LEVÍTICO 26:6 - Dios Rimashca Shimicunami

⁶ Llajtapica sumaj causaitami cusha. Cancunaca pi mana manchachishcami dorminguichij. Cancunapaj llajtamantaca millai animalcunatapish anchuchishami. Cancunapaj llajtapica macanacuipish mana tiyangachu.

LEVÍTICO 26:6 Iomraidhean Croise

2 REYES 2:24

Eliseo paicunata tigralla ricushpaca, Mandaj Diospaj shutipi llaqui tucushca canman nijpimi, sachamanta ishqui osocuna llujshishpa, chuscu chunga ishqui huambracunata cashtushpa mirga mirgata rurarca.

1 CRÓNICAS 22:9

Riqui cambajca shuj churimi huacharinga. Muyundij llajtacunapi causajcunaman mana p'iñanacushpa sumajta causana yuyaita ñuca cujpimi, paica mana p'iñanacushpa sumajta causaj runa canga. Chaimantami paica Salomón shuti canga. Paipaj tucui causaipimi, israelcunataca sumaj causaita cushpa samachisha.

2 CRÓNICAS 20:30

Tucui muyundij llajtacunapi causajcuna llaquichinamanta Taita Dios huaquichishpa sumaj causaita cujpimi, Josafat mandacujpica mana macanacui tiyarca.

JOB 11:19

Can dormicujpipish, pi mana manchachingachu. Achcacunami cambaj ayudata mañanaman shamungacuna.

JOB 5:23

Shinallataj allpapi sirij rumicunapish cambaj chagra p'ucunataca mana jarcangachu. Sachapi causaj p'iña animalcunapish canhuanca sumajtami causangacuna.

SALMOS 144:14

Ñucanchij huagracunapish trabajanapaj sinchicuna cashca cachun. Ñucanchijta quichushpa rijcunapish, ñucanchij llujshishpa rinapish ama tiyashca cachun. Ñucanchij plazacunapica macanacuiman llujshinata caparinapish ama tiyashca cachun.

SALMOS 147:14

Paimi cambaj llajtapica, sumaj causaita cun. Ashtahuan alli trigota huijsa jundata caranga.

SALMOS 29:11

Mandaj Diosca, paipaj cajcunamanca podertami cunga. Mandaj Diosca paipaj cajcunamanca sumaj causaihuanmi bendicianga.

SALMOS 3:5

Mandaj Dios ñucata cuidajpimi, dormij siririni, dormini, rijcharini.

SALMOS 4:8

Mandaj Dioslla canca canpi shunguta churashpami causachingui. Chaimanta sumajtami dormij siririni, sumajtami dormini.

SALMOS 85:8

Mandaj Taita Dios rimashcatamari uyasha. Pai agllashcacunamanca sumaj causaitamari huillanga. Paipaj jucha illajcunamanca sumaj causaitamari huillanga. Imapish mana ruranaman cutin ama tigrachunmi chashna huillanga.

ÉXODO 23:29

Paicunataca shuj huatallapica cambaj ñaupajmantaca mana llujshichishpa cachashachu. Chai llajta shitashca saquirijpi sacha animalcunalla mirarishpa canta ama llaquichichunmi chashna rurasha.

PROVERBIOS 3:24

Dormingapaj siririshpapish, imata mana manchanguichu. Siririshcahuan sumajta dorminguillami.

PROVERBIOS 6:22

Chashna rurajpica maita purijpipish, canta alli pushangami. Can dormicujpipish huaquichingami. Ña rijcharijpica, cambaj yuyaipi rimangami.

ISAÍAS 35:8

Chaipica rumicunahuan allichishca ñanmi tiyanga. Chai ñanca: “Jucha illaj Ñan” nishcami canga. Mapacunaca chai ñantaca mana puringacunachu. Ashtahuanpish Taita Diostajmi paicunahuan canga. Maijanpish chai ñanpi puricujca imata mana jahualla yachai tucuipaj cashpapish mana pandaringachu.

ISAÍAS 35:9

Chaipica leonpish mana tiyangachu. Manchanana animalcunapish chai ñantaca mana huichiyangacunachu. Quishpichishcacunalla purichunmi chai ñanpica, chai animalcunaca mana tupanga.

ISAÍAS 45:7

Ñucami luztapish callarichij cani. Ñucami amsatapish callarichij cani. Sumaj causaitapish ñucami cuni. P'iñanacuitapish ñucami callarichini. Tucui chaicunata rurajca pi shujtaj mana tiyanchu. Mandaj Dios ñucami tucui chaicunata rurajca cani.

ISAÍAS 9:7

Pai mandanaca ashtahuanmi mirashpa catinga. Pai mandacujpica sumaj causaimi tiyanga. Chai mandanaca mana tucuringachu. David mandashpa tiyanapimi tiyaringa. Pai mandanatami mandanga. Ima pandata mana rurashpa, cashcata rurashpami mandanga. Imatapish alli cachun churashpami mandanga. Pi mana cuyuchipajmi canga. Pai mandai callari punllamanta huiñaitami chashna canga. Tucuita Mandaj Diosca chaita rurana munailla cashcamanta pajtachingatajmi.

JEREMÍAS 30:10

Mandaj Diosca cashnapishmi nin: “Ñucata servij Jacobpaj huahuacunalla, ama manchaichijchu. Can israelcunaca ama mancharichijchu. Ñucamari cancunataca huahuacunandij prezu causacun chai caru llajtamanta llujshichisha. Jacobpaj huahuacuna, cancunaca cai llajtaman tigrashpami samaringuichij. Pi mana manchachishca, ima llaquitapish mana yuyarishpami causanguichij.

JEREMÍAS 31:26

Chashna nijta uyashpaca, rijcharishpa ñahuita pascarcanillami. Chashna muscushcamantaca, cushicurcanimi.

EZEQUIEL 14:15

Shinallataj cai llajtamanca p'iña animalcunata cachashpa llaquichicujpica, chai animalcunapaj chaupitaca pipish mana pasai tucunmanchu. Cai llajtaca shitashcami saquirinman.

EZEQUIEL 14:17

Mana cashpaca espadata cai llajtaman apamushpaca: Espada, cai llajtapi causaj runacunatapish, animalcunatapish huañuchi nishpa huañuchichicujpica,

EZEQUIEL 14:21

Chaimantami Mandaj Jatun Diosca cashna nin: “Jerusalenta llaquichingapajca, chuscu jatun llaquicunatami cachasha. Chai pueblopi causaj runacunata, animalcunata huañuchingapaj espadatapish, yaricaitapish, p'iña animalcunatapish, jatun ungüicunatapishmi cachasha.

EZEQUIEL 34:25

Paicunahuanca sumajta causanatami ari ninacushun. Cai llajtamantaca p'iña animalcunatapish anchuchishami, shitashca pambacunapipish imata mana manchashpami causangacuna, yura ucucunapimi dormingallacuna.

EZEQUIEL 34:27

Granota p'ucuj yurapish alli granotami p'ucunga, allpapish alli granocunatami p'ucunga, cai llajtapica imata mana manchashpami causangacuna. Paicunata yugushpa huatashca cinta angucunataca p'itishami. Paicunata servichishpa causajcunapaj maquimantaca charichishami. Chaita ricushpami, ñucataca Mandaj Diostaj cashcataca yachangacuna.

EZEQUIEL 5:17

Shinallataj yaricaitapish, p'iña animalcunatapish cachashpami cancunataca llaquichisha. Paicunami cancunataca chingachinga. Caipica ungüipish, yahuarpish, jatun macanacuicunapishmi tiyanga. Caitaca Mandaj Dios ñucatajmi chashna nini” nircami.

OSEAS 2:18

Chai punllacunapica, paicunapaj allipajmi purij animalcunahuanpish, huairata purij alasyuj animalcunahuanpish, culebracunahuanpish ari ninacushcata rurasha. Cai llajtamantaca arcotapish, espadatapish, macanacuicunatapish anchuchishami. Chashna rurajpica ima manchai illajllami dormingui.

OSEAS 2:20

Manataj shitangapajmi canhuanca cazarasha. Chaimi Mandaj Diostaj cashcata rijsingui ninmi.

LEVÍTICO 25:18

Ñuca chaitataj pajtachichun nishcata, ñuca mandashcacunata pajtachina yuyailla tucushpa chaitataj ruraichij. Chashna rurashpaca chai llajtapica, imata mana manchashpami causanguichij.

LEVÍTICO 25:19

Chai llajtapish alli granocunatami p'ucunga. Mana nijtami micunguichij. Chai llajtapica imata mana manchashpami causanguichij.

LEVÍTICO 26:22

Millai sacha animalcunatapishmi cancunapaj huahuacunata apachun cancunapajman cachasha. Cancunapaj animalcunatapish chingachingami. Chaimanta cancunapaj ñancunapi purijcunaca ashacunallami tucunga.

LEVÍTICO 26:25

Ñucahuan ari ninacushcata p'aquishcamanta cancunata llaquichij cachunca, cancunata p'iñajcunatami macanacushpa huañuchichun pushamusha. Paicuna mishajpi cancunapaj pueblocunapi miticujpipish, cancunaman llaquichij ungüita cushpami cancunata p'iñajcunapaj maquipi churasha.

LEVÍTICO 26:7

Cancunata p'iñajcunatapish catirashpami llaquichinguichij. Paicunaca cancunapaj espadacunapimi urmangacuna.

MIQUEAS 4:4

Chaipica pi mana manchachingachu. Quiquin uva yura ucupi, quiquin higo yura ucupi tiyarishpami samaringacuna. Caitaca tucuita Mandaj Diosllatajmi huillashca.

SOFONÍAS 3:13

Chai saquirishca israelcunaca pita mana llaquichingachu, mana llullangacunachu. Paicunapaj c'alluca pita mana umangachu. Paicunataca allimi michinga. Paicuna dormicujpipish, pi mana manchachingachu” ninmi.

HAGEO 2:9

Q'uipata rurashca cai huasica, ñaupaman rurashca huasitapish yalli sumajmari canga” ninmi tucuita Mandaj Diosca. “Caipica sumaj causaitamari churasha” ninpishmi tucuita Mandaj Diosca.

ZACARÍAS 9:10

Efrainpaj huahua huahuacunapaj carretacunatapish, Jerusalenpi causajcunapaj caballocunatapish chingachishami. Macanacuna arcocunapish p'aquiringami. Llajtacunapipish macanacuicunaca mana tiyangachu nishpami huillanga. Paimi cai pachataca shuj lado mama cuchamantaca, caishuj lado mama cuchacama mandanga. Jatun yacumanta callarishpaca, cai pacha maipi tucuringacamami mandanga.

Juan 14:27

Cancunamanca ñuca sumaj causaitami cuni, sumajta causachunmi chaitaca saquini. Cai pachapaj cajcuna cushca shinaca mana cunichu. Chaimanta cancunapaj shungupica ama musparinguichijchu, ama mancharinguichijchu.

Hechos 12:6

Cayami gentecunaman ricuchingapaj llujshichisha nishpa Herodes yuyacui tutaca Pedroca ishqui cadenahuan huatashcami, ishqui soldadocunapaj chaupipi dormicurca. Shujtaj soldadocunapish cárcel pungupimi cuidashpa shayacurca.

Romanos 5:1

Crishcamanta justificashcacuna cashpami, ñucanchijta Mandaj Jesucristomanta Dioshuan sumaj causaita charinchij.