LEVÍTICO 26:7 - Dios Rimashca Shimicunami

⁷ Cancunata p'iñajcunatapish catirashpami llaquichinguichij. Paicunaca cancunapaj espadacunapimi urmangacuna.

LEVÍTICO 26:7 Iomraidhean Croise

1 CRÓNICAS 19:15

Amonitacunaca siriocuna miticushpa rijta ricushpaca, paicunapish Joabpaj huauqui Abisaipaj ñaupajmanta miticushpa rishpami, puebloman yaicurcacuna. Chai q'uipaca Joabca, Jerusalenman tigrarcallami.

ESTER 9:16

Caishuj llajtacunapi causaj, judiocunaca chai Adar shuti quillapaj chunga quimsa punllapimi paicunata p'iñajcuna huañuchinaman shamujpi, mitsarishpa macanacungapaj tandanacurcacuna. Chashna tandanacushpaca chai p'iñajcunahuan macanacushpami, jatun llaquipi canamantaca llujshircacuna. Chai p'iñajcunataca, 75.000 runacunatami huañuchircacuna. Chashna huañuchishpapish paicuna imalla charishcacunataca manataj japircacunachu. Chai cayandij chunga chuscu punllapimi, jatun micuita rurashpa, cushicushpa samarircacuna.

SALMOS 81:15

Mandaj Diosta p'iñajcunaca israelcuna mandashcami causanman carca. Israelcunapaj causaica huiñaitami alli canman carca.

LEVÍTICO 26:36

Mana huañushpa saquirijcunataca manchana yuyaita paicunapaj shungupi ñuca churajpimi, paicunaca paicunata p'iñajcunapaj llajtapica yura p'anga cuyurijllapipish, espadahuan huañuchingapaj caticujpi shina jatunta mancharishpa miticugringacuna. Pipish manapish caticujpi miticugricushpami urmangacuna.

LEVÍTICO 26:6

Llajtapica sumaj causaitami cusha. Cancunaca pi mana manchachishcami dorminguichij. Cancunapaj llajtamantaca millai animalcunatapish anchuchishami. Cancunapaj llajtapica macanacuipish mana tiyangachu.

LEVÍTICO 26:8

Cancunata p'iñajcuna patsaj cajpipish, pichcalla cashpapish callpachinguichijllami. Cancunata p'iñajcuna 10.000 cajpipish, cancunaca patsajlla cashpapish callpachinguichijllami. Cancunata p'iñajcunaca cancunapaj espadacunapimi huañungacuna.

DEUTERONOMIO 28:7

Cancunata p'iñashpa jatarijcunatapish Mandaj Diosmi mishanga. Cancunahuan macanacungapajca shuj ñanllatami llujshingacuna. Canchis ñancunatami cancunamantaca miticushpa callpangacuna.

DEUTERONOMIO 32:30

Paicunaca shujllamari huarangata manchachishpa catircacuna. Ishquillamari chunga huarangata callpachircacuna. Miticuna jatun Rumi shina ñucanchijta Mandaj Dios, paicunapaj maquipi churajpimari chashna rurarcacuna. Pai Diosllatajmi c'atuj shina paicunaman curca.

JOSUÉ 23:10

Mandaj Diosca pai nishca shinallataj cancunapaj allipaj pai macanacujpimi huaranga runacunatapish shujllataj manchachishpa cachanguichijlla.

JUECES 15:15

Chaimantami manaraj alli chaquishca burro jashlin tulluta chai pambapi ricushpaca, chaita japishpa huaranga filisteocunata huañuchirca.

JUECES 4:16

Barac runaca, Sisarapaj soldadocunataca, carrocunandij, soldadocunandijmi, Haroset-goimcama catishpa tucuchirca. Chai punllaca Sisarapaj soldadocunaca shujllapish mana saquirishpami espadapi tucuicuna huañurcacuna.

JUECES 7:23

Gedeonpish israelcunataca Neftalipaj, Aserpaj, Manasespaj tucui aillucunata tandachishpami, madianitacunata catishpa rircacuna.

1 SAMUEL 14:13

Jonatanca, paipaj macanacunata apajta catichishcami, maquicunahuan chaquicunahuan llucashpa huichiyarca. Filisteocuna Jonatanpaj maquipi urmajpica, paipaj macanacunata apajmi huañuchishpa catirca.