LEVÍTICO 27:25 - Dios Rimashca Shimicunami

²⁵ Tucui imatapish mashna valishcata can ricushpaca, Diospaj carpa huasipi cullquita pezanapi pezashcahuan ch'imbapurashca cuchun. Chai siclo cullquica ishqui chunga gerasmi.

LEVÍTICO 27:25 Iomraidhean Croise

ÉXODO 30:13

Tucui yupashcacunaca cashnami cuna can: Carpa huasipi tiyaj cullquita pezanapi pezashca chaupi siclo cullquitami cuna can. Shuj sicloca, ishqui chunga gerami. Mandaj Diosmanca, chaupi siclo cullquitami cuna.

ÉXODO 38:24

Diospaj carpa huasita ruranapaj cushca curihuanca imallata curihuan rurana cashcata curihuan rurashcata yupajpica, tucuimantaca ishqui chunga iscun talento, 730 siclomi carca. Chaica Diospaj carpa huasipi tiyaj cullquita pezanapi pezashcami carca.

EZEQUIEL 45:12

Shinallataj shuj sicloca, ishqui chunga geratami pizanga. Sujta chunga sicloca, shuj minatami pizanga.

LEVÍTICO 27:24

Tucui imamantapish cacharirina huatapica, allpaca ñaupaman c'atujpajllatajmi canga. Pai quiquinpaj cashcamantami paipajllataj canga.

LEVÍTICO 27:3

Ishqui chunga huatayuj runamanta sujta chunga huatayuj runacamaca pichca chunga siclo cullquita cuchun. Chaitaca Diospaj carpa huasipi cullquita pezanapi pezashca shinallataj cuchun.

LEVÍTICO 5:15

“Maijanpish Mandaj Diospajlla cajta paiman cuna cashcata mana alli yuyarishcamanta mana tucuita cushpaca juchayujmi tucun. Chai juchamantaca oveja canllamanta ima mana tucushca shuj carnerota apamuchun. Chai carneroca Diospaj carpa huasipi tiyaj siclo cullqui shinallataj cullquipi mashna valishcata ricushpa apamuchun. Chaica juchamanta cuna cashcata Diosman cushcami canga.

NÚMEROS 18:16

Huacharishcamanta shuj quillayuj cajpi pagashpa llujshichichun mandangui. Mashnata cuna cashca shinallatataj ricushpa pichca siclota pagachichun. Chaitaca Diospaj carpa huasipi tiyaj cullquita pezanapi pezashca cachun. Shuj sicloca ishqui chunga gerami.

NÚMEROS 3:47

cada huahuamanta pichca siclo cullquita japingui. Chaitaca Diospaj carpa huasipi tiyaj cullquita pezanapi pezashpa japingui. (Shuj siclo cullquica ishqui chunga geratami charin).

NÚMEROS 7:67

Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.