lechetami cararca. Malta ovejacunapaj huirata, Basán carnerocunapaj, chivocunapaj aichatami cararca. Ashtahuan alli trigotami cararca. Uvapaj yahuarta capishca vinotami ubyarchirca.

1 Timoteo 4:4

Taita Dios rurashcaca tucuimi alli. Imapish mana shitanallachu. Taita Diosta pagui nishpaca micunallami.