LEVÍTICO 26:44 - Dios Rimashca Shimicunami

⁴⁴ Paicunata p'iñajcunapaj llajtapi paicuna chashna llaquita apacujpica shuj cutintajca mana shitashachu. Tucui chingaringacamatajca mana millanachicushallachu. Paicunahuan ari ninacushcataca manataj yanganchishachu. Ñucaca Mandaj paicunapaj Taita Diosmi cani.

LEVÍTICO 26:44 Iomraidhean Croise

GÉNESIS 17:7

Canhuanca shuj ruranatami rurasha. Cambaj huahua huahuacunahuanpish, paicunapaj huahua huahuacunahuanpish huiñaita ruracushallami. Cambajpish, cambaj huahua huahuacunapajpish, paicunapaj huahua huahuacunapajpish huiñaipaj Taita Dios cangapajmi chashna rurasha.

2 REYES 13:23

Chaimi Mandaj Diosca paicunata llaquishpa c'uyashpa paicunaca llaquitamari apacuncuna nishpaca, Abrahamhuan, Isaachuan, Jacobhuan ari ninacushcata yuyarishpa, manataj tucuita chingachishachu nirca. Chashna nishpaca cunan punllacamami paipaj ñaupajmantaca mana tucui anchuchin.

NEHEMÍAS 9:17

Quiquin Dios paicunapaj, mancharinacunata rurashcatapish mana uyashun nircacunachu, mana yuyarishun nircacunachu. Quiquinpajta ruranatapish ch'ahuanyashpa mana rurashun nircacunachu. Ashtahuanpish c'ariyashpami, cutinllataj huatashca shina cangapaj chai llajtallamantaj tigrangapaj paicunapaj pushajcunata agllanata yuyarircacuna. Quiquinca perdonaj Dios, c'uyaj, llaquij, mana utca p'iñarijmi cangui. Chashna yallitaj c'uyaj cashpami, paicunataca mana shitashcangui.

NEHEMÍAS 9:31

Ashtahuanpish quiquinca yallitaj c'uyaj cashpami, paicunataca mana chingachishcangui. Mana saquishcangui. C'uyaj, llaquij Dios cashcamantami chashna rurashcangui.

SALMOS 103:13

Yaya paipaj huahuacunata ima shina llaquij shinallatajmi, Mandaj Diospish paita manchajcunataca llaquin.

SALMOS 89:33

Shina cashpapish Davidta llaquinataca manataj saquishachu. Ñuca pajtachishatajmi nishcataca mana p'aquishachu.

SALMOS 94:14

Mandaj Diosca, paipaj cajcunataca manataj shitangachu. Paipaj cajcunataca manataj shitashcata saquingachu.

JEREMÍAS 14:21

Can imata ari nishcata yuyarishpa, ñucanchijtaca ama shitahuaichu. Can sumaj jatun Dios mandashpa tiyana pueblotapish ama yangata ruraichu. Cantaca jatunyachishunmari, amataj shitahuaichu.

JEREMÍAS 24:5

“Israelcunata Mandaj Diostajmi cashna nini: Cai Judá llajtamanta llujshichishpa, caldeocunapaj llajtaman cachashcacunataca, cai alli higocunata shina cushijlla ñahuihuanmi ricusha. Paicunapajca allita rurashami.

JEREMÍAS 30:11

Ñucaca cancunata quishpichingapaj cancunahuanmi cani. Ñuca cancunata mai llajtallaman prezu cachashca cashpapish, chai llajtacunataca tucuchishami. Ashtahuanpish cancunataca mana tucuchishachu. Llaquichinataca llaquichishatajmi. Shina cashpapish cancunataca allichingapajllami llaquichisha” ninmi Mandaj Diosca.

JEREMÍAS 31:20

Efrainca mana ñuca c'uyashca huahua cajpichu, mana ñuca cushicuna huahua cajpichu mana llaquishari. Paimanta rimashpaca, paitaca punllanta yuyaricunillami. Ñuca paita yuyarishpaca, shungumantami llaquirini. Paitaca llaquishatajmi.

JEREMÍAS 33:26

ñucapish Jacobopaj huahuacunata shitaimanchari, ñucata servij Davidpaj huahuacunatapish cungarimanchari. Shamuj punllapica Abrahampaj, Isaacpaj, Jacobopaj huahua huahuacunata mandachunca, ña manachari Davidpaj huahua huahuapuramanta mandajta churaiman. Ashtahuanpish ñucallatajmari caimanta prezu apashcacunataca llaquishpa tigrachimusha” nircami.

EZEQUIEL 16:60

Ashtahuanpish can solteraraj cajpi ari ninacushcataca yuyaricushallami. Canhuanca huiñaipajmi ari ninacurcanchij.

LEVÍTICO 26:11

Ñuca causanataca cancunapaj chaupipimi churasha. Ñucapish cancunata mana millanachishachu.

Romanos 11:2

Diosca, ñaupaman agllashca paipaj cajcunataca mana shitashcatajchu. Quillcachishcapi Eliasmanta parlashcataca ¿manachu yachanguichij? Paica israelcuna mana alli cashcata Diospaj ñaupajpi huillacushpaca cashnami nirca:

Romanos 11:26

Chai q'uipaca, tucui israelcunatami quishpichishca canga. Cashnami quillcashca tiyacun: “Quishpichijca Sionmantami shamunga. Paica, Jacobpaj huahua huahuacunamantami, millaita ruraj canata anchuchinga.

JUECES 2:1

Mandaj Diospaj angelca, Gilgal pueblomanta Boquim puebloman huichi rishpami israelcunataca: “Ñucami cancunataca Egiptomanta llujshichishpa, cancunapaj ñaupa yayacunaman ñuca cushami nishca llajtaman pushamurcani. Chai punllallatajmi paicunamanca: Ñuca cancunahuan ari ninacushcataca, manataj p'aquishachu.