LEVÍTICO 26:5 - Dios Rimashca Shimicunami

⁵ Cancunapaj trigota manaraj tucui trillajpimi, uvata tandanapish ña chayamunga. Uvata manaraj tucui tandajpimi, tarpuipish chayamunga. Cancunaca quiquin micunatami mana nijta micunguichij. Quiquin llajtapimi imata mana manchashpa causanguichij.

LEVÍTICO 26:5 Iomraidhean Croise

SALMOS 144:13

Ñucanchij granocunata huaquichinacunaca tucui laya granocunahuan junda cashca cachun. Ñucanchij animalcunapish huaranga huaranga mirarishca cachun. Ñucanchij michina pambacunapica chunga cutinhuan huaranga huaranga mirarishca cachun.

SALMOS 90:1

Jatun Dios, quiquinca ñucanchij miticunami cangui. Ñucanchij huahua huahuacuna miticunami cangui.

ÉXODO 16:8

Moisesca cashnapishmi nirca: –Mandaj Diosca chishicunataca, aichatami cancuna micuchun cugrin. Tutamantacunataca, mana nijta micuchunmi tandata cugrin. Mandaj Diosca cancuna paita juchachishpa rimashcatami uyashca. Cancunaca mana ñucanchijtachu juchachishpa rimashcanguichij. Ashtahuanpish Mandaj Diostamari juchachishpa rimashcanguichij. Shina cajpica ñucanchijca ¿imapish mana canchijchu?– nircami.

PROVERBIOS 1:33

Ashtahuanpish ñuca yachachishcata cazushpaca, imata mana manchashpami causanga. Ima llaqui japinata mana manchashpa, sumajtami causancuna” ninmi.

PROVERBIOS 18:10

Mandaj Diosca jatun torre shinami. Cashcata ruraj runaca paipajman callpashpaca, quishpichishca cangami.

ISAÍAS 1:19

Ñuca nishcacunata cazunata munashcamanta cazushpaca, allpapi p'ucushcacunamantaca tucuimanta yalli alli p'ucushcatani micunguichij.

ISAÍAS 30:23

Chaipica Jatun Diosca, allpapi cancuna tarpushca chagramanpish tamyata cachajpimi, chai allpaca yallitaj granota p'ucunga. Chaica cancunaman fuerzata cujmi canga. Chai punllacunapica cancunapaj huagracunatapish, yallitaj achca q'uihuacunapimi michinga.

JEREMÍAS 23:6

Pai mandacui punllacunapica Judá llajtapajpish, israelcunapajpish ima llaqui mana tiyangachu. Cushicushpami causangacuna. Paitaca: Ñucanchijta mitsaj Mandaj Dios nishpami cayangacuna” ninmi.

OSEAS 2:18

Chai punllacunapica, paicunapaj allipajmi purij animalcunahuanpish, huairata purij alasyuj animalcunahuanpish, culebracunahuanpish ari ninacushcata rurasha. Cai llajtamantaca arcotapish, espadatapish, macanacuicunatapish anchuchishami. Chashna rurajpica ima manchai illajllami dormingui.

OSEAS 2:20

Manataj shitangapajmi canhuanca cazarasha. Chaimi Mandaj Diostaj cashcata rijsingui ninmi.

JOEL 2:19

Mandaj Diosca pai agllashcacunamanca cashnami cutichinga: “Riquichij, ñucaca cancunamanca micunatapish, llullu vinotapish, aceitetapish pajtatami caragrini. Cancunata p'iñaj llajtacuna llaquichichunpish manataj saquishachu.

JOEL 2:22

Sachapi causaj animalcunapish, ama manchaichijchu. Cancuna micuchunca, shitashca pambacunapi q'uihuacunaca cutinmi huiñanga. Yuracunapipish cutinllatajmi p'ucunga. Higocunapish, uvacunapish achcatami p'ucunga.

JOEL 2:26

Cancunaca chai granocunataca mana nijtami micunguichij. Cancunaman achca allicunata cuj, Mandaj Taita Dios ñucatami: Sumajmari cangui ninguichij. Cunanmantapacha ñuca agllashcacunaca, ña mana cutin pingachishca canguichijchu.

AMÓS 9:13

Mandaj Diosca cashnapishmi nin: “Riquichij, ñamari jatun alli punllacunaca chayamugrin. Chai punllacunapica trigota manaraj tucui cuzichajpimi, yapui punllaca japinga. Shinallataj uvata manaraj tucui capijpimi, trigota tarpuna punllaca chayanga. Llullu vinoca yacu shinami urcucunatapish, lomacunatapish callpacunga.

Mateo 23:37

¡Jerusalenpi causajcunalla, Jerusalenpi causajcunalla cancunaca profetacunata huañuchijcuna, Dios cachashca huillajcunata rumihuan shitajcunapishmi canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Hechos 14:17

Chashna causacujpipish Taita Diosca tamyata cachashpa granocuna p'ucuna punllapitaj p'ucuchishpami ñucanchijmanca mana nijta carashpa cushichin. Chashnami pai alli cashcataca ricuchin– nircacunami.

DEUTERONOMIO 11:15

Cancunapaj animalcunapajpish q'uihuapish mana illangachu. Cancunapish mana nijtami micunguichij.

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.