LEVÍTICO 3:16 - Dios Rimashca Shimicunami

¹⁶ Chai q'uipaca tucui chaicunataca altar jahuapi cura rupachichun. Chaimi Mandaj Diospajca sumaj micuita rupachishpa cushca mishquijllata ashnacuj canga. Tucui chai huiraca Mandaj Diospajllami.

LEVÍTICO 3:16 Iomraidhean Croise

GÉNESIS 4:4

Abelpish punta huacharishca alli huira ovejatami Mandaj Diosman cungapaj apamurca. Mandaj Diosca Abeltapish, pai cushcatapish cushicushpami chasquirca.

2 CRÓNICAS 29:35

Chashnami Mandaj Diosmanca achca animalcunata cushpa tucui rupachircacuna. Shinallataj Dioshuan alli cangapaj cushca animalcunapaj huiratapishmi rupachircacuna. Chai animalcunapaj aichataca, ima shina rurana cashca shinallatajmi, Diosman cushpa rupachircacuna. Tallina vinotapish, cada ovejahuanmi curcacuna. Chashnami Mandaj Diospaj huasipica, cutintaj Diospajta rurai callarircacuna.

2 CRÓNICAS 7:7

Salomonca, Mandaj Diospaj huasi ñaupajpi caj patiotapishmi Diospajlla cachun nirca. Chai patiopimi, Mandaj Diosman cushca tucui rupachinatapish, Diosman cushca chasquishca granocunatapish, Dioshuan alli cangapaj cushca huiratapish paiman cushpa rupachirca. Salomón rurachishca bronce altarca Diosman cushpa tucui rupachinatapish, granocunatapish rupachingapajca mana pajtarcachu.

ÉXODO 29:13

Chunllullicunapi, yana shungupi, riñoncunapi tiyaj huirataca tucui llujshichishpa ñuca altarpi rupachingui.

ÉXODO 29:22

Chai carneroca ñucapajlla ch'icanchingapaj cushca cashcamanta chupata, chunllullipi, yana shungupi, ishqui riñoncunapi tiyaj huirata riñoncunandij llujshichingui. Alli lado changatapish japingui.

ISAÍAS 53:10

Mandaj Diosmari ñucanchijmanta paillataj curishpa llaquita apachun munarca. Ñucanchij juchamanta paipaj causaita cushcamantaca paita catijcuna tiyajta ricungami, huiñai huiñaita causangapishmi. Mandaj Diosca pai imalla rurasha nishcataca paipaj maquipi churashpami ruranga.

EZEQUIEL 44:15

Ashtahuanpish Sadocpaj huahua huahua levita curacunaca, israelcuna ñucamanta anchurijpipish, ñucapajlla huasipi imallata rurachun mandashcacunataca rurashpa catircacunallami. Chaimantami ñucapaj imatapish ruranaman c'uchuyangacuna. Paicunami ñucaman cushca huiratapish, yahuartapish cungapaj c'uchuyangacuna. Mandaj Jatun Dios ñucatajmi chashna nini.

LEVÍTICO 17:6

Chai yahuartaca Mandaj Dioshuan tupana carpa huasi pungupi caj, Mandaj Diospaj altar jahuata cura tsirapachun. Huiratapish Mandaj Diospaj mishquijllata ashnacuj cachun rupachichun.

LEVÍTICO 4:26

Chai q'uipaca, Mandaj Dioshuan alli cangapaj Mandaj Diosman cushca animalpaj huirata shinallataj, chai huiratapish tucuita altar jahuapi rupachichun. Chai mandajpaj juchamantaca cura chashna Mandaj Diosman cuchun. Chaimi paica Mandaj Dios perdonashca canga.

LEVÍTICO 4:31

Chai q'uipaca Mandaj Dioshuan alli cangapaj Mandaj Diosman cushca animalpaj huirata tucuita llujshichij shinallataj chai animalpaj huiratapish tucuita llujshichichun. Chaitaca, Mandaj Diospaj sumaj mishquijllata ashnacuj cachun altar jahuapi cura rupachichun. Chai juchallijmantaca cura Mandaj Diosman chashna cushpa rupachichun. Chaipimi paica Mandaj Dios perdonashca canga.

LEVÍTICO 8:25

Chai q'uipaca, carneropaj huirataca, chupandij, chunllulli jahuapi tiyaj huirandij, yana shungupi tiyaj huirandij, ishqui riñoncunata chaipi tiyaj huirandij, alli lado changa aichandijmi llujshichirca.

LEVÍTICO 9:24

Chaipimi Mandaj Diospaj ñaupajmanta nina llujshishpaca, Mandaj Diosman tucuita cushpa tucui rupachinapaj cushca huiratapish altar jahuapi cajtaca tucuita rupachirca. Chaita tucui israelcuna ricushpaca, Mandaj Diostaca allimari cangui nishpami pambacama cumurircacuna.

Mateo 22:37

Jesusca: –“Cambaj Mandaj Taita Diosta tucui shunguhuan, tucui almahuan, tucui yuyaihuan c'uyangui” ninmi.