LEVÍTICO 27:21 - Dios Rimashca Shimicunami

²¹ Chai allpaca tucui imamantapish cacharirina huatapica, maijanpajpish mana cangachu. Diospajlla ch'icanchishcallatajmi canga. Chaimanta chai allpaca curapajmi saquiringa.

LEVÍTICO 27:21 Iomraidhean Croise

ESDRAS 10:8

Israelcunata pushajcuna, cunaj yuyajcuna yuyarishca shinallataj maijanpish quimsa punllacama mana tandanacumujpica, paicuna tucui imalla charishcacunatapish, allpacunatapish quichushpa, prezu apashcamanta tigramushcacunapurapi cashcamantapish anchuchishcami canga nishpami huillachirca.

EZEQUIEL 44:29

Chai curacunami ñucamanca imalla cuna cashcata cushcacunatapish, juchamanta animalta cushcatapish, ñucaman animalta cushpa huañuchishcatapish micungacuna. Tucui israelcuna imatapish ñucapajlla cachun cushcacunapish chai curacunapajmi canga.

LEVÍTICO 25:10

Pichca chunga huatapica chai huatataca chashna Diospajlla ch'icanyachinguichij. Israel llajtapi tucui causajcunapajca, tucui imamantapish cacharirina huatami nishpa huillanguichij. Chai huataca imamantapish cacharirina huata cashcamanta tucuicuna quiquin allpaman, quiquin familiapajman tigrachun.

LEVÍTICO 25:28

Mana cashpaca c'atujca randijman cullquita cutichingapaj mana pajtata charingachari. Mana charishcamanta mana cutichi tucujpica, chai allpaca imamantapish cacharirina huatacama randijpajllataj saquirichun. Imamantapish cacharirina huata pajtajpica, chai allpataca c'atujllataj japichunlla.

LEVÍTICO 25:31

Shinallataj pueblo muyundijta mana pircashca llajtacunapi charishca huasicunaca, tarpuna allpacunata shinallataj ima punllapish cullquita cutichishpaca japichunlla. Tucui imamantapish cacharirina huatapica cullquita cutichishpa c'atujllataj japichunlla.

LEVÍTICO 27:20

Ashtahuanpish allpamanta paillataj mana cullquita tigrachi tucujpi shujtajman c'atujpica q'uipataca cullquita cushpapish mana japi tucungachu.

LEVÍTICO 27:22

Maijanpish mana paipaj yayapajta japishca allpata, ashtahuanpish pai randishca allpata Mandaj Diosman cushca cajpica,

NÚMEROS 18:14

Cuna tucushcamanta Diospajlla ch'icanchishpa israelcuna tucui imalla cushcacunapish cambajmi canga.

DEUTERONOMIO 13:17

Tucui chingachinapaj cashcacunataca imata mana japinachu canguichij. Chashna cajpimi Mandaj Dios nina sindirij shina p'iñarishcaca pararinga. Cancunapaj ñaupa yayacunaman nishca shinallatajmi cancunata llaquishpa, c'uyashpa cancunataca achcata mirachinga.

JOSUÉ 6:17

Chai pueblopi causajcunataca, tucui chaipi imalla tiyajcunandij tucuita chingachinapaj ch'icanchishcami. Chaimanta tucui chai pueblotaca chingachinguichij nishpami, Mandaj Diosca mandarca. Chaimanta cunanca purij shinalla ricushpa tigrachun ñucanchij cachashcacunata ama imata rurachun pacaj huainayashcahuan causaj Rahab huarmillatami mana huañuchina canchij. Paipaj huasipi miticushpa tiyacujcunatapish mana huañuchinachu canchij.