LEVÍTICO 27:22 - Dios Rimashca Shimicunami

²² Maijanpish mana paipaj yayapajta japishca allpata, ashtahuanpish pai randishca allpata Mandaj Diosman cushca cajpica,

LEVÍTICO 27:22 Iomraidhean Croise

LEVÍTICO 25:10

Pichca chunga huatapica chai huatataca chashna Diospajlla ch'icanyachinguichij. Israel llajtapi tucui causajcunapajca, tucui imamantapish cacharirina huatami nishpa huillanguichij. Chai huataca imamantapish cacharirina huata cashcamanta tucuicuna quiquin allpaman, quiquin familiapajman tigrachun.

LEVÍTICO 25:25

Cancunapurapi maijanpish huajchayashpa pai charishca maijan allpata c'atujpica allpata randijman paipaj c'uchulla familia cullquita tigrachishpa, chai allpataca tigrachichichun.

LEVÍTICO 27:14

Maijan paipaj huasita Mandaj Diosman ch'icanchishpa cujpica, chai huasitaca alli huasi cashcata, yangalla huasi cashcata cura ricushpa mashna valishcata huillachun. Mashna valishcata cura huillashcaca chaimi canga.

LEVÍTICO 27:21

Chai allpaca tucui imamantapish cacharirina huatapica, maijanpajpish mana cangachu. Diospajlla ch'icanchishcallatajmi canga. Chaimanta chai allpaca curapajmi saquiringa.

LEVÍTICO 27:23

chai allpataca cujhuan tucushpa mashna valishcata cura ricuchun. Imamantapish cacharirina huatacama mashna cashcata yupashpa mashna cashcata nichun. Chai cujllataj chai allpata japisha nishpaca chai allpaca Mandaj Diospajlla ch'icanchishca cashcamanta chai allpa mashna valishcatataj chai punllataj cushpa japichun.