LEVÍTICO 26:9 - Dios Rimashca Shimicunami

⁹ Ñucaca cancunataca tigralla ricushami. Achca huahuacunayujtami rurasha. Cancunataca achcata mirachishpami, cancunahuan ari ninacushcataca pajtachisha.

LEVÍTICO 26:9 Iomraidhean Croise

GÉNESIS 1:28

Taita Diosca paicunata alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarishpa cai pachata mandanguichij. Yacupi causaj animalcunatapish, huairapi purij alasyuj animalcunatapish, allpapi purij tucui animalcunatapish cancuna mandanguichij” nircami.

GÉNESIS 17:20

Ismaelmanta can mañashcatapish uyanimi. Paitapish alli cashca cachun nishami. Huahuacunayuj tucushpa, alli huiñachishpa yallitaj achcata mirarichunmi churasha. Paimantaca chunga ishqui mandajcunami llujshinga. Chashnami paimantaca jatun llajtata rurasha.

GÉNESIS 22:17

Cantaca alli cashca cachun nishatajmi. Cambaj huahua huahuacunataca jahua pachapi caj luzerocunata shina, mama cucha uripi tiyaj t'iyu allpata shinami yallitaj mirachisha. Cambaj huahua huahuacunami paicunata p'iñajcunataca mishanga.

GÉNESIS 26:4

Cambaj huahua huahuacunataca jahua pacha luzerocunata shina yallitaj achcata mirachishpami, tucui chai llajtacunataca cambaj huahua huahuacunaman cusha. Cambaj huahua huahuacunamantami tucui llajtacuna alli nishca canga.

GÉNESIS 28:14

Cambaj huahua huahuacunaca, ñutu allpa shinami canga. Inti llujshin ladomantaca, inti huashicun ladocama, janaj ladomantaca, ura ladocamami mirarishpa causangacuna. Canmanta, cambaj huahua huahuacunamantami tucui cai pachapi causajcunaca alli nishca cangacuna.

GÉNESIS 28:3

Pailla Tucuita Rurai Tucuj Taita Dios, canmanca achca allicunata cuchun. Cambaj huahuacunatapish yallitaj achcata mirachichun. Yallitaj achcacuna tucungacama mirachichun.

GÉNESIS 48:4

cashna nirca: Ñucami cantaca achca huahuacunayujta rurasha. Yallitaj achcatami mirachisha. Cambaj huahua huahuacunamantaca achca llajtacunami tucunga. Cai llajtataca cambaj huahua huahuacunapaj huiñaipaj cachunmi cusha nircami.

GÉNESIS 6:18

Ashtahuanpish canhuanca shuj ruranatami callarichigrini. Chaimanta canpish, cambaj churicunapish, cambaj huarmipish, cambaj churicunapaj huarmicunapish chai jatun huambuj huasiman yaicunguichij.

1 REYES 3:8

Cambajta rurajca can agllashcacunapaj chaupipimi. Paicunaca yallitaj achcacunami. Yallitaj achca cashcamanta pi mana yupai tucuipajmi.

2 REYES 13:23

Chaimi Mandaj Diosca paicunata llaquishpa c'uyashpa paicunaca llaquitamari apacuncuna nishpaca, Abrahamhuan, Isaachuan, Jacobhuan ari ninacushcata yuyarishpa, manataj tucuita chingachishachu nirca. Chashna nishpaca cunan punllacamami paipaj ñaupajmantaca mana tucui anchuchin.

NEHEMÍAS 2:20

Ashtahuanpish ñucaca: –Jahua pacha Diosmi ñucanchijtaca ayudanga. Paipajta ruraj ñucanchijca tucuicuna jatarishpa, cai pircacunataca cutin pircashunllami. Cancunaca cai Jerusalenpica, imata ninata, imata ruranata, Jerusalenpi imata yuyarinataca mana charinguichijchu– nircanimi.

NEHEMÍAS 9:23

Israelcunataca jahua pacha luzerocunata shinami mirachishcangui. Paicuna mirarijpica paicunapaj ñaupa yayacunaman quiquin cusha nishca llajtapi causachunmi, chai llajtaman pushashcangui.

SALMOS 107:38

Taita Diosca paicunataca alli ninmi, yallitaj achcatami mirachin. Paicunapaj animalcunatapish mana ashallayachinchu.

SALMOS 89:3

Ñuca agllashcahuanmi ari ninacurcani. Ñucapajta ruraj Davidmanmi caita rurashatajmi nishpa cashna nircani:

ÉXODO 1:7

Israelcunaca mirarishpa yallitaj achcacuna tucushpami, Egiptopica jundarircacuna. C'ari c'aricunapishmi tucurcacuna.

ÉXODO 2:25

Israelcuna llaquita apacujta Taita Dios ricushpaca yallitajmari llaquita apacun nishpami llaquirirca.

ÉXODO 6:4

Carumanta shamujcuna shinalla asha punllacunacama paicuna causacushca Canaán llajtata cungapajmi shuj ruranata ari ninacurcani.

ISAÍAS 55:3

Ñucapajman shamuichij. Cancunapaj rinrinta ñuca ladoman churashpa uyaichij. Uyaichij, cancunapaj almaca causangami. Pi mana cuyuchipaj c'uyaihuan Davidman ari nishcallapitajmi, cancunahuanpish huiñaipaj ari ninacusha.

JEREMÍAS 23:3

Tucui llajtacunaman ñuca shitashca ovejacunapaj huahuacunataca ñucallatajmi cutin tandachisha. Chashna tandachishpaca, ñucallatajmi paicuna shayanaman tigrachimusha. Caipimi achcata mirarishpa jundaringacuna.

JEREMÍAS 23:4

Paicunata ima ama manchachichun, shujllapish ama chingarichunca alli michijcunatami churasha. Ima manchai illajllami causangacuna” ninmi Mandaj Diosca.

JEREMÍAS 33:3

Ñucata caparilla, ñucaca cutichishallami. Can mana yachashca, pacalla tiyacuj jatun yachanacunata yachachishallami ninmi.

EZEQUIEL 16:62

Ashtahuanpish ñuca canman ari nishcata pajtachingapajmi, paicunataca canman cusha. Chashna rurajpimi ñucataca, Mandaj Diostaj cashcataca yachangui.

EZEQUIEL 36:9

Cancunamantaca ñucami shayarisha, cancunapajmanca ñucami tigramusha, cancunaca yapushca tarpushcami canguichij.

LEVÍTICO 26:15

ñuca ima shina causachun nishcacunatapish yanganchishpa, cancunapaj yuyaipica ñuca chaitataj pajtachichun nishcatapish mana ricunachishpa, ñucahuan ari ninacushca mandashcacunata chaita rurana yuyailla tucushpa ruranatapish mana rurajpica,

Lucas 1:72

Ñucanchij ñaupa yayacunata llaquishpa, paica pajtachishatajmi nishcata mana cungarishpami quishpichishca.

DEUTERONOMIO 28:11

Cunan cancunaman cugrin llajtata cancunapaj ñaupa yayacunaman Mandaj Dios cushatajmi nishca llajtapi ña cancuna cajpica Mandaj Diosca achca charinacunayujta, achca huahuacunayujta, achca animalcunayujtami ruranga. Cancunapaj chagracunapipish jahuanpi jahuanpimi yallitaj p'ucuchinga.

DEUTERONOMIO 28:4

Cancunapaj huijsamanta llujshishca huahuacunapish, cancunapaj allpapi p'ucushca granocunapish, cancunapaj animalcunapaj huahuacunapish, cancunapaj huagracunapaj huahuacunapish oveja canllapish tucui alli nishcacunami canga.

DEUTERONOMIO 7:13

Cancunataca c'uyangami, alli cashca cachun ningami, achcata mirachingami. Cancunapaj ñaupa yayacunaman cushami nishca llajtapimi cancunapaj huijsapi caj huahuacunapish, cancunapaj chagrapish, granocunapish, vinopish, aceitepish, bizicunapish, cancunapaj bachujcunapish ima mana tucunga.

Hebreos 8:9

Mana cancunapaj ñaupa yayacunata maquimanta aisashpa Egiptomanta llujshichi punllapi ari ninacushca shinachu rurasha. Ñucahuan ari ninacushcata pajtachinapi mana catijpimi paicunataca shitashcata saquircani. (Ninmi Jatun Diosca)