LEVÍTICO 27:9 - Dios Rimashca Shimicunami

⁹ Mandaj Diosman cuna tucushca animalca, ima shina animaltami Mandaj Diosman cuna tucun chaica Mandaj Diospajllami tucunga.

LEVÍTICO 27:9 Iomraidhean Croise

PROVERBIOS 20:25

Mandaj Diosman imata cusha ningapajca, alli yuyaringuiraj. Yuyarishcahuan quiquin shimihuan ari nishca q'uipa, mana pajtachinaca urmana linchi shinami.

ECLESIASTÉS 5:6

Ama cambaj shimillahuantaj juchayuj tucunguichu. Q'uipataca, Diospajta huillajpaj ñaupajpica: “Pandarishpamari chashna rurashcani” ninguimi. Chashna rurashpaca Diostamari p'iñachingui. Pai p'iñarishpaca can rimashcallamantami, can rurashcacunataca tucui chingachinga.

EZEQUIEL 48:14

Levitacunaca paicuna charicushca allpataca, mirga allpallatapish mana piman c'atui tucunchu, mana pihuan cambiai tucunchu. Chai allpapi p'ucushca punta granotapish, mana piman cui tucunchu. Chaicunaca Mandaj Dios ñucapajlla cashcamantami, chaicunataca mana rurai tucuncuna.

LEVÍTICO 27:10

Chaimanta Mandaj Diosman yangalla animalta cuna tucushca cashpaca alli animalhuan ama cambiachun, alli animalta cuna tucushca cashpapish yangalla animalhuan ama cambiachun. Chai animalta shujtajhuan cambiajpica cambiashca animalpish, cushca animalpish Diospajlla ch'icanchishcami canga.

LEVÍTICO 27:8

Diospajta ruranapaj curishca maijancunaca huajcha cashamanta paimanta mashnata pagana cashcatatajca mana pagai tucujpica paitaca curapajman apachun. Curami Diospajta ruranapaj curishca caj mashnata pagai tucushcallata pagachun ninga.

LEVÍTICO 5:15

“Maijanpish Mandaj Diospajlla cajta paiman cuna cashcata mana alli yuyarishcamanta mana tucuita cushpaca juchayujmi tucun. Chai juchamantaca oveja canllamanta ima mana tucushca shuj carnerota apamuchun. Chai carneroca Diospaj carpa huasipi tiyaj siclo cullqui shinallataj cullquipi mashna valishcata ricushpa apamuchun. Chaica juchamanta cuna cashcata Diosman cushcami canga.

Mateo 15:5

Ashtahuanpish cancunaca paicunataca: “Cancunapaj yaya mamataca cancunaman ayudana cashcataca, Taita Diosmanmari ña tucuita cushcani cancunamanca ña mana imata cui tucunichu ninguichij nishpami yachachinguichij.