LEVÍTICO 27:13 - Dios Rimashca Shimicunami

¹³ Chai animalta llujshichisha nishpaca mashna valishcamanta pichcamanta shuj partehuan cuchun.

LEVÍTICO 27:13 Iomraidhean Croise

LEVÍTICO 22:14

Diospajlla ch'icanchishcacunataca pipish mana micunalla cashcata mana yachashcamanta micushpaca, pichcapi chaupishca shuj partehuan Diospajlla ch'icanchishcandij curaman tigrachichun.

LEVÍTICO 27:10

Chaimanta Mandaj Diosman yangalla animalta cuna tucushca cashpaca alli animalhuan ama cambiachun, alli animalta cuna tucushca cashpapish yangalla animalhuan ama cambiachun. Chai animalta shujtajhuan cambiajpica cambiashca animalpish, cushca animalpish Diospajlla ch'icanchishcami canga.

LEVÍTICO 27:12

Chaitaca curami alli cajtapish, mana alli cajtapish mashna valishcata ricunga. Cura mashnami valin nishcaca chaimi canga.

LEVÍTICO 27:14

Maijan paipaj huasita Mandaj Diosman ch'icanchishpa cujpica, chai huasitaca alli huasi cashcata, yangalla huasi cashcata cura ricushpa mashna valishcata huillachun. Mashna valishcata cura huillashcaca chaimi canga.

LEVÍTICO 27:15

Ashtahuanpish huasita Diosman cujllataj chai huasita tigra japisha nishpaca mashna valishcamanta pichcamanta shuj partehuan cuchun. Chashna rurajpica, huasica paipajllatajmi canga.

LEVÍTICO 27:19

Mandaj Diosman allpata cujllataj chai allpata tigra japisha nishpaca, chai allpa mashna valishcamanta pichcamanta shuj partehuan cuchun. Chashna rurajpimi paipajllataj canga.

LEVÍTICO 27:27

Punta huacharishca animal mana micuna animal cajpica, chai animal mashna valishcamanta cullquita cushpa chai animalyujllataj japichun. Chai jahuapish pichcamanta shuj partehuan cuchun. Chai animalyujllataj mana randijpica, chai animaltaca mashna valishcapi c'atuchunlla.

LEVÍTICO 5:16

Mandaj Diospaj ch'icanchishpa cuna cashcata mana tucuita cujca, mashnata mana cushcatapish tucuita cuchun. Cada chungamanta pichcahuan mirachishpapish cuchun. Chaitaca curaman cuchun. Tucui chaicunata ña apamujpica cura chai juchamanta, cushca carnerota Diosman cushpa rupachijpimi, Mandaj Diosca chai juchataca perdonanga.