LEVÍTICO 26:46 - Dios Rimashca Shimicunami

⁴⁶ Tucui cai mandashcacuna, ima shina causachun nishcacunaca Diospish imallata rurana cashcata, israelcunapish imallata pajtachina cashcata Mandaj Dios callarichishpa Moisesman Sinaí urcupi cushcami.

LEVÍTICO 26:46 Iomraidhean Croise

SALMOS 77:20

Quiquinpaj cajcunataca ovejacunata shinami pushamurcangui. Moisespaj, Aaronpaj maquihuanmi pushamurcangui.

LEVÍTICO 25:1

Mandaj Diosca Sinaí urcupi Moisesta mandashpaca cashnami nirca:

LEVÍTICO 27:1

Mandaj Diosca Moisesta mandashpaca cashnami nirca:

LEVÍTICO 27:34

Tucui chai mandashcacunaca, israelcunata yachachichun Mandaj Dios Moisesman Sinaí urcupi cushcami.

LEVÍTICO 7:38

Chaicunataca Sinaí urcupimi Mandaj Diosca Moisesman curca. Sinaí shitashca pambapi paicuna cajpi Mandaj Diosman israelcuna ima shinalla paicunapaj cuna cashcata cuchun mandashcami.

LEVÍTICO 8:36

Aaronpish, paipaj churicunapish Mandaj Dios Moisesta mandashca shinallatajmi tucuita rurarcacuna.

NÚMEROS 36:13

Cai mandashcacunaca israelcunata Moisés mandachun Mandaj Dios cushca mandashcami. Chaitaca Jericó ch'imbapurapi caj Jordán yacu c'uchupi caj Moab pambapimi curca.

NÚMEROS 4:37

Dioshuan tupanacuna carpa huasipi Diospajta ruraj Coatpaj huahua huahuacunata quillcashcaca tucui chaicunami. Paicunataca Mandaj Dios Moisesta mandashca shinallatajmi Moiseshuan, Aaronhuan quillcarca.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

DEUTERONOMIO 12:1

Cancunapaj ñaupa yayacunaman cancunata Mandaj Dios cancunapaj Taita Dios cushca llajtapi causashca punllacunapica mandashcacunata, pajtachichuntaj nishcacunataca caicunatami chai yuyailla rurana canguichij.

DEUTERONOMIO 13:4

Chaimanta cancunaca Mandaj Dios cancunapaj Taita Diosllata catinguichij, paillata manchanguichij. Pai mandashcacunallata huaquichinguichij, pai rimashcallata uyanguichij. Pai mandashcacunallata ruranguichij, paipajlla cana yuyailla canguichij.

DEUTERONOMIO 29:1

Tucui cai shimicunaca Mandaj Dios Moisesta israelcuna imallata ruranata cutinllataj Moab llajtapi ari nichishcami. Ñaupaman Horeb urcupi ari nichishca jahuapishmi chaipipish ari nichirca.

DEUTERONOMIO 33:4

Moisesca mandashcacunataca Jacobpaj huahua huahuacuna tandanacushcapaj cachunmi curca.

DEUTERONOMIO 4:5

Riquichij, ñucaca chaitataj pajtachichun nishcacunata, pajtachinguitaj nishcacunata Mandaj Dios ñuca Taita Dios mandashca shinallatajmi cancunamanca yachachircani. Chaitaca cunan cancunapaj cachun japigrin llajtaman yaicushpa pajtachishpa causachunmi yachachircani.

DEUTERONOMIO 6:1

“Tucui caicunaca mandashcacunapish chaitataj pajtachichun nishcacunapish, pajtachinguitaj nishcacunapish Mandaj Dios cancunapaj Taita Diosca cancunaman ñuca yachachichun mandashcami. Chaicunataca cancuna japigricun llajtaman chayashpa chaitataj pajtachina tucushpa pajtachichunmi chashna yachachichun mandarca.